ཟླ་བཞི་བའི་ཚེས་ཉེར་གཉིས་ཉིན། རྒྱལ་ཡོངས་སྲིད་གྲོས་ཏང་ཕྱིའི་ཨུ་ཡོན་གྱིས་མཚོ་སྔོན་གྱི་དབུལ་ཐར་མཁྲེགས་གཏོར་བྱ་བར་ལྟ་ཞིབ་བྱེད་པའི་བཞུགས་མོལ་ཚོགས་འདུ་ཟི་ལིང་དུ་བསྡུས། རྒྱལ་ཡོངས་སྲིད་གྲོས་ཀྱི་རྒྱུན་ལས་ཨུ་ཡོན། ཀྲུང་གོ་དམངས་གཙོ་མནའ་མཐུན་ཚོགས་པའི་ཀྲུང་དབྱང་གི་སྔོན་གྱི་ཀྲུའུ་ཞི་གཞོན་པ་ཝུན་སི་མེ་ཚོགས་འདུར་ཞུགས་ནས་གཏམ་བཤད་གནང་། མཚོ་སྔོན་ཞིང་ཆེན་གྱི་ཧྲིན་ཀྲང་གཞོན་པ་ཁོང་ཡུང་གིས་བྱ་བའི་སྙན་ཞུ་ཕུལ། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་ཏུའུ་ཏི་ཀྲི་ཡིས་ཚོགས་འདུར་འགོ་འཛིན་མཛད།
ཝུན་སི་མེ་ཡིས་བསྟན་དོན། མཚོ་སྔོན་གྱིས་དབུལ་ཐར་མཁྲེགས་གཏོར་བྱ་བར་མཐོང་ཆེན་ཚད་མེད་བྱེད་ཀྱིན་ཡོད། ཐེངས་འདིའི་ལྟ་ཞིབ་བྱ་འགུལ་གྱིས་མཚོ་སྔོན་གྱི་དབུལ་ཐར་མཁྲེགས་གཏོར་བྱ་བའི་འཕེལ་རིམ་གནས་ཚུལ་རྒྱུས་ལོན་བྱས་པ་བརྒྱུད། རྒྱལ་ཁའི་ཉམས་མྱོང་སྤྱི་སྡོམ་དང་། མཉམ་དུ་དཀའ་ཁག་དང་ཤུགས་ཞན་པའི་གོ་རིམ་རྩད་ཞིབ་བྱེད་པ། ཏང་ཕྱིའི་ཨུ་ཡོན་གྱི་བློ་རིག་དང་ཐུན་མོང་མ་ཡིན་པའི་དགེ་མཚན་འདོན་སྤེལ་གང་ལེགས་བྱས་ནས། དབུལ་ཐར་མཁྲེགས་གཏོར་འཐབ་ཇུས་ལ་རྒྱལ་ཁ་ལེན་པར་བློ་འདོན་ཇུས་འབུལ་བྱེད་པ་དང་། སྲིད་དོན་ལ་ཇུས་འདོན་དང་ངོས་འཛིན་གོང་བུ་གཅིག་གྱུར་གྱི་ཤུགས་འདོན་ཟུང་མངོན་འགྱུར་ཡོང་བ་བྱེད་དགོས།
ཝུན་སི་མེ་ཡིས་ནན་གྱིས་བསྟན་དོན། ད་ལོའི་དབུལ་ཐར་མཁྲེགས་གཏོར་བྱ་བས་སང་ལོའི་ལས་དོན་མཇུག་བསྡུ་བར་དོན་སྙིང་གལ་ཆེན་བསྐྲུན་པ་ཁག་ཐེག་བྱེད་པ་དང་། སྔར་ལས་ལྷག་པར་དབུལ་ཐར་སྤུས་ཚད་མཐོར་འདེགས་གཏོང་དགོས། ཡང་བསྐྱར་དབུལ་པོར་འགྱུར་བར་སྔོག་འགོག་དང་ཇེ་ཉུང་གཏོང་དུ་དགོས། དབུལ་ཐར་སྤུས་ཚད་མཐོར་འདེགས་གཏོང་བ་དམིགས་སུ་བཟུང་ནས། ཧུར་ཐག་གིས་དབུལ་ཕོངས་ཁྱིམ་ཚང་དབུལ་ཐར་བྱས་རྗེས་ཕྱིར་དབུལ་པོར་འགྱུར་བར་སྔོན་འགོག་དང་ཇེ་ཉུང་དུ་གཏོང་བའི་རྐྱེན་སྲོལ་བཙུགས་ནས་འགན་སྲུང་བྱེད་པ་དང་། སེམས་ཁུར་བྱེད་མི་དགོས་པ་གཉིས་དང་འགན་སྲུང་གསུམ་གྱི་འབུར་ཐོན་གནད་དོན་གཙོ་ཤུགས་སུ་བཟུང་ནས། མང་ཚོགས་ཀྱི་སློབ་གསོ་དང་སྨན་བཅོས། སྡོད་ཁང་སོགས་ཕྱོགས་ཀྱི་གནད་དོན་ཐག་གཅོད་ལེགས་པོ་བྱེད་དགོས། སྔར་ལས་ལྷག་པའི་སྒོ་ནས་དབུལ་ཐར་མཁྲེགས་གཏོར་དང་ཞིང་སྡེའི་དར་རྒྱས་འཐབ་ཇུས་ཀྱི་འབྲེལ་མཐུད་ལེགས་པོར་སྒྲུབ་ནས། ཀྲུང་དབྱང་གི་འབྲེལ་ཡོད་དགོངས་དོན་དངོས་འབེབས་དོན་འཁྱོལ་བྱེད་པ་དང་། དབུལ་ཐར་མཁྲེགས་གཏོར་གྱི་མིག་རྒྱང་རིང་བའི་འཕེལ་རྒྱས་དང་ཞིང་སྡེའི་དར་རྒྱས་འཐབ་ཇུས་ཀྱི་འབྲེལ་མཐུད་བྱ་བ་བཟང་པོར་སྒྲུབ་དགོས་ལ། དུས་ལྟར་དབུལ་ཐར་མཁྲེགས་གཏོར་འཐབ་ཇུས་ལ་རྒྱལ་ཁ་ལེན་པའི་ཆོད་སེམས་དང་ཡིད་ཆེས་ཇེ་བརྟན་དུ་གཏོང་དགོས་ཟེར།
ཚོགས་ཐོག་ཏུ། ལྟ་ཞིབ་ཚོགས་པའི་མི་སྣ་དང་མཚོ་སྔོན་ཞིང་ཆེན་གྱི་འབྲེལ་ཡོད་འགན་ཁུར་བློ་མཐུན་གྱིས་དབུལ་ཐར་མཁྲེགས་གཏོར་ཐད་ནས་བསམ་ཚུལ་བརྗེ་རེས་བྱས།
ཟླ་བཞི་བའི་ཚེས་ཉེར་གཉིས་ཉིན་ནས་ཚེས་ཉེར་ལྔ་ཉིན་བར། རྒྱལ་ཡོངས་སྲིད་གྲོས་ཀྱི་ཏང་ཕྱིའི་ཨུ་ཡོན་གྱི་ལྟ་ཞིབ་ཚོགས་པ་རྨ་ལྷོ་བོད་རིགས་རང་སྐྱོང་ཁུལ་དང་། མཚོ་ཤར་གྲོང་ཁྱེར་གྱི་འབྲེལ་ཡོད་རྫོང་ཁག་དང་ཞང་། སྡེ་བ་སོགས་སུ་སོང་ནས་ཡུལ་དངོས་ལྟ་ཞིབ་བྱེད་རྒྱུ་ཡིན་པ་དང་། ཞང་སྡེ་རུ་བསྐྱོད་ནས་གཞི་རིམ་འཐུས་ཚབ་པ་དང་ལྷན་དུ་བཞུགས་མོལ་བརྗེ་རེས་བྱེད་པ་དང་། དབུལ་ཐར་མཁྲེགས་གཏོར་འཐབ་ཇུས་ལ་རྒྱལ་ཁ་ལེན་པར་བློ་རིག་དང་སྟོབས་ཤུགས་ཀྱི་རོགས་སྐྱོར་གང་ལེགས་བྱེད་རྒྱུ་རེད།
