བསྟུད་མར་ཉིན་འགའི་རིང་ལ། མཚོ་སྔོན་ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དང་ལྟ་ཞིབ་ཨུ་ཡོན་ལྷན་ཁང་གིས་ཀྲུང་དབྱང་ནག་འཇོམས་ངན་སེལ་ལྟ་སྐུལ་མཛུབ་སྟོན་ཚན་ཁག་གི་སྐུལ་སློང་ཚོགས་འདུའི་དགོངས་དོན་སློབ་སྦྱོང་དང་ལག་བསྟར་ནན་མོ་བྱས་པ་དང་། བསམ་བློ་དང་སྦྱོར་བ་ཏང་ཀྲུང་དབྱང་དང་ལྟ་སྐུལ་མཛུབ་སྟོན་ཚན་ཁག་གི་བླང་བྱའི་སྟེང་གཅིག་གྱུར་མཐའ་འཁྱོལ་བྱས་ཏེ། ཚད་གཞི་དང་དམིགས་ཡུལ་ལ་ནན་མོ་ལྟར་ལྟ་སྐུལ་བྱེད་ཞོར་དུ་བཅོས་སྒྱུར་བྱས་ནས། བྱ་བ་དོན་འཁྱོལ་བཟང་པོ་བྱས།
ཀྲུང་དབྱང་ནག་འཇོམས་ངན་སེལ་ལྟ་སྐུལ་མཛུབ་སྟོན་ཚན་ཁག་བཅོ་བརྒྱད་པ་དང་ཞིང་ཆེན་ཏང་ཨུའི་འབྲེལ་མཐུད་ཚོགས་འདུ་ཐེངས་དང་པོའི་སྟེང་བསྟན་པའི་གནད་དོན་ལས་སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་དང་འབྲེལ་བའི་གནད་དོན་གྱི་ལེགས་བཅོས་དོན་འཁྱོལ་དངོས་སུ་བཟང་པོར་འཛིན་ཆེད། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དང་ལྟ་ཞིབ་ཨུ་ཡོན་ལྷན་ཁང་གིས་དུས་ལྟར་ཞིབ་འཇུག་བྱས་ཏེ་ལེགས་བཅོས་ཇུས་གཞི་ གཏན་འབེབས་བྱས་པ་དང་། བསྟན་པའི་གནད་དོན་དེ་ལེགས་བཅོས་མཐའ་འཁྱོལ་དང་བཅོས་སྐྱོང་མཐའ་འཁྱོལ་བྱས་ནས། ནག་འཇོམས་ངན་སེལ་གྱི་མཁྲེགས་གཏོར་འཐབ་འཛིང་ལས་རྣམ་པར་རྒྱལ་བར་སྒྲིག་ཁྲིམས་ཀྱི་འགན་སྲུང་སྟོབས་ཅན་འདོན་སྤྲོད་བྱས།
ལེགས་བཅོས་ཇུས་གཞི་དེས་སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་དང་འབྲེལ་བའི་ཕྱོགས་བཞིའི་གནད་དོན་ལ་དམིགས་ནས། ལེགས་བཅོས་ཀྱི་བྱེད་ཐབས་བཅུ་བཞི་བཏོན་ཏེ། འགན་ཁུར་ལས་ཁུངས་དང་ལེགས་བཅོས་དུས་ཚོད་གཏན་ཁེལ་གསལ་པོ་བྱས་པ་དང་། འགན་ཁུར་གསལ་ཞིང་ཁ་ཕྱོགས་ཡང་དག་ཡིན་ལ་ལས་འགན་གསལ་པོ་ཡིན་པར་བྱས། གཅིག ཆབ་སྲིད་ཀྱི་ལངས་གནས་མཐོར་འདེགས་སུ་བཏང་ནས། བྱ་བའི་རང་བཞིན་རང་བཞིན་ཇེ་དྲག་ཏུ་བཏང་། གཉིས། རོགས་ལས་གཞོགས་འདེགས་ལ་ཤུགས་བསྣན་ནས། འབྲེལ་འདྲིས་ཚུར་སྣང་གི་རྐྱེན་སྲོལ་འཐུས་ཚང་དུ་བཏང་། གསུམ། ཕྱོགས་གཅིག་ལ་སྟོབས་ཤུགས་བཏོན་ནས་མཉམ་གནས་མཉམ་ལས་ལ་སྐུལ་འདེད་བཏང་།
