ཟླ8པའི་ཚེས20ཉིན། རྒྱལ་ཁབ་སྤྱི་གླིང་གླེང་སྟེགས་སྐབས་དང་པོ་མཇུག་སྒྲིལ་རྗེས་གསར་འགྱུར་ཁྱབ་བསྒྲགས་ཚོགས་འདུ་བསྡུས་པ་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལིག་ཉིང་གིས་གླེང་སྟེགས་བསྒྲུབས་པའི་འབྲེལ་ཡོད་གནས་ཚུལ་མཚམས་སྦྱོར་བྱས་ཤིང་། རྒྱལ་ཁབ་ནགས་ལས་དང་རྩྭ་ས་ཅུའུ་ཡི་ཅུའུ་ཀྲང་གཞོན་པ་ལིས་ཁྲོན་ལིང་གིས་རྒྱལ་ཁབ་སྤྱི་གླིང་གླེང་སྟེགས་ཀྱི《ཟི་ལིང་ངོས་འཛིན》ཁྱབ་བསྒྲགས་བྱས་པ་དང་། ཧྲིན་ཀྲང་གཞོན་པ་ཐེན་ཅིན་ཁྲིན་གྱིས་འགོ་འཛིན་བྱས།

ལིག་ཉིང་གིས་བཤད་རྒྱུར། རྒྱལ་ཁབ་སྤྱི་གླིང་གླེང་སྟེགས་ལ་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་ཐུགས་ཁུར་ཟབ་མོ་དང་རྒྱབ་སྐྱོར་ཆེན་པོ་ཐོབ་ཡོད། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་འཕྲིན་ཡིག་བསྐུར་ཏེ་གླེང་སྟེགས་བསྡུས་པར་སྤྲོ་སེམས་འཁོལ་བའི་རྟེན་འབྲེལ་ཞུས་པ་དང་། གླེང་སྟེགས་ལ་ཞུགས་པའི་རྒྱལ་ཁབ་སོ་སོའི་སྐུ་མགྲོན་དང་རིགས་སོ་སོའི་མི་སྣར་དགའ་བསུ་ཞུས་པར་མ་ཟད། རྒྱལ་ཁབ་སྤྱི་གླིང་རྐྱེན་སྲོལ་ལག་བསྟར་བྱེད་པའི་དོན་སྙིང་དང་གཞུང་ལུགས། དམིགས་ཡུལ་དང་ནང་དོན་སོགས་ཀྱི་ཐད་ནས་གསལ་བཤད་གཏིང་ཟབ་བྱས། གླེང་སྟེགས་ལ་ཞུགས་པའི་འགོ་ཁྲིད་དང་ཆེད་མཁས་པའི་གཏམ་བཤད་ཀྱི་ལྟ་བ་གསལ་བ་དང་ནང་དོན་ཞིབ་ཅིང་ཕྲ་བ། རྒྱས་བཤད་ཕུན་སུམ་ཚོགས་པས་ཉམས་མྱོང་བརྗེ་རེས་དང་བསམ་བློ་གཅིག་གྱུར། ངོས་འཛིན་གཅིག་མཐུན་གྱི་སྔོན་དཔག་དམིགས་འབེན་ལ་སླེབས་ཡོད་ཟེར།