ཞི་ཅིན་ཕིང་གིས་རྒྱལ་ཁོངས་ལས་བརྒལ་བའི་ཀུང་ཟིའི་འགོ་ཁྲིད་པ་ཡི་ཆིན་ཏའོ་མཐོ་རིམ་གྲོས་ཚོགས་སྐབས་དང་པོར་རྟེན་འབྲེལ་ཞུ་ཡིག་ཕུལ།
2019.10.20 ཁུངས། ཞིན་ཧྭ་གསར་འགྱུར་དྲ་བ། ཀློག་གྲངས། 0

ཟླ་བཅུ་བའི་ཚེས་བཅུ་དགུ་ཉིན། རྒྱལ་ཁོངས་ལས་བརྒལ་བའི་ཀུང་ཟིའི་འགོ་ཁྲིད་པ་ཡི་ཆིན་ཏའོ་མཐོ་རིམ་གྲོས་ཚོགས་སྐབས་ཐོག་མ་ཧྲན་ཏུང་ཆིན་ཏའོ་ནས་བསྡུས་ཤིང་། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་རྟེན་འབྲེལ་ཞུ་ཡིག་ཕུལ།

ཞི་ཅིན་ཕིང་གིས་བསྟན་དོན། ཀྲུང་གོའི་བཅོས་སྒྱུར་སྒོ་འབྱེད་ཀྱི་ལོ་ངོ་བཞི་བཅུའི་ལོ་རྒྱུས་བཞུད་ལམ་ཁྲོད་དུ། རྒྱལ་ཁོངས་ལས་བརྒལ་བའི་ཀུང་ཟི་རྣམས་ནི་ཟབ་ཞུགས་པ་གཙོ་བོ་དང་དཔང་བོ། ཁེ་ཕན་ཐོབ་མཁན་བཅས་ཡིན་པར་མ་ཟད། དེ་བསྟུན་གྱི་བྱེད་ནུས་མི་དམན་པ་བཏོན་ཡོད་ཟེར།

ཞི་ཅིན་ཕིང་གིས་ཀྲུང་གོས་བཅོས་སྒྱུར་གྱི་སྒོ་མོ་ཅི་ཙམ་ཕྱེ་བ་དེ་ཙམ་གྱིས་ཆེ་རུ་འགྲོ་བ་དང་ཚོང་གཉེར་གྱི་ཁོར་ཡུག་ཀྱང་ཉིན་རེ་ལས་ཉིན་རེར་ཇེ་ཡག་ཏུ་འགྲོ་གིན་ཡོད་པས། གོ་ལ་ཧྲིལ་པོའི་རྒྱལ་ཁོངས་ལས་བརྒལ་བའི་ཀུང་ཟིར་གསར་གཏོད་བྱེད་པའི་གོ་སྐབས་མང་པོ་སྐྲུན་གྱིན་ཡོད།  ང་ཚོས་གོ་ལ་ཧྲིལ་པོའི་ཁེ་ལས་མཁས་ཅན་ཀྲུང་གོར་ཡོང་ནས་མ་འཇོག་ལས་གཏོད་བྱས་ཏེ་ཁེ་ཕན་གཉིས་རྒྱལ་དང་ཐུན་མོང་ཐོག་མཛེས་སྡུག་ལྡན་པའི་འབྱུང་འགྱུར་གཏོད་རྒྱུར་དགའ་བསུ་ཞུ་རྒྱུ་ཡིན་ཟེར།