ཧན་གོ་དང་ཁྲའོ་ཞན་གྱིས་ཚེས་བཅུ་དྲུག་ཉིན་ཁའེ་ཁྲིན་དུ་ཡོད་པའི་ཧན་གོ་དང་ཁྲའོ་ཞན་གྱི་ཐུན་མོང་འབྲེལ་གཏུག་ལས་དོན་ཁང་ནས་མཁའ་འགྲུལ་ལས་དོན་གྱི་གྲོས་ཚོགས་བསྡུས། ཁྲའོ་ཞན་ཕྱོགས་ཀྱིས་ཚོགས་ཐོག་ནས་ཁྲའོ་ཞན་ཕྱེད་གླིང་ཤར་ཕྱོགས་དང་ནུབ་ཕྱོགས་ཀྱི་མཚོ་ཁོངས་ཀྱི་རྒྱལ་སྤྱིའི་མཁའ་འགྲུལ་ལམ་ཐིག་གསར་འབྱེད་བྱེད་པའི་གྲོས་གཞི་བཏོན།
ཧན་གོ་དང་ཁྲའོ་ཞན་ཕྱོགས་གཉིས་ཀྱིས་བལྟས་ན་དེ་ནི་ལྷོ་བྱང་བར་དུ་ཐོག་དང་པོར་མཁའ་འགྲུལ་ཁྱབ་ཁོངས་ཀྱི་གྲོས་ཚོགས་བསྡུས་པ་ཡིན་པས་དོན་སྙིང་གལ་ཆེན་ལྡན་པར་འདོད། ཁྲའོ་ཞན་གྱིས་བཏོན་པའི་རྒྱལ་སྤྱིའི་མཁའ་འགྲུལ་ལམ་ཐིག་གསར་འབྱེད་བྱེད་པའི་བསམ་འཆར་ཐད་ནས་ཧན་གོའི་ཕྱོགས་ཀྱིས་བསྟན་དོན། ཕྱོགས་གཉིས་ཀྱི་མཁའ་འགྲུལ་སྡེ་ཁག་གིས་གྲོས་མོལ་བསྡུས་ཏེ་ཞིབ་ཏུ་གྲོས་མོལ་བྱེད་རྒྱུ་ཡིན་ཟེར།
ཧན་གོའི་ཕྱོགས་ཀྱིས་ད་རུང་བསྟན་དོན། ཧན་གོ་དང་ཁྲའོ་ཞན་གྱིས་ཕྱིན་ཆད་མུ་མཐུད་དུ་མཁའ་འགྲུལ་ཁྱབ་ཁོངས་ཀྱི་མཉམ་ལས་གནད་དོན་སྣ་ཚོགས་ཐད་ནས་གྲོས་མོལ་བྱེད་རྒྱུ་ཡིན་ཟེར།