འབར་མ་ནས་གྲུ་གཟིངས་ནུབ་པའི་དོན་རྐྱེན་བྱུང་སྟེ་མི་བཅོ་བརྒྱད་གར་སོང་རྙེད་མེད།
2019.02.12 ཁུངས། ཞིན་ཧྭ་གསར་འགྱུར་དྲ་བ། ཀློག་གྲངས། 12

འབར་མའི་རོའུ་ཁའེ་པང་མེ་གསོད་སྡེ་ཁག་གིས་ཚེས་བཅུ་གཅིག་ཉིན་བཤད་རྒྱུར། གྲུ་གཟིངས་ཤིག་ཉིན་དེའི་ཞོགས་པར་རོའུ་ཁའེ་པང་ལེ་ཕེའེ་གླིང་ཕྲན་ཉེ་འདབས་ཀྱི་མཚོ་ཁོངས་ནས་རྒྱ་མཚོར་ནུབ་པ་དང་། མིག་སྔར་མི་བདུན་བསྐྱབས་ཡོད་ལ། མི་བཅོ་བརྒྱད་གར་སོང་རྙེད་མེད་ཟེར།
འབར་མའི་མེ་གསོད་ཅུའུ་ཡིས་སྤེལ་བའི་སྤྱི་སྒྲོག་ལྟར་ན། ས་དེའི་ཚེས་བཅུ་གཅིག་ཉིན་གྱི་ཞོགས་པའི་དུས་ཚོད་བཞི་ཡས་མས་སུ། འབར་མའི་སྐྱེལ་འདྲེན་དང་འཕྲིན་གཏོང་པུའུ་ཡི་ཁོངས་སུ་གཏོགས་པའི་གླང་ཆེན་རྟགས་ཅན་གྱི་གྲུ་གཟིངས་ཤིག་ལ་ལེ་ཕེའེ་གླིང་ཕྲན་ཉེ་འདབས་ཀྱི་མཚོ་ཁོངས་ནས་མཚོ་རླབས་དང་འཕྲད་ནས་གཏོར་བརླག་ཐེབས་ཏེ་ལོག་པ་རེད། ལེ་ཕེའེ་གླིང་ཕྲན་གྱི་འབྲེལ་ཡོད་ལས་ཁུངས་ཀྱིས་མྱུར་མོར་ཉ་བདའི་གྲུ་གཟིངས་གཉིས་མངག་ནས་རྒུད་སྐྱོབ་བྱས། ཚེས་བཅུ་གཅིག་ཉིན་གྱི་སྔ་དྲོའི་བར། གྲུ་གཟིངས་སྟེང་གི་མི་ཉེར་ལྔའི་གྲས་ཀྱི་མི་བདུན་བསྐྱབས་པ་དང་། མི་བཅོ་བརྒྱད་གར་སོང་རྙེད་མེད་ཟེར།
རོའུ་ཁའེ་པང་མེ་གསོད་ཅུའུ་ཡི་འགན་ཁུར་བ་ཡིས་གསར་འགོད་པར་བཤད་རྒྱུར། རྒུད་སྐྱོབ་མི་སྣ་དག་གིས་མིག་སྔར་གྲུ་གཟིངས་རྒྱ་མཚོར་ནུབ་པའི་མཚོ་ཁོངས་སུ་གར་སོང་མ་རྙེད་པའི་མི་སྣ་སྔོག་བཤེར་རྒུད་སྐྱོབ་བྱེད་བཞིན་ཡོད་ཟེར།