ཨ་མེ་རི་ཁའི་ཙུང་ཐུང་ཐི་ལིང་ཕུའུ་ཡིས་ཚེས་བཅོ་བརྒྱད་ཉིན་བཤད་རྒྱུར། ཨ་མེ་རི་ཁའི་རྒྱལ་སྲུང་བློན་ཆེན་ཚབ་མ་ཧྲ་ནཱ་ཧན་གྱིས་རྒྱལ་སྲུང་བློན་ཆེན་གྱི་ལས་འགན་ཁུར་བར་བརྩོན་ལེན་བྱེད་རྒྱུ་མིན་པས། སྐམ་དམག་གི་པུའུ་ཀྲང་ཨེ་སི་པའོ་རྒྱལ་སྲུང་བློན་ཆེན་ཚབ་མ་གསར་བར་བསྐོ་འཇོག་བྱེད་རྒྱུ་ཡིན་ཟེར།
ཐི་ལིང་ཕུའུ་ཡིས་ཉིན་དེར་དྲ་ཚིགས་བརྒྱུད་དེ་བཤད་རྒྱུར། ཧྲ་ནཱ་ཧན་གྱིས་མུ་མཐུད་དུ་རྒྱལ་སྲུང་བློན་ཆེན་ཚབ་མའི་འགན་ཁུར་ཏེ་དངོས་སུ་རྒྱལ་སྲུང་བློན་ཆེན་དུ་འགྱུར་བར་བརྩོན་ལེན་མི་བྱེད་པར། སྔར་ལས་མང་བོའི་དུས་ཚོད་བཀོལ་ནས་ཁྱིམ་མི་དང་མཉམ་དུ་སྡོད་རྒྱུ་ཐག་བཅད་པ་རེད་ཟེར། ཐི་ལིང་ཕུའུ་ཡིས་ཧྲ་ནཱ་ཧན་གྱི་ཕུལ་དུ་བྱུང་བའི་བྱ་བར་བཀའ་དྲིན་ཞུས་པར་མ་ཟད། ཨེ་སི་པའོ་རྒྱལ་སྲུང་བློན་ཆེན་ཚབ་མ་གསར་བར་བསྐོ་འཇོག་བྱས།
ཧྲ་ནཱ་ཧན་གྱིས་ཉིན་དེར་གསལ་སྒྲོག་ཅིག་གི་ནང་བསྟན་དོན། ཁྱིམ་ཚང་གི་རྒྱུ་རྐྱེན་དབང་གིས་ཁོས་རྒྱལ་སྲུང་བློན་ཆེན་གྱི་ལས་འགན་བརྩོན་ལེན་ལས་རིམ་ལས་ཕྱིར་འབུད་རྒྱུ་མ་ཟད། རྒྱལ་སྲུང་བློན་ཆེན་གཞོན་པའི་ལས་འགན་བསྐྱུར་རྒྱུའི་རེ་བ་བཏོན་པ་ཡིན་ཟེར།
ལོ་ཙཱ་བ། བསོད་ནམས་ཚེ་རིང་།
