ནེ་ཀྲི་རི་ཡཱའི་དབུས་ཕྱོགས་ས་ཁུལ་དུ་འགྲིམ་འགྲུལ་དོན་རྐྱེན་ཚབས་ཆེན་ཞིག་བྱུང་སྟེ་མི་བཅུ་གཅིག་རྐྱེན་ལམ་དུ་ཤོར། 
2019.09.10 ཁུངས། ཞིན་ཧྭ་གསར་འགྱུར་དྲ་བ། ཀློག་གྲངས། 25

ནེ་ཀྲི་རི་ཡཱའི་དབུས་ཕྱོགས་ཀྱི་ནཱ་སཱ་ལཱ་ཝ་ཀྲིག་ཏུ་ཚེས་དགུའི་ཉིན་འགྲིམ་འགྲུལ་དོན་རྐྱེན་ཚབས་ཆེན་ཞིག་བྱུང་སྟེ། མི་བཅུ་གཅིག་རྐྱེན་ལམ་དུ་ཤོར་བ་དང་། མི་བཞིར་རྨས་ཕོག 

ནཱ་སཱ་ལཱ་ཝ་ཀྲིག་གི་གཞུང་ལམ་དོ་དམ་སྡེ་ཁག་གི་འགན་ཁུར་བ་ཞིག་གིས་ཉིན་དེར་གསར་འགྱུར་ལས་རིགས་ལ་བཤད་རྒྱུར། ཐེངས་འདིའི་དོན་རྐྱེན་ནི་ཀྲིག་དེའི་ཨ་ཁོན་ཅཱ་ས་ཁུལ་གྱི་ཉེ་འདབས་ནས་བྱུང་བ་དང་། བསྡོམས་པས་རླངས་འཁོར་གསུམ་དང་མི་བཅོ་ལྔར་འབྲེལ་བ་ཡོད། དེའི་ནང་མི་བཅུ་གཅིག་རྐྱེན་ལམ་དུ་ཤོར་ཡོད་ལ། རྨས་མ་བཞི་སྨན་ཁང་དུ་བསྐྱལ་ནས་གསོ་བཅོས་བྱེད་བཞིན་ཡོད་ཟེར། 

འགན་ཁུར་བ་དེས་བསྟན་དོན། འབྲེལ་ཡོད་སྡེ་ཁག་གིས་དོན་རྐྱེན་དེའི་འབྱུང་རྐྱེན་ལ་རྟོག་ཞིབ་བྱེད་བཞིན་ཡོད་ཟེར། 



ལོ་ཙཱ་བ། བསོད་ནམས་ཚེ་རིང་།