ཕཱ་ལེ་སི་ཐན་དབྱི་སི་ལན་འགོག་རྒོལ་རྩ་འཛུགས་ཧཱ་མཱ་སིའི་སྨྱན་བྱད་གཞུང་སྒྲུབ་ཁང་གིས་ཚེས11ཉིན་གསལ་སྒྲོག་སྤེལ་ཏེ། དབྱི་སི་རལ་གྱི་དམག་དཔུང་གིས་ཉིན་དེར་ཅཱ་ཧྲའི་དབུས་ཕྱོགས་ཀྱི་ནོའུ་སེ་ལའེ་ཐི་ཡུལ་གྱར་བའི་སྒར་སའི་སློབ་གྲྭ་ཞིག་ལ་འགས་གཏོར་བཏང་སྟེ། ཉུང་མཐར་ཡང་མི18རྐྱེན་ལམ་དུ་ཤོར་བ་དང་། གཞན་ཡང་མི་མང་བོར་རྨས་ཕོག་ཡོད་ཟེར།

གསལ་སྒྲོག་ལས་བཤད་རྒྱུར། འཇབ་རྒོལ་ཐེབས་པའི་ཅཱ་ཝུའུ་ནེ་སློབ་གྲྭར་ཡུལ་འཁྱམས་བྱེད་པའི་ཕཱ་ལེ་སི་ཐན་གྱི་མང་ཚོགས་སྟོང་ཕྲག་འགའ་བསྡུ་ལེན་བྱས་ཡོད་པ་དང་། རྐྱེན་ལམ་དུ་ཤོར་བའི་གྲས་སུ་རྒུད་སྐྱོབ་རྩ་འཛུགས་ཀྱི་ལས་བྱེད་མི་སྣའང་འདུས་ཡོད། སྐོར་ཐེངས་གསར་བའི་ཕཱ་ལེ་སི་ཐན་དང་དབྱི་སི་རལ་གྱི་འཁྲུག་རྩོད་བྱུང་བའི་ཚུན་ལ། དབྱི་སི་རལ་གྱི་དམག་དཔུང་གིས་ནོའུ་སེ་ལའེ་ཐི་ཡུལ་གྱར་བའི་སྒར་སའི་ནང་གི་སློབ་གྲྭ་དང་ཡུལ་འཁྱམས་བྱེད་པའི་མང་ཚོགས་བསྡུ་ལེན་ལྟེ་གནས18ལ་འགས་གཏོར་བཏང་ཡོད་ཟེར།

དབྱི་སི་རལ་གྱི་རྒྱལ་སྲུང་དམག་དཔུང་གིས་ཚེས11ཉིན་གསལ་སྒྲོག་སྤེལ་ཏེ། དབྱི་སི་རལ་གྱི་མཁའ་དམག་གིས་ཅཱ་ཧྲ་ས་ཁུལ་དབུས་ཕྱོགས་ཀྱི་ཅཱ་ཝུའུ་ནེ་སློབ་གྲྭའི་ནང་གི་ཧཱ་མཱ་སིའི་བཀོད་འདོམ་ལྟེ་གནས་ལ་གནད་འཁེལ་ཆམ་ཕབ་བཏང་བ་དང་། ཧཱ་མཱ་སིའི་དྲག་ཆས་མི་སྣས་ལྟེ་གནས་དེ་བེད་སྤྱད་ནས་དབྱི་སི་རལ་ལ་དམིགས་པའི་འཇབ་རྒོལ་དོན་རྐྱེན་འཆར་འགོད་དང་ལག་བསྟར་བྱེད་བཞིན་ཡོད་ཟེར།

བསོད་ནམས་ཚེ་རིང་གིས་བསྒྱུར།