ཨུ་རུ་སིའི་རྒྱལ་སྲུང་པུའུ་ཡི་དྲ་ཚིགས་ནས་ཚེས་གསུམ་ཉིན་སྤྱི་སྒྲོག་སྤེལ་ཏེ། ཨུ་རུ་སི་ཡིས་ཚེས་གསུམ་ཉིན་དབུས་ཕྱོགས་དང་ནུབ་ཕྱོགས་ས་ཁུལ་ནས་གཞི་རྒྱ་ཆེ་བའི་དམག་དོན་སྦྱོང་བརྡར་བྱ་འགུལ་སྤེལ། བསྡོམས་པས་མཁའ་འབབ་དམག་མི་སྟོང་ལྔ་ལྷག་བྱ་འགུལ་ལ་ཞུགས།
སྤྱི་སྒྲོག་ལས་བཤད་རྒྱུར། ཨུ་རུ་སིའི་ནུབ་ཕྱོགས་ཀྱི་ཕུའུ་སི་ཁི་ཧྥུའུ་ཀྲིག་ཏུ་བཀོད་སྒྲིག་བྱས་པའི་མཁའ་འབབ་ཁྲི་ཤོག་དོན་དྲུག་པ་དང་ཨུ་རུ་སིའི་དབུས་ཕྱོགས་ཀྱི་དབྱེ་ཝན་ནོའུ་བོ་ཀྲིག་ཏུ་བཀོད་སྒྲིག་བྱས་པའི་མཁའ་འབབ་ཁྲི་ཤོག་གོ་བརྒྱད་པས་ཚེས་གསུམ་ཉིན་ནས་བཟུང་མཁའ་འབབ་དམག་དཔུང་གི་དམག་དོན་སྦྱོང་བརྡར་བྱ་འགུལ་སྤེལ། མཁའ་འབབ་དམག་མི་སྟོང་ལྔ་ལྷག་སྦྱོང་བརྡར་ལ་ཞུགས། བསྡོམས་པས་དམག་དོན་སྒྲིག་ཆས་དང་དམིགས་བསལ་སྒྲིག་ཆས་དགུ་བརྒྱ་ལྷག་བེད་སྤྱོད་བྱས། དམག་དོན་སྦྱོང་བརྡར་སྐབས་སུ་དམག་དོན་སྦྱོང་བརྡར་ས་ཁུལ་ནས་མཆོངས་གདུགས་ལ་བརྟེན་ནས་དམག་མོ་སྟོང་གཉིས་དང་ལྔ་བརྒྱ་ལྷག་དང་དམག་དོན་སྒྲིག་ཆས་ཉི་ཤུ་མཁའ་ལས་འབེབ་རྒྱུ་རེད། ཐེངས་འདིའི་དམག་དོན་སྦྱོང་བརྡར་བྱ་འགུལ་དེ་ཚེས་བཅུའི་ཉིན་བར་རྒྱུན་བསྲིང་རྒྱུ་རེད།