ད་ལྟ་གཟིགས་བཞིན་པ། > མདུན་ངོས། > གསར་འགྱུར། > དམག་དོན་གསར་འགྱུར།

ཕཱ་ཁི་སི་ཐན་གྱིས་རྒྱལ་ཁབ་མང་བོའི་མཉམ་འབྲེལ་གྱི་མཚོ་ཐོག་དམག་དོན་སྦྱོང་བརྡར་བྱ་འགུལ་སྤེལ།

སྤེལ་དུས། 2017-02-11 09:24:48   ཡོང་ཁུངས། ཞིན་ཧྭ་གསར་འགྱུར་དྲ་བ།   རྡེབ་ཚད།    ནང་དོན་འདི་སྤེལ་མཁན། བསོད་ནམས་ཚེ་རིང་།

རྒྱལ་ཁབ་མང་བོའི་མཉམ་འབྲེལ་གྱི་མཚོ་ཐོག་དམག་དོན་སྦྱོང་བརྡར་བྱ་འགུལ་དེ་ཚེས་བཅུ་ཉིན་ཕཱ་ཁི་སི་ཐན་ལྷོ་ཕྱོགས་ཀྱི་གྲུ་ཁའི་གྲོང་ཁྱེར་ཁཱ་ལཱ་ཆི་ལཱ་ནས་སྤེལ་མགོ་བརྩམས། དམག་དོན་སྦྱོང་བརྡར་གྱི་དམིགས་ཡུལ་ནི་སྲོལ་རྒྱུན་དང་སྲོལ་རྒྱུན་མ་ཡིན་པའི་བདེ་འཇགས་འཇིགས་ཉེན་ཐག་གཅོད་བྱེད་པའི་ཆེད་དུ་རེད།

ཕཱ་ཁི་སི་ཐན་མཚོ་དམག་གི་དམག་དཔོན་ཨ་རོས་ཧྥུའུ་ལཱ་ཧི་སེ་ནེ་ཡིས་ཉིན་དེར་མཉམ་འབྲེལ་གྱི་དམག་དོན་སྦྱོང་བརྡར་མགོ་རྩོམ་པའི་མཛད་སྒོའི་སྟེང་བཤད་རྒྱུར། ཐེངས་འདིའི་དམག་དོན་སྦྱོང་བརྡར་གྱི་དམིགས་ཡུལ་ནི་སྲོལ་རྒྱུན་དང་སྲོལ་རྒྱུན་མ་ཡིན་པའི་བདེ་འཇགས་འཇིགས་ཉེན་ཐག་གཅོད་བྱེད་པའི་ལས་རིམ་དང་ལག་རྩལ་གཏན་འབེབ་བྱེད་པའི་ཆེད་དུ་ཡིན་པ་དང་། དམག་དོན་སྦྱོང་བརྡར་དེ་ས་ཁུལ་རང་གི་མི་སྣའི་ལྐོག་འགྲོས་དང་དུག་རྫས་ལྐོག་འཚོང་། འཇིགས་སྐུལ་རིང་ལུགས་བཅས་ལ་ཆམ་ཕབ་གཏོང་བར་ཕན་ཐོགས་ཡོད་ཟེར།

ཕཱ་ཁི་སི་ཐན་གྱི་ཙུང་ལི་ཞེ་ལི་ཧྥུའུ་ཡིས་འཕྲིན་ཡིག་བཏང་སྟེ། ཧིན་རྡུ་རྒྱ་མཚོའི་ས་ཁུལ་གྱི་མཚོ་ཐོག་བདེ་འཇགས་འགྲན་རྩོད་ནི་རྣམ་པ་སྣ་ཚོགས་སུ་མངོན། མཚོ་ཐོག་གི་འཇིགས་སྐུལ་རིང་ལུགས་དང་དུག་རྫས་ལྐོག་འཚོང་། མཚོ་ཇག་སོགས་ཀྱི་བདེ་འཇགས་འཇིགས་ཉེན་ལ་འཕྲད་ཡོད་པས། རྒྱལ་སྤྱིའི་མཚོ་དམག་གི་མཉམ་ལས་ལ་ཤུགས་སྣོན་བྱེད་པར་དགོས་གལ་ཧ་ཅང་ཆེ། ཨ་རབ་མཚོ་ཁོངས་ཀྱི་མཚོ་ཐོག་བདེ་འཇགས་ལ་འབྲེལ་བ་ཡོད་པའི་ཕྱོགས་གཙོ་བོ་ཞིག་ཡིན་པའི་ཆ་ནས། ཕཱ་ཁི་སི་ཐན་གྱིས་ས་ཁུལ་རང་གི་མཚོ་འགྲུལ་རང་དབང་དང་རྒྱ་མཚོའི་སྒྲིག་ལམ་ལ་སྲུང་སྐྱོབ་བྱེད་པར་འབད་བརྩོན་བྱེད་དགོས་ཟེར།

ཕཱ་ཁི་སི་ཐན་གསར་འགྱུར་ལས་རིགས་ཀྱིས་བསྒྲགས་པ་ལྟར་ན། ཀྲུང་གོ་དང་ཨ་མེ་རི་ཁ། ཨུ་རུ་སི། དབྱིན་ཇི། འཇར་པན། ཨོ་སི་ཁྲུ་ལི་ཡཱ་སོགས་རྒྱལ་ཁབ་སོ་བདུན་ནས་ཡོང་བའི་གྲུ་གཟིངས་བཅོ་ལྔ་དང་ཆུ་འཛུལ་གྲུ་གཟིངས་ལ་རྒོལ་བའི་སྐོར་གཡེང་གནམ་གྲུ་གཉིས། གྱེན་འཕུར་གནམ་གྲུ་ལྔ། དམིགས་བསལ་དམག་དཔུང་རུ་ཁག་བཅུ་གཅིག་བཅས་དམག་དོན་སྦྱོང་བརྡར་ལ་ཞུགས། དམག་དོན་སྦྱོང་བརྡར་དེ་གྲུ་ཁའི་སྦྱོང་བརྡར་དང་མཚོ་ཐོག་གི་སྦྱོང་བརྡར་བཅས་དུས་རིམ་གཉིས་སུ་བགོས་ཡོད་ལ། གཙོ་བོ་མཚོ་ཐོག་རྒུད་སྐྱོབ་དང་མཚོ་ཇག་ལ་ངོ་རྒོལ། མཚོ་ཐོག་གི་མཁོ་སྒྲུབ། འཇིགས་སྐུལ་ལ་ངོ་རྒོལ་སོགས་འདུས།

 

མཉམ་སྤྱོད་བྱེད་གནས། 


ར་སྤྲོད་ཨང་།          མིང་མེད།    
མཛའ་འབྲེལ་ཨ་ལུང་།
ཀྲུང་གོ་བོད་ཀྱི་དྲ་བ།གུང་ཁྲན་ཏང་གི་དྲ་བ།བོད་ཀྱི་རིག་མཛོད།བོད་ཀྱི་སློབ་འབྲིང་།མཚོ་སྔོན་བོད་རིགས་དྲ་བ།ཁམས་པའི་དྲ་བ།ཞིང་ཆེན་མི་དམངས་སྲིད་གཞུང་།ཀྲུང་གོའི་བོད་སྐད་རླུང་འཕྲིན།བོད་ལྗོངས་འཕྲིན་དྲ།
ཁམས་པའི་བརྙན་འཕྲིན།ནོར་ནོར་བརྙན་འཕྲིན།