ད་ལྟ་གཟིགས་བཞིན་པ། > མདུན་ངོས། > གསར་འགྱུར། > དམག་དོན་གསར་འགྱུར།

ཨུ་རུ་སི་དང་ཨུ་རུ་སི་དཀར་པོའི་དྲག་ཆས་དམག་དཔུང་གིས་མཉམ་འབྲེལ་སྒོས་དམིགས་བསལ་དམག་དོན་སྦྱོང་བརྡར་བྱ་འགུལ་སྤེལ་རྒྱུ་རེད།

སྤེལ་དུས། 2017-08-14 09:37:37   ཡོང་ཁུངས། ཞིན་ཧྭ་གསར་འགྱུར་དྲ་བ།   རྡེབ་ཚད།    ནང་དོན་འདི་སྤེལ་མཁན། བསོད་ནམས་ཚེ་རིང་།

ཨུ་རུ་སི་དཀར་པོའི་རྒྱལ་སྲུང་པུའུ་ཡིས་ཚེས་བཅུ་གསུམ་ཉིན་ཁྱབ་སྒྲོག་བྱས་དོན། ཨུ་རུ་སི་དཀར་པོ་དང་ཨུ་རུ་སི་རྒྱལ་ཁབ་གཉིས་ཀྱི་དྲག་ཆས་དམག་དཔུང་གིས་ཟླ་འདིའི་ཚེས་ཉེར་གཅིག་ཉིན་ནས་ཚེས་ཉེར་ལྔ་ཉིན་བར་མཉམ་འབྲེལ་སྒོས་དམིགས་བསལ་དམག་དོན་སྦྱོང་བརྡར་བྱ་འགུལ་སྤེལ་ཏེ། རྒྱལ་ཁབ་གཉིས་ཀྱིས་ཟླ་དགུ་བའི་ཟླ་དཀྱིལ་ལ་སྤེལ་རྒྱུ་ཡིན་པའི་ཉིས་སྟོང་བཅུ་བདུན་ལོའི་མཉམ་འབྲེལ་དམག་དོན་སྦྱོང་བརྡར་ལ་གྲ་སྒྲིག་བྱེད་རྒྱུ་ཡིན་ཟེར།

ཨུ་རུ་སི་དཀར་པོའི་རྒྱལ་སྲུང་པུའུ་ཡིས་ཉིན་དེར་བསྒྲགས་པ་ལྟར་ན། དམིགས་བསལ་དམག་དོན་སྦྱོང་བརྡར་ལ་ཞུགས་པའི་ཨུ་རུ་སིའི་ཕྱོགས་ཀྱི་མི་སྣ་དག་ཟླ་འདིའི་ཚེས་བཅོ་ལྔ་ཉིན་ནས་བཟུང་བསྟུད་མར་ཨུ་རུ་སིའི་དཀར་པོའི་མངའ་ཁོངས་སུ་ཡོང་རྒྱུ་ཡིན་པ་ཁྱབ་སྒྲོག་བྱས།

ཉིན་དེར་ཨུ་རུ་སི་དཀར་པོའི་རྒྱལ་སྲུང་པུའུ་ཡི་པུའུ་ཀྲང་གཞོན་པ་དང་པོ་དང་དྲག་ཆས་དམག་དཔུང་གི་སྤྱི་ཁྱབ་ཇུས་འདོན་པའི་འགན་ཁུར་མཁན་པེ་ལོ་ཁི་ནེ་ཧྥུའུ་ཡིས་བསྟན་དོན། ཨུ་རུ་སི་དཀར་པོ་དང་ཨུ་རུ་སི་རྒྱལ་ཁབ་གཉིས་ཀྱི་ཉིས་སྟོང་བཅུ་བདུན་ལོའི་མཉམ་འབྲེལ་དམག་དོན་སྦྱོང་བརྡར་གྱི་གྲ་སྒྲིག་བྱ་བ་ཡོད་ཚད་མཇུག་སྒྲིལ་ལ་ཉེ། ཐེངས་འདིའི་རྒྱུན་སྲོལ་གྱི་མཉམ་འབྲེལ་དམག་དོན་སྦྱོང་བརྡར་ལ་འགོག་སྲུང་གི་རང་བཞིན་ལྡན་པ་དང་། དམག་དོན་སྦྱོང་བརྡར་དེ་མངོན་གསལ་དང་ཡོངས་བསྒྲགས་ཀྱི་རྣམ་པའི་འོག་སྤེལ་རྒྱུ་ཡིན་ཟེར།

ཉིས་སྟོང་བཅུ་བདུན་ལོའི་མཉམ་འབྲེལ་དམག་དོན་སྦྱོང་བརྡར་དེ་ཟླ་དགུ་བའི་ཚེས་བཅུ་བཞི་ཉིན་ནས་ཚེས་ཉི་ཤུའི་ཉིན་བར་སྤེལ་རྒྱུར་ཐག་བཅད་ཡོད། ཨུ་རུ་སི་དཀར་པོའི་དམག་དཔུང་དང་ཨུ་རུ་སིའི་ནུབ་ཕྱོགས་དམག་ཁུལ་གྱི་ཐན་ཁི་འཁོར་ལོའི་དམག་དཔུང་མཉམ་དུ་སྦྱོང་བརྡར་ལ་ཞུགས་རྒྱུ་ཡིན་པ་དང་། དམག་དོན་སྦྱོང་བརྡར་ལ་ཞུགས་པའི་མི་གྲངས་ཁྲི་གཅིག་དང་སྟོང་གསུམ་ལས་བརྒལ་མི་རུང་། ཨུ་རུ་སིའི་ཕྱོགས་ཀྱིས་དམག་མི་སྟོང་གསུམ་དང་ཐན་ཁི་འཁོར་ལོ་དང་རླངས་འཁོར་ཉིས་བརྒྱ་བརྒྱད་ཅུ། འཐབ་འཛིང་གནམ་གྲུ་ཉེར་ལྔ་མངག་གཏོང་བྱེད་པའི་འཆར་གཞི་ཡོད།

རྒྱལ་ཁབ་གཉིས་ཀྱིས་བྱང་ཆིངས་རྩ་འཛུགས་ཀྱི་ཁོངས་གཏོགས་རྒྱལ་ཁབ་དང་བཅས་པའི་རྒྱལ་ཁབ་མང་བོའི་འཐུས་མི་གདན་ཞུ་བྱས་ཏེ་དམག་དོན་སྦྱོང་བརྡར་ལ་ལྟ་སྦྱོང་བྱེད་དུ་འཇུག་རྒྱུ་རེད།

 

མཉམ་སྤྱོད་བྱེད་གནས། 


ར་སྤྲོད་ཨང་།          མིང་མེད།    
མཛའ་འབྲེལ་ཨ་ལུང་།
ཀྲུང་གོ་བོད་ཀྱི་དྲ་བ།གུང་ཁྲན་ཏང་གི་དྲ་བ།བོད་ཀྱི་རིག་མཛོད།བོད་ཀྱི་སློབ་འབྲིང་།མཚོ་སྔོན་བོད་རིགས་དྲ་བ།ཁམས་པའི་དྲ་བ།ཞིང་ཆེན་མི་དམངས་སྲིད་གཞུང་།ཀྲུང་གོའི་བོད་སྐད་རླུང་འཕྲིན།བོད་ལྗོངས་འཕྲིན་དྲ།
ཁམས་པའི་བརྙན་འཕྲིན།ནོར་ནོར་བརྙན་འཕྲིན།