ད་ལྟ་གཟིགས་བཞིན་པ། > མདུན་ངོས། > གསར་འགྱུར། > སྤྱི་ཚོགས་གསར་འགྱུར།

མཚོ་སྐོར་རྒྱལ་སྤྱིའི་གློག་སྒུལ་རླངས་འཁོར་འགྲན་ཚོགས་སྐབས་ལྔ་བ་མགོ་བརྩམས།

སྤེལ་དུས། 2018-06-25 17:24:25   ཡོང་ཁུངས། རང་རེའི་ལས་ཁུངས།   རྡེབ་ཚད།    ནང་དོན་འདི་སྤེལ་མཁན། ལྕགས་ཐར་ཚེ་རིང་།

མཚོ་སྔོན་ཞིང་ཆེན་མི་དམངས་སྲིད་གཞུང་དང་། ཚན་རིག་ལག་རྩལ་པུའུ། བཟོ་ལས་ཆ་འཕྲིན་པུའུ། ཀྲུང་གོ་གློག་སྒུལ་རླངས་འཁོར་མི་བརྒྱའི་ཚོགས་པ་བཅས་ཀྱིས་གཙོ་སྒྲུབ་གནང་ཞིང་། ཀྲུང་གོ་རླངས་འཁོར་ལག་རྩལ་ཞིབ་འཇུག་ལྟེ་གནས་དང་ཀྲུང་གོ་རླངས་འཁོར་བཟོ་སྐྲུན་ཞིབ་འཇུག་གླིང་། ཀྲུང་གོ་རླངས་འཁོར་དང་འཕྲུལ་རྟ་ལུས་རྩལ་མཉམ་འབྲེལ་ལྷན་ཚོགས། ཀྲུང་གོ་སྐྱེ་དངོས་སྣ་མང་རང་བཞིན་སྲུང་སྐྱོབ་དང་ལྗང་མདོག་འཕེལ་རྒྱས་ཐེབས་རྩ་ཚོགས་པ་བཅས་ཀྱིས་རོགས་སྒྲུབ་གནང་བ། ཀྲུང་གོ་གློག་སྒུལ་རླངས་འཁོར་མི་བརྒྱའི་ཚོགས་པ་དང་མཚོ་སྐོར་རྒྱལ་སྤྱིའི་གློག་སྒུལ་རླངས་འཁོར་འགྲན་ཚོགས་ཚད་ཡོད་ཀུང་ཟི་གཉིས་ཀྱིས་འགན་སྒྲུབ་གནང་བའི་མཚོ་སྐོར་རྒྱལ་སྤྱིའི་གློག་སྒུལ་རླངས་འཁོར་འགྲན་ཚོགས་སྐབས་ལྔ་བ་ཟླ6པའི་ཚེས24ཉིན་གནའ་མཁར་ཟི་ལིང་ནས་མགོ་བརྩམས།

image001.jpg

ཐེངས་འདིའི་མཚོ་སྐོར་རྒྱལ་སྤྱིའི་གློག་སྒུལ་རླངས་འཁོར་འགྲན་ཚོགས་ཟླ6པའི་ཚེས25ཉིན་ནས་ཚེས་29ཉིན་བར་མཚོ་སྔོན་པོའི་མཐའ་འཁོར་གྱི་ཟི་ལིང་གྲོང་ཁྱེར་དང་། མཚོ་ལྷོ་བོད་རིགས་རང་སྐྱོང་ཁུལ། མཚོ་ནུབ་སོག་རིགས་བོད་རིགས་རང་སྐྱོང་ཁུལ།  མཚོ་བྱང་བོད་རིགས་རང་སྐྱོང་ཁུལ་བཅས་སུ་སྤེལ་རྒྱུ་ཡིན་ཞིང་། རྒྱལ་ཡོངས་ཀྱི་ཞིང་ཆེན་རིམ་པའི་སྲིད་འཛིན་སྡེ་ཁག31གི་འགོ་ཁྲིད་དང་ཚོང་དོན་འཐུས་ཚབ་རུ་ཁག་མཚོ་སྔོན་དུ་འཛོམས་ནས་འགྲན་ཚོགས་ལ་རོལ་མྱོང་བྱ་རྒྱུ་རེད།

འདི་ནི་རྒྱལ་ཁབ་རིམ་པའི་གློག་སྒུལ་རླངས་འཁོར་གྱི་ནུས་རྩལ་འགྲན་ཚོགས་ཤིག་ཡིན་པ་མ་ཟད། ཀྲུང་གོའི་ནུས་ཁུངས་གསར་བའི་རླངས་འཁོར་འཕེལ་རྒྱས་ཐད་ཀྱི་གྲུབ་འབྲས་འགྲེམས་སྟོན་ཞིག་ཀྱང་ཡིན་ལ། འགྲན་ཚོགས་སྔ་རྗེས་སུ་སྐུ་འབུམ་དགོན་པ་བསྐོར་བའི་བྱ་འགུལ་དང་། ཁྱད་རྩལ་འཁྲབ་སྟོན། ནུས་རྩལ་འགྲན་སྡུར། འཁོར་གཏོང་མཛད་སྒོ། མཚོ་སྐོར་ནུས་རྩལ་འགྲན་སྡུར། རླངས་འཁོར་ཕྱིར་བསྡུ་མཛད་སྒོ། རྒྱུག་རྩལ་འགྲན་སྡུར་བཅས་བྱ་འགུལ་རིམ་པ་བདུན་དུ་བགོས་ནས་རིམ་པ་བཞིན་སྤེལ་རྒྱུ་རེད།

 

ཐེངས་འདིའི་མཚོ་སྐོར་རྒྱལ་སྤྱིའི་གློག་སྒུལ་རླངས་འཁོར་ནུས་རྩལ་འགྲན་ཚོགས་བདེ་བླག་ངང་སྤེལ་ཆེད། ཟླ6པའི་ཚེས23ཉིན། ཟི་ལིང་གྲོང་ཁྱེར་ཨ་ཆེན་གངས་རྒྱབ་རྒྱལ་སྤྱིའི་གསོལ་མགྲོན་ཁང་དུ་འགྲན་ཚོགས་གསལ་སྒྲོག་ཚོགས་འདུ་བསྡུས་པ་དང་། རྩ་འཛུགས་ཨུ་ཡོན་ལྷན་ཚོགས་ཀྱི་འབྲེལ་ཡོད་འགོ་ཁྲིད་དང་། འགན་ལེན་སྡེ་ཁག་སོ་སོའི་འགན་འཁུར་བ། འགྲན་ཞུགས་ཚོང་ཁག་གི་འཐུས་ཚབ་པ། འགྲན་ཞུགས་རླངས་འཁོར་ཁ་ལོ་བ། སྨྱན་བྱད་ཁག་གི་མི་སྣ་དང་ལས་བཟོ་བ་སོགས་མི་གྲངས་སུམ་བརྒྱ་ལྷག་ཙམ་ཚོགས་འདུར་ཞུགས་ཤིང་། འབྲེལ་ཡོད་འགོ་ཁྲིད་མི་སྣས་ཐེངས་འདིའི་འགྲན་ཚོགས་དང་འབྲེལ་བའི་ལས་དོན་བཀོད་སྒྲིག་དང་མཉམ་འཇོག་བྱ་ཡུལ་སྐོར་ནས་གསལ་བཤད་གནང་།

 

ཟླ6པའི་ཚེས26ཉིན་གྱི་སྔ་དྲོར། མཚོ་སྔོན་ཞིང་ཆེན་བོད་བརྒྱུད་ནང་བསྟན་གྱི་གདན་ས་ཆེན་མོ་སྐུ་འབུམ་བྱམས་པ་གླིང་དུ“འགྲོ་བ་མི་དང་རང་བྱུང་ཁམས”ཞེས་པའི་བྱ་འགུལ་སྤེལ་བ་དང་། པེ་ཅིན་རླངས་འཁོར་རྟགས་ཅནEU5དང་། པེ་ཅིན་རླངས་འཁོར་རྟགས་ཅནEX360  པེ་ཅིན་རླངས་འཁོར་རྟགས་ཅནEX5  ཧྲང་ཧེ་རླངས་འཁོར་རྟགས་ཅནMarvel X  ཁྲང་ཅན་རྟགས་ཅནEV ཀྲུང་ཐེ་རྟགས་ཅནT300EV པིས་ཡ་ཏིས་རྟགས་ཅནEV450 ཏུང་ཧྥིན་རྟགས་ཅནE70 ལིན་ཐུའུ་རྟགས་ཅནK-ONE ཡིས་བེ་ཁི་རྟགས་ཅནPowerDaily EV42 བཅས་གློག་སྒུལ་རླངས་འཁོར་རིགས་མི་འདྲ་བའི་འགྲན་ཞུགས་རླངས་འཁོར་བཅུ་རུ་དཔུང་བསྒྲིགས་ནས་སྐུ་འབུམ་དུ་བསྐྱོད་ཅིང་། བྱང་ཆུབ་མཆོད་རྟེན་བརྒྱད་ཀྱི་མདུན་ནས་རིགས་མི་འདྲ་བའི་གློག་སྒུལ་རླངས་འཁོར་སོ་སོ་འགྲེམས་སྟོན་གྱིས་མཚོ་སྐོར་རྒྱལ་སྤྱིའི་གློག་སྒུལ་རླངས་འཁོར་འགྲན་ཚོགས་སྐབས་ལྔ་བའི་ཡོལ་རས་ཕྱེས།

 

ཚེས26ཉིན་གྱི་ཕྱི་དྲོར། མཚོ་སྔོན་བོད་ལུགས་གསོ་རིག་རྟེན་མཛོད་ཁང་གི་ཐང་ཆེན་དུ་མཚོ་སྐོར་རྒྱལ་སྤྱིའི་གློག་སྒུལ་རླངས་འཁོར་འགྲན་ཚོགས་སྐབས་ལྔ་བའི་ཁྱད་རྩལ་འཁྲབ་སྟོན་བྱ་འགུལ་སྤེལ་བ་དང་། པེ་ཅིན་རླངས་འཁོར་རྟགས་ཅནEU5དང་། པེ་ཅིན་རླངས་འཁོར་རྟགས་ཅནEX360 པེ་ཅིན་རླངས་འཁོར་རྟགས་ཅནEX5 ཧྲང་ཧེ་རླངས་འཁོར་རྟགས་ཅནMarvel X ཁྲང་ཅན་རྟགས་ཅནEV པིས་ཡ་ཏིས་རྟགས་ཅནEV450 ཏུང་ཧྥིན་རྟགས་ཅནE70 ལིན་ཐུའུ་རྟགས་ཅནK-ONE ཡིས་བེ་ཁི་རྟགས་ཅནPowerDaily EV42བཅས་གློག་སྒུལ་རླངས་འཁོར་རིགས་མི་འདྲ་བ་དགུ་ཁྱད་རྩལ་འཁྲབ་སྟོན་སྟེང་ཚབ་ཞུགས་བྱས།

གསར་འགོད་པ།  ལྕགས་ཐར་ཚེ་རིང་། 

མཉམ་སྤྱོད་བྱེད་གནས། 


ར་སྤྲོད་ཨང་།          མིང་མེད།    
མཛའ་འབྲེལ་ཨ་ལུང་།
ཀྲུང་གོ་བོད་ཀྱི་དྲ་བ།གུང་ཁྲན་ཏང་གི་དྲ་བ།བོད་ཀྱི་རིག་མཛོད།བོད་ཀྱི་སློབ་འབྲིང་།མཚོ་སྔོན་བོད་རིགས་དྲ་བ།ཁམས་པའི་དྲ་བ།ཞིང་ཆེན་མི་དམངས་སྲིད་གཞུང་།ཀྲུང་གོའི་བོད་སྐད་རླུང་འཕྲིན།བོད་ལྗོངས་འཕྲིན་དྲ།
ཁམས་པའི་བརྙན་འཕྲིན།ནོར་ནོར་བརྙན་འཕྲིན།ཡོངས་འཛིན་འཚོལ་བཤེར།