ད་ལྟ་གཟིགས་བཞིན་པ། > མདུན་ངོས། > གསར་འགྱུར། > སྤྱི་ཚོགས་གསར་འགྱུར།

མཚོ་སྔོན་མི་རིགས་སློབ་གྲྭ་ཆེན་མོའི་རྩིས་འཁོར་སློབ་གླིང་གིས་གསར་སྤེལ་བྱས་པའི་དྲ་སྦྲེལ་བོད་འགྱིག་མཛད་སྒོ་དང་དྲ་ཐོག་བོད་འགྱིག་འགྲན་སྡུར་བསྡུས།

སྤེལ་དུས། 2018-06-29 20:23:35   ཡོང་ཁུངས། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་།   རྡེབ་ཚད།    ནང་དོན་འདི་སྤེལ་མཁན། དབང་རྒྱལ་ཚེ་རིང་།

55.png

མཚོ་སྔོན་མི་རིགས་སློབ་གྲྭ་ཆེན་མོའི་རྩིས་འཁོར་སློབ་གླིང་གིས་གཙོ་སྒྲུབ་གནང་ཞིང་བོད་ཡིག་ཆ་འཕྲིན་སྒྲིག་གཅོད་དང་མཉེན་ཆས་ཞིབ་འཇུག་ལྟེ་གནས་གཉིས་ཀྱིས་འགན་སྒྲུབ་གསར་སྤེལ་བྱས་པའི་དྲ་སྦྲེལ་བོད་འགྱིག་མཛད་སྒོ་དང་དྲ་ཐོག་བོད་འགྱིག་འགྲན་སྡུར་དེ་ཟླ6པའི་ཚེས29ཉིན་གྱི་ཕྱི་དྲོའི་དུས་ཚོད་གཉིས་དང་ཕྱེད་ཀའི་སྟེང་མཚོ་སྔོན་མི་རིགས་སློབ་ཆེན་གྱི་སློབ་ཁུལ་ལྷོ་མའི་རྩིས་ཚན་ཐོག་ཁང་ནས་བསྡུས།

སྤྱིར་འགྱིག་ནི་མི་དམངས་མང་ཚོགས་ཀྱིས་གནའ་སྔ་མོའི་ཐོན་སྐྱེད་འཚོ་བའི་ཁྲོད་དུ་བསམ་བློའི་ནུས་རྩལ་ལ་བརྟེན་ནས་གསར་སྐྲུན་བྱས་པ་ཡིན་ལ། ལྷག་པར་དུ་དུས་ཡུན་རིང་བའི་དམག་འཁྲུག་གི་རྒྱལ་ཕམ་དང༌། སྤྱི་ཚོགས་འཕེལ་འགྱུར་གྱི་གོ་རིམ་སོགས་བརྒྱུད་ནས་འཐུས་ཚང་དུ་གྱུར་བ་ཞིག་ཡིན་པས་འགྱིག་ལ་རྣམ་གྲངས་ཧ་ཅང་མང༌པོ་ཡོད། དེ་བཞིན་དུ་བོད་འགྱིག་ལ་མཚོན་ནའང་རྒྱལ་འགྱིག་དང༌། བཙིར་འགྱིག དགུ་འགྱིག སྒམ་འགྱིག ༼   དྲུག་འགྱིག བདུན་འགྱིག འགྱིག་ཏ་ལེན ༽   སོགས་ཐུན་མོང་མ་ཡིན་པའི་མི་རིགས་ཀྱི་ཁྱད་ཆོས་ལྡན་པའི་འགྱིག་སྣ་ཕུན་སུམ་ཚོགས་པ་ཞིག་ཡོད།

དྲ་རྒྱའི་རིག་གནས་སྔོག་འདོན་དང་དྲ་རྒྱའི་རོལ་རྩེད་ཕུན་སུམ་ཇེ་ཚོགས་སུ་གཏོང་བ། ཆེད་ལས་ཀྱི་ཤེས་བྱ་སྣ་མང་དགོས་ངེས་ཀྱིས་རྒྱ་བསྐྱེད་ཆེད། མཚོ་སྔོན་མི་རིགས་སློབ་ཆེན་གྱི་དགེ་རྒན་རྣམ་རྒྱལ་ཚེ་རིང་གིས་སྣེ་ཁྲིད་བྱས་ཤིང་བོད་ཡིག་ཆ་འཕྲིན་སྒྲིག་གཅོད་དང་མཉེན་ཆས་ཞིབ་འཇུག་ལྟེ་གནས་ཀྱི་སློབ་གྲོགས་ཚོས་འབད་པ་ལྷུར་ལེན་བགྱིས་ཏེ་ད་སྔ་དྲ་སྦྲེལ་བོད་འགྱིག་གི་ཁྲོད་ནས་བཙིར་འགྱིག་དང་སྒམ་འགྱིག་གི་འདེད་ཚུལ་གཉིས་ཕལ་ཆེར་ལེགས་འགྲུབ་བྱུང་སྟེ་ཚོད་ལྟའི་ལས་རིམ་དུ་སླེབས་ཡོད།

སྤྱིར་དམངས་སྲོལ་རོལ་རྩེད་ལས་བཙིར་འགྱིག་དང་སྒམ་འགྱིག་གི་ཁྱབ་ཁོངས་ནི་རོང་འབྲོག་ས་ཁུལ་ཀུན་ལ་ཁྱབ་ཅིང་། རྒན་དར་གཞོན་གསུམ་ཀུན་གྱི་འཚོ་བའི་ཁྲོད་ནས་ཆེས་མེད་དུ་མི་རུང་བའི་རོལ་རྩེད་ཀྱི་རྣམ་པ་ཕུན་སུམ་ཚོགས་པ་ཞིག་ཡིན། འགྱིག་བ་སུ་ཡིན་རུང་རང་ཉིད་ཀྱི་འདོད་མོས་ལྟར་འདེད་ཚུལ་ཡོད་ཀྱང་། རྒྱུན་དུ་ངག་འཆད་མཐོང་ཐོས་ཡོད་པ་ནི་གཙོ་བོ་ལྔ་འགྱིག་གི་བཙིར་འགྱིག་དང་། བདུན་འགྱིག་གི་བཙིར་འགྱིག དགུ་འགྱིག་གི་བཙིར་འགྱིག སྒམ་འགྱིག་ལས་དྲུག་འགྱིག་དང་བདུན་འགྱིག་གི་འདེད་ཚུལ་འདི་དག་ས་ཆ་མང་ཤས་ན་རྒྱུན་འཇགས་སུ་གནས་ཡོད།

སྤྱིར་བཏང་དུ་འགྱིག་རིས་གནས་ལ་རྩེ་དང༌། དཔུང་ཁ། དཔུང་བ། ཉག་སྟེང༌། ཉག་ཁ། མཐའ་བོའུ། གྲུ་བཞི་མའི་རྩེ་བཞི་ཁ་སྤྲོད་དུ་བསྣོལ་བའི་གསེག་ཐིག་དེ་ལ་དགུ་བོའུ། གྲུ་བཞི་མ་ཆུང་བའི་ནང་དུ་དྲང་ཐིག་གཉིས་བསྣོལ་ཡོད་པའི་གནས་ལ་སྐོང༌། གྲུ་བཞི་མ་ཅུང་ཆེ་བའི་ནང་དུ་དྲང་ཐིག་བཞི་གཞི་གཅིག་ལ་བསྣོལ་ཡོད་པའི་གནས་ལ་ཚིགས་མང་ཟེར། འགྱིག་རིས་ཀྱི་མཐའ་གཉིས་ནས་དྲང་ཐིག་འགྱིག་དཀྱིལ་ལ་རྩིས་ན་དྲང་ཐིག་ལྔ་བོ་ཡང་ན་ལྔ་འགྱིག་གི་དྲང་ཐིག་གསུམ་པོ་གཞི་གཅིག་ལ་བསྣོལ་བའི་གནས་ཚིགས་ཆེན་དེ་ལ་རྡེའུ་ལམ་ཟེར།

སྔོན་ཆད་ལྟར་ན། འགྱིག་རིས་གང་ཡིན་རུང་ས་ཐོག་ལ་བྲིས་ནས་འདེད་ཚུལ་ལས་དྲ་སྦྲེལ་ཀྱི་རྣམ་པའི་སྒོ་ནས་འདེད་ཚུལ་ཕལ་ཆེར་མཐོང་རྒྱུ་མེད་ཀྱང་ད་ལྟ་ཡིན་ན་མཚོ་སྔོན་མི་རིགས་སློབ་ཆེན་གྱི་བོད་ཡིག་ཆ་འཕྲིན་སྒྲིག་གཅོད་དང་མཉེན་ཆས་ཞིབ་འཇུག་ལྟེ་གནས་ཀྱི་དགེ་སློབ་ཡོངས་ཀྱིས་དྲ་སྦྲེལ་བོད་འགྱིག་གི་ཚོད་ལྟའི་ལས་རིམ་ཞིག་དངོས་སུ་ལེགས་འགྲུབ་བྱུང་ཡོད་ལ་འདི་ནི་བོད་ཀྱི་དྲ་རྒྱའི་རིག་གནས་ཀྱི་སྐས་རིམ་གསར་བ་ཞིག་མངོན་པར་མཚོན་ཡོད།

སྒམ་འགྱིག་གི་འགྱིག་རིས།

བཙིར་འགྱིག་གི་འགྱིག་རིས།

མཚོ་སྔོན་མི་རིགས་སློབ་གྲྭ་ཆེན་མོའི་རྩིས་འཁོར་སློབ་གླིང་གི་ཏང་ཨུའི་ཧྲུའུ་ཅི་མཱ་ཚོས་ལིན་གྱིས་གཏམ་བཤད་གནང་བཞིན་པ།

མཛད་སྒོར་མདོ་འཛིན་བྱེད་བཞིན་པ།

འགྲན་སྡུར་ལ་མིང་ཐོ་འགོད་བཞིན་པ།

འགྲན་ཞུགས་པས་རྒྱན་ལེན་བཞིན་པ།

སྒམ་འགྱིག་འདེད་ས།

བཙིར་འགྱིག་འདེད་ས།

འགྲན་སྐོར་ཀ་བས་སྒམ་འགྱིག་འགྲན་སྡུར་བྱེད་བཞིན་པ།

འགྲན་སྐོར་ཀ་བས་སྒམ་འགྱིག་འགྲན་སྡུར་བྱེད་བཞིན་པ།

IMG_9358.png

འགྲན་སྐོར་ཁ་བས་བཙིར་འགྱིག་འགྲན་སྡུར་བྱེད་བཞིན་པ།

འགྲན་སྐོར་ཁ་བས་བཙིར་འགྱིག་འགྲན་སྡུར་བྱེད་བཞིན་པ།

བཙིར་འགྱིག་འགྲན་སྡུར་ཁྲོད་ཀྱི་བྱ་དགའ་ཐོབ་མཁན་རྣམས།

སྒམ་འགྱིག་འགྲན་སྡུར་ཁྲོད་ཀྱི་བྱ་དགའ་ཐོབ་མཁན་རྣམས།

IMG_9359.png

ཚོགས་རའི་ཡུལ་དངོས།

མཚོ་སྔོན་མི་རིགས་སློབ་གྲྭ་ཆེན་མོའི་བོད་ཡིག་ཆ་འཕྲིན་སྒྲིག་གཅོད་དང་མཉེན་ཆས་ཞིབ་འཇུག་ལྟེ་གནས་ཀྱི་སློབ་མ་ཡོངས།

 

གསར་འགོད་པ།  དབང་རྒྱལ་ཚེ་རིང་།

མཉམ་སྤྱོད་བྱེད་གནས། 


ར་སྤྲོད་ཨང་།          མིང་མེད།    
མཛའ་འབྲེལ་ཨ་ལུང་།
ཀྲུང་གོ་བོད་ཀྱི་དྲ་བ།གུང་ཁྲན་ཏང་གི་དྲ་བ།བོད་ཀྱི་རིག་མཛོད།བོད་ཀྱི་སློབ་འབྲིང་།མཚོ་སྔོན་བོད་རིགས་དྲ་བ།ཁམས་པའི་དྲ་བ།ཞིང་ཆེན་མི་དམངས་སྲིད་གཞུང་།ཀྲུང་གོའི་བོད་སྐད་རླུང་འཕྲིན།བོད་ལྗོངས་འཕྲིན་དྲ།
ཁམས་པའི་བརྙན་འཕྲིན།ནོར་ནོར་བརྙན་འཕྲིན།ཡོངས་འཛིན་འཚོལ་བཤེར།