ཏང་གི་ཚོགས་ཆེན་ཐེངས་བཅུ་དགུ་བའི་དགོངས་དོན་ལག་ལེན་མཐར་ཕྱིན་བྱེད་པ་དང་། ཀྲུང་དབྱང་གི་ཧ་ཅང་དབུལ་ཕོངས་ཡིན་པའི་ས་ཁུལ་དབུལ་ཐར་བྱེད་པའི་བཞུགས་མོལ་ཚོགས་འདུ་དང་ཞིང་ཆེན་ཏང་གི་འཐུས་མིའི་ཚོགས་ཆེན་ཐེངས་བཅུ་གསུམ་པའི་དགོངས་དོན་ལག་བསྟར་དོན་འཁྱོལ་བྱས་ཏེ་སྤྱི་ཚོགས་རོགས་སྐྱོར་གྱི་དབུལ་ཐར་མཁྲེགས་གཏོར་ཐད་ཀྱི་བྱེད་ནུས་འདོན་སྤེལ་གང་ལེགས་བྱེད་ཆེད། ཞིང་ཆེན་དམངས་སྲིད་ཐིན་གྱིས་ཞིང་ཆེན་ཡོངས་ཀྱི་དབུལ་ཕོངས་རྫོང་བཅུ་བདུན་དང་དབུལ་ཕོངས་སྡེ་བ་བརྒྱ་དང་བདུན་ཅུ། དབུལ་ཕོངས་མི་གྲངས་ཁྲི་བདུན་དང་སྟོང་བདུན། དེ་མིན་ཞིང་ཆེན་ཡོངས་ཀྱི་དབུལ་ཐར་བྱས་ཟིན་པའི་ཡིག་ཚགས་ལས་ཏེ་བྱང་བུ་བྱིན་པའི་མི་སྣ་དག་ལ་དམིགས་ཏེ་རོགས་སྐྱོར་བྱེད་ཐབས་སྔར་ལས་ཇེ་དྲག་ཏུ་བཏང་ནས་རོགས་སྐྱོར་མཁོ་བའི་དཀའ་ཁག་ཅན་གྱི་མང་ཚོགས་དག་འགན་སྲུང་ཁྱབ་ཁོངས་ཁྲོད་བཞག་སྟེ་གཟིགས་སྐྱོང་མཁོ་བའི་མི་སྣར་གང་ནུས་ཅི་ལྕོགས་ཀྱིས་གཟིགས་སྐྱོང་བྱེད་པ་དང་། རོགས་སྐྱོར་མཁོ་བའི་མི་སྣར་གང་ནུས་ཅི་ལྕོགས་ཀྱིས་རོགས་སྐྱོར་བྱེད་པ་མངོན་འགྱུར་བྱེད་པར་འགན་སྲུང་བྱས།
རྒྱུས་ལོན་བྱུང་བ་ལྟར་ན། གཅིག་ནས་ཧ་ཅང་དབུལ་ཕོངས་ཡིན་པའི་མི་སྣ་དག་ལ་ངལ་རྩོལ་ནུས་ཤུགས་མེད་པ་ངོས་འཛིན་བྱེད་པའི་ཁྲོད་ཀྱི་དབང་བོ་སྐྱོན་ཅན་གྱི་རིམ་པའི་ཁྱབ་ཁོངས་ཆེ་རུ་བཏང་། གཉིས་ནས་ཧ་ཅང་དབུལ་ཕོངས་ཡིན་པའི་མི་སྣ་དག་ལ་ངལ་རྩོལ་ནུས་ཤུགས་མེད་པ་ངོས་འཛིན་བྱེད་པའི་ཁྲོད་ཀྱི་དབང་བོ་སྐྱོན་ཅན་གྱི་རིགས་གསར་དུ་ཁ་སྣོན་བྱས།
ཧ་ཅང་དབུལ་ཕོངས་ཡིན་པའི་མི་སྣར་རོགས་སྐྱོར་བྱེད་པའི་སྲིད་ཇུས་ལེགས་སྒྲིག་བྱས་རྗེས་སྔར་ལས་མང་པོའི་དཀའ་ཁག་ཅན་གྱི་མང་ཚོགས་འགན་སྲུང་ཁྱབ་ཁོངས་ཁྲོད་འཇོག་རྒྱུ་ཡིན་པ་དང་། ཚད་སྔར་ལས་ཆེན་པོའི་སྒོ་ནས་སྲིད་ཇུས་ཀྱི་བྱེད་ནུས་འདོན་སྤེལ་བྱེད་རྒྱུ་རེད། མིག་སྔར། སྲིད་ཇུས་ལེགས་སྒྲིག་དང་འབྲེལ་བ་ཡོད་པའི་ཧ་ཅང་དབུལ་ཕོངས་ཡིན་པའི་རྫོང་དག་གིས་སྲིད་ཇུས་དྲིལ་སྒྲོག་བྱེད་བཞིན་ཡོད་པར་མ་ཟད། སྲིད་ཇུས་གཟིགས་སྐྱོང་གི་ཆ་རྐྱེན་དང་མཐུན་ཡང་འགན་སྲུང་ཁྱབ་ཁོངས་ཁྲོད་མེད་པའི་དཀའ་ཁག་ཅན་གྱི་མང་ཚོགས་ཚོགས་པ་དག་ལ་ཞིབ་བཤེར་བྱེད་བཞིན་ཡོད་ལ། ཟླ་བཅུ་གཅིག་པའི་ཟླ་མཇུག་གི་སྔོན་དུ་མང་ཚོགས་ཚོགས་པ་དེ་དག་ཡོད་ཚད་ཧ་ཅང་དབུལ་ཕོངས་ཡིན་པའི་མི་སྣའི་འགན་སྲུང་ཁྱབ་ཁོངས་ཁྲོད་འཇོག་རྒྱུ་རེད།
