༼དབུས་ཀྱི་ཚྭ་མཚོ་དཀར་མོའི་མཐོང་ཐོས༽
2019.11.05 ཁུངས། ཀློག་གྲངས། 0

ལོ་ངོ་བདུན་ཅུའི་ཆབ་སྲིད་གྲོས་མོལ། ལོ་ངོ་བདུན་ཅུའི་མཚར་སྡུག་འཕེལ་རྒྱས།

(གངས་ལྗོངས་མེ་ལོང་དྲ་བ་ནས་སྤེལ་བའི་གསར་འགྱུར། གསར་འགོད་པ། དཔལ་འཛོམས།)—2019ལོའི་མཚོ་ནུབ་ཀྱི་སྲིད་གྲོས་བྱ་བའི་འཕོ་འགྱུར་གླེང་བའི་བཅར་འདྲིའི་བྱ་འགུལ་ཏེ། ཟླ10པའི་ཚེས31ཉིན། ང་ཚོ་བཅར་འདྲི་ཚན་ཆུང་བུའུ་ལན་རྫོང་དུ་ཡོང་ནས་བུའུ་ལན་གྲོང་ཁྱེར་གྱི་སྲིད་གྲོས་བྱ་བའི་གནས་ཚུལ་དང་། མི་དམངས་སྲིད་གྲོས་ཀྱིས་གྲོང་ཁྱེར་འདིའི་སྲིད་འབྱོར་རིག་གསུམ་འཕེལ་རྒྱས་དང་མང་ཚོགས་ཀྱི་འཚོ་བའི་འཕོ་འགྱུར་ཕྱོགས་ལ་ནུས་པ་ག་འདྲ་ཞིག་བཏོན་དང་འདོན་བཞིན་ཡོད་པའི་སྐོར་ནས་རྒྱུས་ལོན་བྱས།

ཉེ་བའི་ལོ་ཤས་རིང་། བུའུ་ལན་རྫོང་གི་སྲིད་གྲོས་ཀྱིས་རྫོང་ཨུས་སྲ་ཞིང་བརྟན་པའི་འགོ་ཁྲིད་དང་རིམ་པ་གོང་མའི་སྲིད་གྲོས་ཀྱི་བློ་ཞིབ་མོས་མཛུབ་སྟོན་འོག ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྟོན་དུ་འཛིན་རྒྱུ་རྒྱུན་འཁྱོངས་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མི་དམངས་སྲིད་གྲོས་ཀྱི་ལས་ཀར་ཤུགས་སྣོན་དང་ལེགས་བཅོས་བྱ་རྒྱུའི་སྐོར་གྱི་རྣམ་བཤད་གལ་ཆེན་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་པ།

“འཐབ་ས་དང་པོའི་”བསམ་གཞིགས་བརྟན་པོར་བཙུགས་ནས་རྫོང་ཡོངས་ཀྱི་ལྟེ་བའི་ལས་དོན་ལ་རྩེ་གཅིག་ཏུ་དམིགས་ནས་རང་འགུལ་ཧུར་ཐག་བྱས་ཏེ་ཆབ་སྲིད་གྲོས་མོལ་དང་། དམངས་གཙོ་ལྟ་སྐུལ། སྲིད་ཞུགས་སྲིད་མོལ་བཅས་ཀྱི་འགན་ནུས་གསར་གཏོད་བྱེད་པའི་ཐད་ལ་ཕན་ཡོད་ཀྱི་འཚོལ་ཞིབ་དང་ཚོད་ལྟ་ཁ་ཤས་བྱས་པ་དང་། སྲིད་གྲོས་ཀྱིས་འབྲེལ་བ་མཐུན་སྦྱོར་དང་། སྟོབས་ཤུགས་གཅིག་སྡུད། ཐབས་འདོན་ཇུས་འབུལ། སྤྱི་ཡོངས་ལ་ཞབས་འདེགས་ཞུ་བ་བཅས་ཀྱི་ནུས་པ་འདོན་སྤེལ་གང་ལེགས་བྱས་ཏེ་བུའུ་ལན་དཔལ་འབྱོར་གོང་དུ་སྤེལ་བ་དང་། དམངས་འཚོ་ལེགས་བཅོས། སྤྱི་ཚོགས་འཆམ་མཐུན་ཡོང་བ་བཅས་ལ་སྐུལ་འདེད་གཏོང་བར་དགེ་མཚན་ལྡན་པའི་བྱས་རྗེས་བཞག་ཡོད།

བུའུ་ལན་རྫོང་སྲིད་གྲོས་ཀྲུའུ་ཞི་ཨེ་མིན།

བུའུ་ལན་རྫོང་སྲིད་གྲོས་ཀྲུའུ་ཞི་ཨེ་མིན་གྱིས་བཤད་རྒྱུར། ལས་ཀའི་ཁྲོད་དུ་ང་ཚོས་བྱེད་ཐབས་སྣ་ཚོགས་ལ་བརྟེན་ནས་རིགས་པའི་གཞུང་ལུགས་སློབ་སྦྱོང་བྱེད་ཤུགས་ཆེ་རུ་བཏང་བ་དང་། ལས་རིགས་ཁག་གི་ཨུ་ཡོན་གྱི་བསམ་བློའི་ངོས་འཛིན་གཅིག་མཐུན་རྒྱ་ཁྱབ་ཏུ་གོང་བུར་བསྒྲིལ་ཏེ། ཆེད་དོན་ཨུ་ལྷན་གསུམ་འཛུགས་པ་དང་། འགན་འཁྲི་སྒྲུབ་པའི་རྨང་གཞི་སྔར་ལས་ཇེ་བརྟན་དུ་བཏང་ཞིང་། ཨུ་ཡོན་གྱི་དགེ་མཚན་ལ་གཞིགས་ཏེ། སྲིད་གྲོས་ཨུ་ཡོན་གྱིས་གནད་ལ་འཁེལ་བའི་སྒོ་ནས་དབུལ་སྒྲོལ་དང་། མི་རིགས་མཐུན་སྒྲིལ། ནག་སེལ་ངན་འཇོམས་རྩ་མེད་བཟོ་བ་སོགས་ཀྱི་ལས་ཀའི་ཁྲོད་དུ་གཙོ་གཞིའི་ནུས་པ་འདོན་སྤེལ་གང་ལེགས་བྱེད་པར་ཁྲིད་སྟོན་དང་། ད་དུང་གྲུབ་འབྲས་བཟང་པོ་ཐོབ་པ་དང་། ཞིང་ཆེན་གྱི་སྤུན་ཟླའི་ལས་ཁུངས་དང་འགྲོ་འོང་དང་སྤེལ་རེས་མཉམ་ལས་ཧུར་ཐག་བྱས་ཏེ། བུའུ་ལན་གྱི་མཚན་སྙན་ཇེ་མཐོར་གཏོང་བར་རོགས་རམ་དང་། གྲོས་གཞི་གྲོས་མོལ་དང་ཐག་གཅོད་བྱེད་སྟངས་གསར་གཏོད་བྱས་པ་དང་། མང་ཚོགས་ཀྱིས་སེམས་ཁུར་བྱེད་པའི་ཀུན་གྱིས་དོ་སྣང་བྱེད་ཡུལ་དང་དཀའ་གནད་ཆེ་བའི་གནད་དོན་ཁག་ཅིག་ཐག་གཅོད་བྱས་པར་གཞི་རིམ་མང་ཚོགས་ཀྱིས་གདེང་འཇོག་བཟང་པོ་ཐོབ་ཡོད། ལོ་རྒྱུས་ཀྱི་དུས་སྐབས་གསར་པས་སྲིད་གྲོས་ལས་དོན་ལ་ལོ་རྒྱུས་ཀྱི་ལས་འགན་གསར་པ་དང་འགན་འཁྲི་གསར་པ་བཏོན་ཡོད་པ་དང་། སླད་ཕྱིན་ལས་དོན་ཁྲོད་བུའུ་ལན་རྫོང་གི་སྲིད་གྲོས་ཀྱིས་ཀྲུང་དབྱང་གི་སྲིད་གྲོས་ལས་དོན་གྲོས་ཚོགས་ཀྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ།“ཐོག་མའི་བསམ་འདུན་མི་བརྗེད་པར་དང་འགན་འཁྲི་ཡིད་ལ་དམ་པོར་བཅངས།”ཞེས་པའི་བརྗོད་བྱ་གཙོ་བོའི་སློབ་གསོ་དང་སྲིད་གྲོས་ཨུ་ཡོན་རྣམས་ཀྱིས་སྤུས་ཚད་དང་ཕན་འབྲས་ཆེ་རུ་གཏོང་བའི་བྱ་སྤྱོད་ཏན་ཏིག་ངང་སྤེལ་རྒྱུ་གོ་སྐབས་སུ་བྱས་ཏེ། གོམ་གང་མདུན་སྤོས་ཀྱིས་བསམ་གཞིགས་གསར་གཏོད་དང་ལག་ལེན་བྱེད་ཕོད་པ་བྱས་ཏེ། འགན་ནུས་འདོན་སྤེལ་བྱས་ནས་དམངས་གཙོའི་ཏང་ཤོག་ཁག་དང་། བཟོ་ཚོང་མཉམ་འབྲེལ་ལྷན་ཚོགས། མི་རིགས་ཁག་གི་ལས་བྱེད་པ་དང་མང་ཚོགས་བཅས་ཀྱིས་བསྒྱུར་བཅོས་དང་། གོང་སྤེལ། བརྟན་ལྷིང་བཅས་ལ་སྐུལ་འདེད་གཏོང་བའི་འགྲིལ་ཤུགས་ཧ་ཅང་ཆེན་པོ་འདོན་སྤེལ་བྱས་ཡོད་པར་མ་ཟད།གཞི་རིམ་སྲིད་གྲོས་ཀྱི་ལས་ཀ་གོང་དུ་སྤེལ་བའི་ཐབས་ལམ་གསར་པ་ཟམ་མི་འཆད་པར་འཚོལ་ཞིབ་བྱས་ཏེ། གཞི་རིམ་སྲིད་གྲོས་ཀྱི་ལས་དོན་ཡང་བསྐྱར་སྐས་རིམ་གསར་པ་ཞིག་ཏུ་སླེབས་པར་སྐུལ་འདེད་དང་། གྲུབ་འབྲས་གསར་པ་ཐོབ་པར་བྱས་ཏེ། འབྱོར་ཕྱུག་དང་ལྡན་པའི་དཔལ་ཡོན་དང་མཛེས་སྡུག་ལྡན་པའི་བུའུ་ལན་གསར་པ་འཛུགས་སྐྲུན་བྱེད་ཆེད་སྲིད་གྲོས་ཀྱི་བློ་གྲོས་དང་སྟོབས་ཤུགས་ལེགས་སྐྱེས་སྔར་ལས་ཆེ་བ་འབུལ་རྒྱུ་ཟེར།