ཟླ་དགུ་པའི་ཚེས་བདུན་ཉིན། སྐྱེ་ཁམས་འགྲེམ་ཚོགས་ཀྱིས་མཚོ་སྔོན་ཁེ་ལས“རྒྱུད་གཅིག་ལམ་གཅིག”གི་རྒྱལ་ཁབ་དངུལ་གཏོང་མཉམ་ལས་ཀྱི་ཉམས་མྱོང་བརྗེ་རེས་གྲོས་ཚོགས་དང་ཁེ་ལས་མཉམ་ལས་གྲོས་འགོད་མཛད་སྒོ་བསྡུས་པ་དང་། དེའི་དམིགས་ཡུལ་ནི་མཚོ་སྔོན་ཞིང་ཆེན་གྱི་ཁེ་ལས་སྔར་ལས་མང་པོ“རྒྱུད་གཅིག་ལམ་གཅིག”འཛུགས་སྐྲུན་ཁྲོད་འདྲེས་པར་བྱེད་པ་དང་།  “ཕྱིར་བསྐྱོད་པའི་”ཞབས་ཞུའི་སྟེགས་བུ་བསྐྲུན་ནས། ཁེ་ལས་ལ་སྟབས་བདེ་ཅན་དང་རྒྱལ་སྤྱི་ཅན་གྱི་ཚོང་དོན་ཞབས་ཞུ་འདོན་སྤྲོད་བྱེད་རྒྱུ་དེ་ཡིན།
དངུལ་གཏོང་མཉམ་ལས་ནི“རྒྱུད་གཅིག་ལམ་གཅིག”འཛུགས་སྐྲུན་གྱི་ནང་དོན་གལ་ཆེན་ཡིན་པ་དང་། “ལོ་ལྔའི་འཆར་གཞི་བཅུ་གསུམ་པ”སྤེལ་ནས་ད་བར་དུ། རང་ཞིང་གིས་བསྡོམས་པས་ཀྲུང་གོའི་ཕྱོགས་ཀྱི་གྲོས་མཐུན་དངུལ་གཏོང་མ་དངུལ་ཨ་མེ་རུ་ཁའི་སྒོར་ཐེར་འབུམ་གཅིག་དང་དུང་ཕྱུར་གཉིས་བྱེ་བ་བཞི་ས་ཡ་བརྒྱད་ཡོངས་འགྲུབ་བྱས་པ་དང་། ངལ་རྩོལ་པ་སྟོང་གསུམ་དང་བཅུ་ཕྱི་ཕྱོགས་སུ་ལས་ཞུགས་བྱེད་པར་མངག

ཐེངས་འདིའི་བྱ་འགུལ་གྱིས་རྒྱུད་གཅིག་ལམ་གཅིག་དངུལ་གཏོང་མཉམ་ལས་ཁྱབ་ཁོངས་ཀྱི་འབྲེལ་ཡོད་ཆེད་མཁས་པ་དང་ཞིང་ཆེན་ཕྱི་ནང་གི་ཁེ་ལས་པ་གདན་ཞུ་བྱས་ནས། གླེང་མོལ་གྱི་རྣམ་པ་སྤྱད་དེ། རྒྱུད་གཅིག་ལམ་གཅིག་གི་རྒྱལ་ཁབ་དངུལ་གཏོང་མཉམ་ལས་ཉམས་མྱོང་དང་། དངུལ་གཏོང་གོ་སྐབས། དངུལ་གཏོང་ཐབས་ལམ། ཉེན་ཁ་སྔོན་འགོག་ཚོད་འཛིན་སོགས་ཀྱི་ཐད་ནས་བརྗེ་རེས་དང་ཞིབ་སྡུར་གཏིང་ཟབ་བྱས་པ་དང་། ཚོགས་ཞུགས་ཁེ་ལས་དང་མཉམ་དུ་སེམས་ཁུར་བྱེད་པའི་ཕྱི་ཕྱོགས་དངུལ་གཏོང་མཉམ་ལས་གནད་དོན་ཐད་ནས་ཡུལ་དངོས་ནས་ལན་བཏབ། ཕན་ཚུན་བརྗེ་རེས་བྱས་པ་བརྒྱུད་དེ། ཚོགས་ཞུགས་ཁེ་ལས་ཀྱི་དོགས་གནད་སེལ་བ་དང་གླེང་མོལ་དང་བརྗེ་རེས་གཏིང་ཟབ་ཏུ་སྤེལ་ནས། མཉམ་དུ་མཚོ་སྔོན་གྱི་མ་འོངས་པའི་ནུབ་རྒྱུད་ཀྱི་ཕྱི་ཕྱོགས་སྒོ་འབྱེད་ཀྱི་མཐོ་གནས་འཛུགས་སྐྲུན་བྱས།

                                                                                                                  ལོ་ཙཱ་བ། རིན་ཆེན་མཚོ།