ཟླ་གསུམ་པའི་ཚེས་བཅུ་གསུམ་ཉིན་མཚོ་སྔོན་གྱི་ལྗང་མདོག་སྤྲིན་རྩིས་ཐོན་རྫས་ཀྱི་ཡོངས་བསྒྲགས་ཚོགས་འདུ་མཚོ་སྔོན་ལེན་ཐུང་ཐོག་ཁང་ཆེ་མོ་རུ་འཚོགས། རྒྱལ་ཡོངས་ཀྱི་སྤྲིན་རྩིས་བཀོད་གཏོང་ལ་གཞིགས་པའི་རང་རྒྱལ་གྱིས་ཐོན་སྐྱེད་བྱས་པའི་གཞི་ཁྱོན་ཆེ་བའི་ལྗང་མདོག་རྩིས་ནུས་ཀྱི་ཞབས་ཞུའི་ཐོན་རྫས་ཐོག་མ་དེ་ཡིན་པ་དང་། མཚོ་སྔོན་གྱིས་ལྗང་མདོག་སྤྲིན་རྩིས་ཐོན་རྫས་ཁྱབ་བསྒྲགས་བྱས་པ་ནི་མཚོ་སྔོན་ལེན་ཐུང་གིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མཉམ་འབྲེལ་འཐབ་ཇུས་ཀྱི་བླང་བྱ་ལག་བསྟར་བྱས་ཏེ། སྤུས་ཚད་མཐོ་བའི་ངང་གྲངས་འཛིན་མཚོ་སྔོན་འཕེལ་རྒྱས་འགྲོ་རྒྱུར་སྐུལ་འདེད་གཏོང་བའི་ལག་ལེན་ནུས་ལྡན་ཞིག་ཡིན་པ་དང་། མཚོ་སྔོན་ལེན་ཐུང་གིས་རྒྱལ་ཁབ་ཀྱི“ཤར་གྲངས་ནུབ་རྩིས”དང“ཐཱན་གཉིས”ཀྱི་འཐབ་ཇུས་ལག་བསྟར་བྱེད་པའི་ཁྲོད་མདུན་སྐྱོད་ཆེན་པོ་བྱས་པ་མཚོན་ཡོད་ལ། རྒྱལ་ཡོངས་ཀྱི་མིས་བཟོས་རིག་ནུས་དཔེ་དབྱིབས་ཆེ་མོའི་སྦྱོང་བརྡར་དང་རིག་ནུས་དཔེ་གཟུགས་ཀྱི་བཀོལ་སྤྱོད་གསར་སྤེལ་འཛུགས་སྐྲུན་ལ་ལྗང་མདོག་གི་སྒུལ་ཤུགས་མཁོ་འདོན་བྱས་པ་མཚོན་ཡོད།

ཐེངས་འདིར་ཁྱབ་བསྒྲགས་བྱས་པའི་མཚོ་སྔོན་གྱི་ལྗང་མདོག་སྤྲིན་རྩིས་ཐོན་རྫས་ནངDepSeekསོགས་རང་རྒྱལ་གྱིས་བཟོས་པའི་དཔེ་དབྱིབས་ཆེན་པོའི་སྣོད་བཅུད་མཉམ་འདྲེས་གཏིང་ཟབ་བྱས་ཏེ་རྒྱལ་ཡོངས་ཀྱི་འཛད་སྤྱོད་པར་བཟོ་དབྱིབས་མང་བའིDepSekསྒེར་དབང་ཅན་གྱི་བཀོད་སྒྲིག་དང་སྤྲིན་རྩིས་བཀོད་སྒྲིག་གི་ལྗང་མདོག་རྩིས་ནུས་ཞབས་ཞུ་མཁོ་འདོན་བྱས་ཏེ“འཕྲལ་མར་སྤྱོད་པ་དང་ལྡེམ་ཤུགས་ཆེར་གཏོང་བྱེད་པའི”ཕན་འབྲས་ཐོན་ཡོད་པ་རེད། ཐོན་རྫས་ཀྱི་གཞི་སྒྲོམ་བརྟན་པོ་ཡོད་པ་དང་། མཚོ་སྔོན་གྱི་ལྗང་མདོག་སྤྲིན་རྩིས་ཐོན་རྫས་ནི་རང་རྒྱལ་གྱིས་བཟོས་པའི་རྩིས་ནུས་ཀྱི་སྟེགས་བུ་དང་ས་ཁོངས་ཧྲིལ་པོའི་རིག་ནུས་བཀོད་གཏོང་ལག་རྩལ་གཞིར་བཟུང་ནས། གཞི་གཅིག་ཅན་གྱི་འཕྲུལ་ཆས་དང་། སྒེར་དབང་ཅན། སྤྲིན་སྣེ་བཅས་ཟུང་དུ་འབྲེལ་བའི་སྣེ་མང་ཅན་གྱི་དཔེ་དབྱིབས་བཀོད་སྒྲིག་མགྱོགས་མྱུར་བྱེད་པའི་ནུས་པ་བཏོན་ཏེ“ནུས་ཆེའི་ལེགས་བསྡུས་ཞིབ་གཉེར་དང་། མཛེས་ལྗོངས་སྔོན་སྒྲིག ནང་གནས་བདེ་འཇགས”བཅས་ཀྱི་གཞི་གཅིག་ཅན་གྱིAIལས་སྟེགས་བསྐྲུན་པ་དང་། སྲིད་དོན་དང་། བཟོ་ལས། རིག་གནས་ཡུལ་སྐོར། སློབ་གསོ། རིག་ནུས་བཟོ་སྐྲུན་སོགས་ཁྱབ་ཁོངས་མང་པོར་ཁྱབ་ནས་མཚོ་སྔོན་གྱི་གྲངས་འཛིན་དཔལ་འབྱོར་ལ་སྒུལ་ཤུགས་གསར་པ་བསྣོན་ཐུབ་པ་རེད།

ངོ་སྤྲོད་བྱས་པར་ལྟར་ན། མཚོ་སྔོན་ཞིང་ཆེན་ལེན་ཐུང་རྒྱལ་ཁབ་ཀྱི་རྩིས་ནུས་ཀྱི་དྲ་རྒྱའི་ཇུས་འགོད་ཁྲོད་གཏིང་ཟབ་སྒོས་ཞུགས་ནས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་སྔོན་ལ་བཏོན་པའི“ལྗང་མདོག་གློག་གི་རིན་ཐང་ལྡབ་འགྱུར་ངང་འཕར་རྒྱུའི་འཆར་གཞི”ཧུར་ཐག་སྒོས་ལག་བསྟར་བྱས་ཏེ“ལྗང་གློག་དང་ལྗང་རྩིས་ཟུང་འབྲེལ”གྱི་རེས་སྐོར་གཉིས་ཀྱི་སྒུལ་ཤུགས་བརྒྱུད་ལྗང་མདོག་སྤྲིན་རྩིས་འགོ་རྩོམ་སར་བྱས་ནས།“གློག་དང་། རྩིས། གྲངས་ཀ དྲ་རྒྱ”བཅས་གཞི་གཅིག་ཅན་གྱི་ཐོན་ལས་སྣོད་བཅུད་མགྱོགས་མྱུར་ངང་བསྐྲུན་ནས། ལས་རིགས་སོ་སོར་མཉམ་འབྲེལ་བྱས་ཏེ་རྒྱལ་ཁབ་ཀྱི“ཤར་གྲངས་ནུབ་རྩིས”འཐབ་ཇུས་ཆེན་མོར་མཚོ་སྔོན་གྱི་སྟོབས་ཤུགས་འབུལ་དགོས། 

ཚེ་མགོན་རྒྱལ་གྱིས་བསྒྱུར།