ད་ལྟ་གཟིགས་བཞིན་པ། > མདུན་ངོས། > གསར་འགྱུར། > རྒྱལ་སྤྱིའི་གསར་འགྱུར།

སི་རི་ཡཱའི་སྲིད་གཞུང་དམག་དཔུང་དང་སྲིད་གཞུང་ལ་ངོ་རྒོལ་བྱེད་པའི་དྲག་ཆས་པས་ཏཱ་མཱ་ཧྲི་ཀིའི་ཤར་འདབས་ས་ཁུལ་ནས་འཁྲུག་རྩོད་དྲག་པོ་བྱས།

སྤེལ་དུས། 2017-03-20 09:45:45   ཡོང་ཁུངས། ཞིན་ཧྭ་གསར་འགྱུར་དྲ་བ།   རྡེབ་ཚད།    ནང་དོན་འདི་སྤེལ་མཁན། བསོད་ནམས་ཚེ་རིང་།

སི་རི་ཡཱའི་སྲིད་གཞུང་དམག་དཔུང་གིས་ཚེས་བཅུ་དགུའི་ཉིན་རྒྱལ་ས་ཏཱ་མཱ་ཧྲི་ཀིའི་ཤར་འདབས་ས་ཁུལ་ནས་གྲོང་ཁྱེར་ནང་ཁུལ་དུ་དཔུང་འཇུག་བྱེད་རྩིས་ཡོད་པའི་སྲིད་གཞུང་ལ་ངོ་རྒོལ་བྱེད་པའི་དྲག་ཆས་པའི་བར་འཁྲུག་རྩོད་དྲག་པོ་བྱུང་བ་དང་། སྲིད་གཞུང་ལ་ངོ་རྒོལ་བྱེད་པའི་དྲག་ཆས་པ་མཐར་སྐྲོད་བཏང་ཡོད་ཟེར།

བསྒྲགས་པ་ལྟར་ན། ཏཱ་མཱ་ཧྲི་ཀིའི་ཤར་འདབས་ས་ཁུལ་དུ་འགུལ་སྐྱོད་བྱེད་པའི་སྲིད་གཞུང་ལ་ངོ་རྒོལ་བྱེད་པའི་དྲག་ཆས་པས་ཉིན་དེར་གྲོང་ཁྱེར་ནང་ཁུལ་ལ་དཔུང་འཇུག་བྱས་པ་དང་། དྲག་ཆས་ཉེས་ཅན་གྱིས་ཐོག་མར་ཤར་འདབས་ཀྱི་ཀྲུའུ་པཱ་ཨར་ས་ཁུལ་དུ་ཡོད་པའི་སྲིད་གཞུང་དམག་དཔུང་གི་སྡོད་སའི་ཉེ་འདབས་ནས་རླངས་འཁོར་འགས་གཏོར་འཇབ་རྒོལ་དོན་རྐྱེན་བཟོས་པ་རེད་ཟེར།

འཁྲུག་རྩོད་དེ་ཉིན་དེའི་ཞོགས་པ་ནས་དགོང་མོའི་བར་རྒྱུན་བསྲིངས་པ་དང་། གྲོང་ཁུལ་ནས་ཀྱང་སྒྱོགས་མདེལ་གྱི་སྒྲ་ཐོས་ཐུབ། བསྒྲགས་པ་ལྟར་ན། སྲིད་གཞུང་དམག་དཔུང་གིས་ཀྲུའུ་པཱ་ཨར་ཉེ་འདབས་ས་ཁུལ་དུ་དམག་ཤུགས་ཁ་སྣོན་བྱས་ཏེ། གཞུང་ལམ་གཙོ་བོ་དག་བཀག་སྡོམ་བྱས་ཡོད་ཟེར།

སྤྱི་ཁྱབ་པུའུ་དབྱིན་ཇིའི་ལོན་ཏོན་དུ་ཡོད་པའི་སི་རི་ཡཱའི་འགྲོ་མིའི་ཐོབ་ཐང་ལྟ་ཞིབ་ཚན་ཆུང་གིས་བཤད་རྒྱུར། སྲིད་གཞུང་ལ་ངོ་རྒོལ་བྱེད་པའི་དྲག་ཆས་པས་ཏཱ་མཱ་ཧྲི་ཀིའི་ས་ཁུལ་མང་བོར་མེ་ཤུགས་འཕུར་མདའ་གཏོང་འཕེན་བྱས་པ་དང་། སྲིད་གཞུང་དམག་དཔུང་གིས་ཀྲུའུ་པཱ་ཨར་ས་ཁུལ་དུ་བར་སྣང་འཇབ་རྒོལ་བྱས་པ་རེད་ཟེར།

བསྒྲགས་པ་ལྟར་ན། སྲིད་གཞུང་དམག་དཔུང་གིས་གྲོང་ཁུལ་དུ་དཔུང་འཇུག་བྱེད་རྩིས་ཡོད་པའི་སྲིད་གཞུང་ལ་ངོ་རྒོལ་བྱེད་པའི་དྲག་ཆས་པ་མཐར་སྐྲོད་བཏང་བ་དང་། དྲག་ཆས་ཉེས་ཅན་རེ་འགའ་བསད་ཟེར།

 

མཉམ་སྤྱོད་བྱེད་གནས། 


ར་སྤྲོད་ཨང་།          མིང་མེད།    
མཛའ་འབྲེལ་ཨ་ལུང་།
ཀྲུང་གོ་བོད་ཀྱི་དྲ་བ།གུང་ཁྲན་ཏང་གི་དྲ་བ།བོད་ཀྱི་རིག་མཛོད།བོད་ཀྱི་སློབ་འབྲིང་།མཚོ་སྔོན་བོད་རིགས་དྲ་བ།ཁམས་པའི་དྲ་བ།ཞིང་ཆེན་མི་དམངས་སྲིད་གཞུང་།ཀྲུང་གོའི་བོད་སྐད་རླུང་འཕྲིན།བོད་ལྗོངས་འཕྲིན་དྲ།
ཁམས་པའི་བརྙན་འཕྲིན།ནོར་ནོར་བརྙན་འཕྲིན།