ད་ལྟ་གཟིགས་བཞིན་པ། > མདུན་ངོས། > གསར་འགྱུར། > རྒྱལ་སྤྱིའི་གསར་འགྱུར།

མཉམ་འབྲེལ་རྒྱལ་ཚོགས་ཀྱིས་སི་རི་ཡའི་དབྱི་ཏི་ལེ་པུའུ་ཞིང་ཆེན་ལ་བར་སྣང་འཇབ་རྒོལ་ཐེབས་པར་དོ་སྣང་ཆེན་པོ་བྱས།

སྤེལ་དུས། 2018-06-12 06:47:28   ཡོང་ཁུངས། ཞིན་ཧྭ་གསར་འགྱུར་དྲ་བ།   རྡེབ་ཚད།    ནང་དོན་འདི་སྤེལ་མཁན། ཕྱུག་ལོ།

 ཞིན་ཧྭ་གསར་འགྱུར་ཁང་གིས་མཉམ་འབྲེལ་རྒྱལ་ཚོགས་ནས་བསྒྲགས་པའི་གསར་འགྱུར། མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཀུའུ་ཐི་ལེ་སི་ཡིས་ཚེས་བཅུ་ཉིན་མགྲིན་ཚབ་པ་བརྒྱུད་དེ་གསལ་བསྒྲགས་སྤེལ་ནས། སི་རི་ཡའི་དབྱི་ཏི་ལེ་པུའུ་ཞིང་ཆེན་གྱི་གྲོང་རྡལ་ཆུང་བ་ཞིན་ཨར་ཏའེ་ནཱ་ལ་ཚེས་བདུན་ཉིན་དང་བརྒྱད་ཉིན་གྱི་དགོང་མོར་བར་སྣང་འཇབ་རྒོལ་ཐེབས་པ་མ་ཟད་མི་སྣ་ཤི་རྨས་བཟོས་པར་དོ་སྣང་ཆེན་པོ་བྱས།

ཀུའུ་ཐི་ལེ་སི་ཡིས་བར་སྣང་འཇབ་རྒོལ་དོན་རྐྱེན་ལ་ཁྱོན་ཡོངས་ནས་རྟོག་ཞིབ་བྱེད་དགོས་པ་དང་། ལྷག་པར་དུ་ཡུལ་དངོས་ཀྱི་མྱུར་སྐྱོབ་མི་སྣར་ཐེངས་གཉིས་པར་འཇབ་རྒོལ་བྱས་པར་འགན་འདྲི་རྟོག་ཞིབ་བྱེད་དགོས་པའི་འབོད་སྐུལ་བཏང་།

ཀུའུ་ཐི་ལེ་སི་ཡིས་བཤད་རྒྱུར། དབྱི་ཏི་ལེ་པུའུ་ཞིང་ཆེན་ནི་འབྲེལ་ཡོད་ཕྱོགས་སོ་སོས་ཨ་སི་ཐ་ནཱའི་གྲོས་ཚོགས་སྟེང་བཀོད་པའི་གྲོས་ཆོད་གཞིར་བཟུང་ནས་བཙུགས་པའི་འཁྲུག་རྩོད་ཞི་འཇགས་ཁུལ་ཡིན་ཟེར། ཁོས་འབྲེལ་ཡོད་ཕྱོགས་སོ་སོས་འབྲེལ་ཡོད་དམ་བཅའ་ལག་བསྟར་བྱེད་དགོས་པའི་འབོད་སྐུལ་བཏང་། ཁོས་ནན་གྱིས་བསྟན་དོན། དབྱི་ཏི་ལེ་པུའུ་ཞིང་ཆེན་དུ་མི་ས་ཡ་གཉིས་དང་འབུམ་གསུམ་ཙམ་ཉེན་ཁར་འཕྲད་ཡོད་ལ། དེའི་ནང་གི་བརྒྱ་ཆའི་དྲུག་ཅུ་ནི་ས་གཞན་ནས་འཁྲུག་རྩོད་ལ་གཡོལ་ཆེད་བྲོས་ཡོང་བའི་མི་སེར་ཡིན་ཟེར། ཁོས་དམག་འཁྲུག་རྒྱག་པའི་ཕྱོགས་སོ་སོས་ཕན་ཚུན་དགྲ་རུ་འཛིན་མྱུར་དུ་འཇོག་དགོས་པའི་འབོད་སྐུལ་བཏང་བ་མ་ཟད། ཁེ་ཕན་དང་འབྲེལ་བའི་ཕྱོགས་ཡོད་ཚད་ཀྱིས་རྒྱལ་སྤྱིའི་མི་ཆོས་རིང་ལུགས་བཅའ་ཁྲིམས་ལས་གཏན་ལ་ཕབ་པའི་འོས་འགན་བརྩི་སྲུང་བྱེད་དགོས་པ་དང་། མི་སེར་དང་དམངས་སྤྱོད་རྨང་གཞིའི་སྒྲིག་ཆས་ལ་སྲུང་སྐྱོབ་བྱེད་དགོས་པའི་འབོད་སྐུལ་བཏང་།

ཉིས་སྟོང་བཅུ་བདུན་ལོའི་ཟླ་དགུ་པར་བསྡུས་པའི་སི་རི་ཡའི་གནད་དོན་གྱི་ཨ་སི་ཐ་ནཱའི་གྲོས་ཚོགས་སྟེང་། ཨུ་རུ་སི་དང་ཐུར་ཁེ། དབྱི་ལང་བཅས་གྲོས་མཐུན་བྱུང་བ་ལྟར། དབྱི་ཏི་ལེ་པུའུ་ཞིང་ཆེན་སོགས་ནས་དམག་འཁྲུག་ཞི་འཇགས་ཁུལ་བཞི་བཙུགས་པ་མ་ཟད། ཨུ་རུ་སི་དང་ཐུར་ཁེ། དབྱི་ལང་བཅས་རྒྱལ་ཁབ་གསུམ་གྱིས་ལྟ་ཞིབ་པ་མངགས་ནས་དམག་འཁྲུག་མཚམས་འཇོག་པའི་གནས་ཚུལ་ལ་ལྟ་ཞིབ་བྱེད་པའི་འགན་ཁུར།

མཉམ་སྤྱོད་བྱེད་གནས། 


ར་སྤྲོད་ཨང་།          མིང་མེད།    
མཛའ་འབྲེལ་ཨ་ལུང་།
ཀྲུང་གོ་བོད་ཀྱི་དྲ་བ།གུང་ཁྲན་ཏང་གི་དྲ་བ།བོད་ཀྱི་རིག་མཛོད།བོད་ཀྱི་སློབ་འབྲིང་།མཚོ་སྔོན་བོད་རིགས་དྲ་བ།ཁམས་པའི་དྲ་བ།ཞིང་ཆེན་མི་དམངས་སྲིད་གཞུང་།ཀྲུང་གོའི་བོད་སྐད་རླུང་འཕྲིན།བོད་ལྗོངས་འཕྲིན་དྲ།
ཁམས་པའི་བརྙན་འཕྲིན།ནོར་ནོར་བརྙན་འཕྲིན།ཡོངས་འཛིན་འཚོལ་བཤེར།