སྐབས་དགུ་བའི་ཨོ་སི་ཁྲི་ལི་ཡའི་ཡ་གླིང་གློག་བརྙན་དུས་ཆེན་གྱི་མཛད་སྒོ་པུའུ་ལེ་སི་པན་གྲོང་ཁྱེར་ནས་བསྡུས་ཤིང་། མཛད་སྒོའི་སྟེང་གློག་བརྙན«ཐར་ལོ»ཡི་གཙོ་འཁྲབ་པ་ཞི་བདེ་ཉི་མ་ཡ་གླིང་གློག་བརྙན་དུས་ཆེན་གྱི་སྐྱེས་པ་ཕུལ་བྱུང་འཁྲབ་སྟོན་པར་བདམས་ཐོན་བྱུང་བ་མ་ཟད། ཡ་གླིང་གློག་བརྙན་བྱ་དགའ་ཆེན་མོའི་མཐུན་ཚོགས་ཀྱི་ཚོགས་མི་དང2015ལོའི་ཡ་གླིང་གི་ཆེས་དགའ་བསུ་ཐོབ་པའི་སྐྱེས་པ་འཁྲབ་སྟོན་པ་སོགས་ཀྱི་གཟེངས་རྟགས་དང་མཚན་སྙན་ཐོབ་པ་མ་ཟད། ཐེངས་འདིའི་གློག་བརྙན་དུས་ཆེན་སྟེང་གི་ཆེས་གདེངས་འཇོག་ཐོབ་པའི་རྒྱལ་སྤྱིའི་འཁྲབ་སྟོན་སྒྱུ་རྩལ་པ་རུ་གྱུར།

ཞི་བདེ་ཉི་མ་ནི་ཨ་མདོ་མཚོ་སྔོན་མང་རྫོང་ནས་ཡིན་ཞིང་། བོད་ཁུལ་དུ་ཆེས་དགའ་བསུ་ཐོབ་པའི་འཁྲབ་སྟོན་པ་དང་། སྒྱུ་རྩལ་པ། སྙན་ངག་པ།  འཁྲབ་ཁྲིད་པ།  སྐད་སྦྱོར་བ་བཅས་ཡིན།

ཁོ་ནི་བོད་སྐད་བརྙན་འཕྲིན་ཟློས་གར་གྱི་སྲོལ་འབྱེད་པ་རུ་བགྲང་ཆོག་ལ། ཁོའི་བརྩམས་ཆོས་ལ་བརྙན་འཕྲིན་ཟློས་གར«བྱུ་རུའི་སྐེ་རྒྱན»དང་།  «མོ་སྟོན་ཕག་མགོ» གློག་བརྙན«སྒྲོལ་མའི་མགུལ་རྒྱན།» «ཨ་རིག་བུ་མོ་འབྲི་བརྒྱ་མ» «སྐལ་བཟང་གི་གཟའ་མཇུག»སོགས་ད