ཨ་མདོ་བརྙན་འཕྲིན་གྱིས་བསྒྲུབས་པའི་བོད་རབ་བྱུང་བཅུ་བདུན་པའི་མེ་ཕོ་སྤྲེལ་ལོའི་ལོ་སར་རིག་རྩལ་སྤྲོ་ཚོགས་ཆེན་མོ«གངས་ལྗོངས་དཔྱིད་ཀྱི་མཆོད་བསྟོད།»ཅེས་པ་དེ་སྤྱི་ཟླ་དང་པོའི་ཚེས་བཅུ་ཉིན། མཚོ་སྔོན་རྒྱང་སྒྲོག་བརྙན་འཕྲིན་ཁང་གི་འཁྲབ་གཏོང་ཚོམས་ཆེན་ནས་གཟབ་རྒྱས་ངང་བརྙན་ཕབ་བྱས། རྒྱལ་ཡོངས་སྲིད་གྲོས་མི་རིགས་དང་ཆོས་ལུགས་ལས་དོན་ཨུ་ཡོན་ལྷན་ཁང་གི་མགོ་གཙོ་གཞོན་པ་པདྨ་དང་། ཞིང་ཆེན་ཏང་ཨུའི་རྒྱུན་ཨུ། དྲིལ་སྒྲོག་པུའུ་ཡི་པུའུ་ཀྲང་ཀྲང་ཞི་མེན། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ། ཞིང་ཆེན་དམག་ཁུལ་གྱི་དམག་སྤྱི་གཞོན་པ་ངག་དབང་བསོད་ནམས། བློ་མཐུན་རྒན་པ་གཡང་མོ་རྒྱལ་སོགས་དང་། དེ་མིན་ཁུལ་དང་རྫོང་སོ་སོའི་འབྲེལ་ཡོད་མགོ་ཁྲིད་རྣམས་འཁྲབ་སྟོན་ཡུལ་དངོས་ལ་ཡོང་ནས་ས་ཕྱོགས་སོ་སོ་ནས་ཡོང་བའི་ལྟད་མོ་བ་སྟོང་གཅིག་ལྷག་དང་མཉམ་དུ་སྤྲོ་ཚོགས་ལ་བལྟས་པ་མ་ཟད། ཞིང་ཆེན་དྲིལ་སྒྲོག་པུའུ་ཡི་པུའུ་ཀྲང་ཀྲང་ཞི་མེན་གྱིས་ཐེངས་འདིའི་སྤྲོ་ཚོགས་ཀྱི་འཁྲབ་སྟོན་པ་ཡོངས་དང་། དགོང་ཚོགས་ཀྱི་འབུར་དུ་ཐོན་པའི་ཁྱད་ཆོས། འཆམ་མཐུན་བཀྲ་ཤིས་ཀྱི་བརྗོད་གཞིར་དག་ལ་བསྔགས་བརྗོད་གང་ལེགས་མཛད་དེ། མཚོ་སྔོན་ན་སྐད་གྲགས་ཆེ་བའི་གླུ་བ་དང་བྲོ་མཁན་མང་པོ་ཡོད་པ་གཞ