2016ལོའི་ཟླ5བའི་ཚེས5ཉིན་འབྲུག་ལྷ་རྒྱལ་གྱི་གཞས་ཚིག་བརྩམས་ཆོས་དང་སྙན་ངག་གྱེར་འདོན་དགོང་ཚོགས༼རུས་རྐང་གི་དབྱངས་རྟ༽ཞེས་པ་དེ་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་འཁྲབ་སྟོན་ཚོམས་ཆེན་དུ་གཟབ་རྒྱས་ངང་བསྡུས།

ཕྱི་དྲོའི་ཆུ་ཚོད་གཉིས་དང་ཕྱེད་ཀའི་སྟེང་ལྟད་མོ་བའི་ཚོགས་མཚོ་སྔོན་རྒྱང་སྒྲོག་བརྙན་འཕྲིན་ཁང་གི་ཕྱོགས་སུ་གོམ་ཁ་བསྒྱུར་མགོ་བརྩམས་ཤིང་ཅུང་མ་འགོར་བར་འཁྲབ་སྟོན་ཚོམས་ཆེན་དུ་ལྟད་མོ་བས་ཡོངས་སུ་བཀང་ཞིང་མི་རྣམས་དལ་ཅག་གེར་སྡོད་པའི་བར་སྐབས་སུ་གློག་འོད་ཁྲ་ཆིལ་ལེར་བཞད་པའི་གར་སྟེགས་གོང་ངོས་ནས༼རུས་རྐང་གི་དབྱངས་རྟ༽ཞེས་པའི་ཡིག་འབྲུ་རེ་འགའ་མིག་གི་མཐོང་ལམ་དུ་དལ་གྱིས་རྒྱུ་ཡོང་ཞིང་གླུ་མ་རིག་འཛིན་སྒྲོལ་མའི༼ང་ཡི་ཁྲི་ཤོར་རྒྱལ་མོའི༽གླུ་སྐད་སྙན་མོ་དང་བསྡོངས་ནས་དགོང་ཚོགས་ཀྱི་སྒོ་འཕར་རྟེན་འབྲེལ་གཡང་གིས་ཕྱེས།

རེབ་འདིའི་དགོང་ཚོགས་ནི་གཞས་ཚིག་བརྩམས་ཆོས་དང་སྙན་ངག་གྱེར་འདོན་གཉིས་མཉམ་བསྲེས་མཉམ་སྡེབ་ཀྱི་རྣམ་པ་ལྟ་བུའི་དགོང་ཚོགས་ཤིག་ཏུ་གྲུབ་ཡོད་པས། འཁྲབ་སྟོན་བྱེད་མཁན་གྱི་ངོས་དང་། ལྟ་མཁན་གྱི་ངོས་གང་ནས་ཀྱང་རང་གི་མྱོང་བྱ་ཐུན་མིན་རེ་འདུག་སྟེ། སྙན་ངག་སྒྱུ་རྩལ་གྱི་མཐོ་རླབས་གསར་བ་ཞིག་དང་། གླུ་གར་རོལ་དབྱངས་ཀྱི་ལོངས་སྤྱོད་བ