ད་ལྟ་གཟིགས་བཞིན་པ། > མདུན་ངོས། > གསར་འགྱུར། > རིག་རྩལ་འཕྲིན་གསར།

གློག་བརྙན«མོ་སྟོན་ཕག་མགོའི»འཁྲབ་གཞུང་དཔྱད་གླེང་ཚོགས་འདུ་ཟི་ལིང་དུ་བསྡུས།

སྤེལ་དུས། 2017-03-10 17:12:59   ཡོང་ཁུངས། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་།   རྡེབ་ཚད།    ནང་དོན་འདི་སྤེལ་མཁན། དབང་རྒྱལ་ཚེ་རིང་།

མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གསར་འགོད་པ་རྣམ་རྒྱལ་རིག་འཛིན་དང་དབང་རྒྱལ་ཚེ་རིང་། ལྕགས་ཐར་ཚེ་རིང་བཅས་ཀྱིས་བཀོད་པའི་གསར་འགྱུར། 

 

ཟླ་འདིའི་ཚེས་བཅུ་ཉིན་གློག་བརྙན«མོ་སྟོན་ཕག་མགོའི»འཁྲབ་གཞུང་དཔྱད་གླེང་ཚོགས་འདུ་མཚོ་སྔོན་མི་རིགས་གློག་བརྙན་འཕྲིན་བསྒྱུར་བསྐྲུན་ལྟེ་གནས་སུ་བསྡུས་ཤིང་། གངས་རྒྱན་ན་ཆུང་ཚགས་པར་ཁང་གི་རྩོམ་སྒྲིག་པ་ནག་པོ་སྐལ་བཟང་དང་། མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཡོན་ཏན་སོགས་འབྲེལ་ཡོད་ཆེད་མཁས་པ་ཚོགས་འདུར་ཞུགས་ཤིང་། ཚོགས་ཞུགས་ཆེད་མཁས་པ་རྣམས་ཀྱིས«མོ་སྟོན་ཕག་མགོའི»འཁྲབ་གཞུང་གི་སྒྲིག་གཞི་དང་རྣམ་པ། བྱུང་རིམ། མི་སྣའི་བཞེངས་བསྐྲུན། སྐད་ཆ། དམངས་སྲོལ། སྒྱུ་རྩལ་མཚོན་ཐབས། བརྙན་རིས་འཆར་འགོད་སོགས་ཀྱི་ཐད་ནས་རང་རང་གི་ལྟ་ཚུལ་ལྷུག་བརྗོད་གནང་བ་མ་ཟད། འཁྲབ་གཞུང་འདིའི་འབུར་ཐོན་གྱི་ཆ་ལ་གདེང་འཇོག་དང་མི་འདང་སར་རེ་བ་ནན་གྱིས་བཏོན།

«མོ་སྟོན་ཕག་མགོ»ནི་བོད་ཡུལ་ན་རླུང་ལྟར་གྲགས་པའི་དམངས་ཁྲོད་གཏམ་རྒྱུད་ཅིག་ཡིན་ལ། བོད་ཀྱི་གློག་བརྙན་འཁྲབ་ཁྲིད་པ་ཞི་བདེ་ཉི་མས་ཉིས་སྟོང་བརྒྱད་ལོར་བརྙན་འཕྲིན་ཟློས་གར་དུ་བཅོས་ཤིང་འཁྲབ་སྟོན་བྱས་པས། བོད་ཡུལ་ཕུ་མདའ་བར་གསུམ་དུ་གྲགས་འགུལ་ཆེན་པོ་བསླངས། ཐེངས་འདིར་ཡང་བོད་ཀྱི་རྩོམ་པ་པོ་ཕུན་ཚོགས་རྒྱལ་དང་ཁོང་གཉིས་ཀྱིས«མོ་སྟོན་ཕག་མགོའི»ཁག་རྗེས་མའི་འཁྲབ་གཞུང་བརྩམས་ཤིང་། འཁྲབ་ཚན་སྔོན་མ་དག་གི་རྨང་གཞིའི་སྟེང་མི་སྣ་གསར་སྣོན་དང་གཏམ་རྒྱུད་གསར་བཞེངས། བྱུང་རིམ་གསར་བསྒྲིགས་བཅས་བྱས་ནས་བོད་མིའི་མཛེས་དཔྱོད་ཀྱི་ཆུ་ཚད་དང་མཐུན་ཞིང་རོལ་རྩེད་རང་བཞིན་དང་འཚོ་བ་རང་བཞིན་གྱི་སྤྲོ་གར་གློག་བརྙན་དུ་བཅོས་ཡོད་པས་བོད་ཀྱི་འཚོ་བ་དང་ཉེ་བར་བཅར་ཅིང་གོ་བསྐོན་བློ་འགུགས་ཀྱི་ཁྱད་ཆོས་ཆེས་ཆེར་ལྡན། འབྲེལ་ཡོད་བརྒྱུད་ལམ་ཁག་ནས་ཤེས་གསལ་བྱུང་བ་ལྟར་ན«མོ་སྟོན་ཕག་མགོའི»གློག་བརྙན་ཁག་རྗེས་མ་འདི་ད་ལོའི་སྟོན་མཇུག་ཏུ་བརྙན་ཕབ་བྱ་འཆར་ཡོད་པ་དང་། གལ་ཏེ་བརྙན་ཕབ་སྒྲིག་སྦྱོར་སོགས་ལ་བར་ཆད་གཞན་མ་བྱུང་ཚེ་ཉིས་སྟོང་བཅོ་བརྒྱད་ལོར་ཀུན་གྱི་སྤྱན་ལམ་དུ་བསྟར་ཐུབ་ཟེར།

IMG_5866.jpg

ཚོགས་རའི་ཟུར་ཞིག

IMG_5885.jpg

གངས་རྒྱན་ན་ཆུང་ཚགས་པར་ཁང་གི་རྩོམ་སྒྲིག་པ་ནག་པོ་སྐལ་བཟང་གིས་རང་གི་བསམ་ཚུལ་བརྗོད་བཞིན་པ།

IMG_5887.jpg

མཚོ་སྔོན་རྩོམ་པ་པོའི་མཐུན་ཚོགས་ཀྱི་ཚོགས་མི་ལུང་རིན་ཆེན་གྱིས་རང་གི་བསམ་ཚུལ་བརྗོད་བཞིན་པ།

IMG_5923.jpg

གློག་བརྙན་འདིའི་འཁྲབ་ཁྲིད་པ་དང་འཁྲབ་གཞུང་རྩོམ་མཁན་ཞི་བདེ་ཉི་མས་གློག་བརྙན་འདིར་ངོ་སྤྲོད་བྱེད་བཞིན་པ།

IMG_5890.jpg

ཨ་མདོ་བརྙན་འཕྲིན་གྱི་འཁྲབ་ཁྲིད་པ་རྡོ་གྲགས་ཀྱིས་རང་གི་བསམ་ཚུལ་བརྗོད་བཞིན་པ།

IMG_5892.jpg

མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་ཡོན་ཏན་གྱིས་རང་གི་བསམ་ཚུལ་བརྗོད་བཞིན་པ།

IMG_5881.jpg

བརྩམས་སྒྲུང་བ་གྲགས་ཅན་རིག་ལྡན་རྒྱ་མཚོས་རང་གི་བསམ་ཚུལ་བརྗོད་བཞིན་པ།

IMG_5943.jpg

གློག་བརྙན་འདིའི་འཁྲབ་གཞུང་རྩོམ་མཁན་ཕུན་ཚོགས་རྒྱལ་གྱིས་འདི་ལྟ་བུའི་གློག་བརྙན་ཞིག་ཕབ་སྐྲུན་བྱ་དགོས་པའི་དགེ་མཚན་གླེང་བཞིན་པ།

IMG_5900.jpg

བོད་རིག་པ་ཞིབ་འཇུག་མཁན་ཨ་རིའི་འཇིགས་མེད་ཀྱིས་རང་གི་བསམ་ཚུལ་བརྗོད་བཞིན་པ། 

IMG_5953.jpg

ཐེངས་འདིའི་གློག་བརྙན«མོ་སྟོན་ཕག་མགོའི»༼ཁག་གཉིས་པ༽འཁྲབ་གཞུང་དཔྱད་གླེང་ཚོགས་འདུའི་སྟེང་ཞུགས་པའི་འབྲེལ་ཡོད་མི་སྣ་ལྷན་རྒྱས།
 

མཉམ་སྤྱོད་བྱེད་གནས། 


ར་སྤྲོད་ཨང་།          མིང་མེད།    
མཛའ་འབྲེལ་ཨ་ལུང་།
ཀྲུང་གོ་བོད་ཀྱི་དྲ་བ།གུང་ཁྲན་ཏང་གི་དྲ་བ།བོད་ཀྱི་རིག་མཛོད།བོད་ཀྱི་སློབ་འབྲིང་།མཚོ་སྔོན་བོད་རིགས་དྲ་བ།ཁམས་པའི་དྲ་བ།ཞིང་ཆེན་མི་དམངས་སྲིད་གཞུང་།ཀྲུང་གོའི་བོད་སྐད་རླུང་འཕྲིན།བོད་ལྗོངས་འཕྲིན་དྲ།
ཁམས་པའི་བརྙན་འཕྲིན།ནོར་ནོར་བརྙན་འཕྲིན།