དེ་རིང་གི་ལེ་ཚན་འདི་ཚན་པ་གཉིས་སུ་བཀར་ཡོད་པ་དང་། ཚན་པ་དང་པོ་སྣ་ཚོགས་གཏམ་གྱི་འཁོར་ལོའི་ནང་དུ་བོད་བརྙན་ཚོགས་པ་དང་བོད་བརྙན་དྲ་བའི་ངོས་ཐད་ནས་བཅར་འདྲི་འགའ་བྱས་ཡོད། ཚོགས་པ་འདི་ནི་2010ལོར་པེ་ཅིང་དུ་བོད་མདོ་དབུས་ཁམས་གསུམ་ནས་ཡོང་བའི་སློབ་མ་ཁག་ཅིག་གིས་འཛམ་གླིང་ཡོངས་ཀྱི་གོམ་སྟབས་དང་བསྟུན་ཆེད་དང་གཅིག རང་གི་ཕ་སྐད་མ་ཉམས་གོང་འཕེལ་དང་གཉིས། བོད་ཡིག་གི་ལམ་ནས་རྒྱལ་ཁབ་དང་ས་ཁུལ་ཁག་གི་ཕུལ་བྱུང་གི་གློག་བརྙན་བརྩམས་ཆོས་མྱོང་རོལ་ཐུབ་ཆེད་དུ་ད་གཟོད་ཚོགས་པ་འདི་དང་དྲ་བ་འདི་བསྐྲུན་པ་རེད། སྐུད་ལམ་གྱི་གདན་ཞུའི་སྐུ་མགྲོན་ནི་བོད་བརྙན་ཚོགས་པའི་ཚོགས་མི་རྟ་མགྲིན་དང་ཚེ་རིང་བཀྲ་ཤིས། དེ་མིན་གུ་རུ་སྐྱབས་བཅས་ཡིན། གཞན་ངག་འཕྲིན་རྩེད་འཇོ་བཅས་བཀོད་སྒྲིག་བྱས་ཡོད།

བོད་བརྙན་དྲ་བའི་གཙོ་ངོས། http://www.bosubtitle.com