དེ་རིང་གི་ལེ་ཚན་འདི་ཚན་པ་གཉིས་སུ་བཀར་ཡོད། ཚན་པ་དང་པོ་ང་ཡི་ལང་ཚོའི་རྨི་ལམ་ནང་དུ་ཉེ་ལམ་གནའ་མཁར་ཟི་ལིང་ནས་བསྡུས་པའི་རྒན་ནག་པོ་སྐལ་བཟང་ལགས་ཀྱི་དྲག་རྩལ་བརྩམས་སྒྲུང་རིང་མོ༼ཀླུ་འབུམ་མི་རྒོད༽ཅེས་པའི་སྨད་ཆ་ལེགས་འགྲུབ་བྱུང་བའི་མཛད་སྒོ་དང་། དེ་མིན༼ཀླུ་འབུམ་མི་རྒོད༽ཅེས་པའི་བརྩམས་སྒྲུང་རིང་མོ་འདིའི་སྟོད་སྨད་གཉི་ག་འགྲེམ་སྤེལ་བྱེད་པའི་དཔྱད་གླེང་ཚོགས་འདུའི་ནང་དོན་དང་འབྲེལ་ཏེ། ཟུར་མི་འདྲ་བའི་སྒོ་ནས༼ཀླུ་འབུམ་མི་རྒོད༽ཀྱི་ངོས་ཐད་མི་སྣ་གསུམ་ལ་བཅར་འདྲི་བྱས་ཡོད། བཅར་འདྲི་བྱེད་ཡུལ། ༼ཀླུ་འབུམ་མི་རྒོད༽ཅེས་པའི་བརྩམས་སྒྲུང་གི་རྩོམ་པ་པོ་རྒན་ནག་པོ་སྐལ་བཟང་ལགས། མཚོ་སྔོན་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་གཞོན་པའམ། མཚོ་སྔོན་མི་རིགས་སློབ་གྲྭ་ཆེན་མོའི་ཞིབ་འཇུག་སློབ་མའི་མཛུབ་སྟོན་དགེ་རྒན་གཅོད་པ་དོན་འགྲུབ་ལགས། དེ་མིན་བོད་ཀྱི་གར་ཆུང་སྒྱུ་རྩལ་པ། སྙན་ངག་པ། བརྙན་འཕྲིན་ཟློས་གར་དང་གློག་བརྙན་འཁྲབ་ཁྲིད་པ། དེ་མིན་སྐད་སྦྱོར་བཅས་ཡིན་པའི་སྐུ་ཞབས་ཞི་བདེ་ཉི་མ་ལགས་བཅས་ཡིན། གཞན་ངག་འཕྲིན་གཞོན་ནུའི་སེམས་སྒྲའི་ནང་དུ་སློབ་མའི་དབྱར་གན
