དེ་རིང་གི་ལེ་ཚན་འདི་ཚན་པ་གཉིས་སུ་བཀར་ཡོད། ཚན་པ་དང་པོ་སློབ་རའི་གསར་འགྱུར་སྐུད་ལམ་ནང་དུ་རྭ་རྒྱ་ཤེས་རིག་ནོར་བུའི་སློབ་གླིང་གི་སློབ་རའི་གསར་འགོད་པ་རྟ་མགྲིན་ཐར་དང་ནུབ་བྱང་མི་རིགས་སློབ་གྲྭ་ཆེན་མོའི་སློབ་རའི་གསར་འགོད་པ་དབང་ཕྱུག དེ་མིན་མཚོ་སྔོན་དགེ་ཐོན་སློབ་ཆེན་ཟི་ཁྲོན་ཡན་ལག་སློབ་ཁུལ་གྱི་སློབ་རའི་གསར་འགོད་པ་རིན་ཆེན་ནོར་བུ་གསུམ་གྱིས་གཟའ་འཁོར་གཅིག་འདས་པའི་རིང་གི་སློབ་རའི་གསར་འགྱུར་འགའ་ཚང་མའི་སྙན་ལམ་དུ་སྒྲོན་ཡོད་ལ། ཚན་པ་གཉིས་པ་ང་ཡི་ལང་ཚོའི་རྨི་ལམ་ནང་དུ་ཕ་ཡུལ་ཡུན་ནན་རྒྱལ་ཐང་ནས་ཡིན་པའི་སློབ་གཉེར་བ་བཀྲ་ཤིས་བདེ་ལེགས་ཀྱིས་རང་ཉིད་ཀྱི་སྒྱུ་རྩལ་འཚོལ་སྙེག་གི་གཏམ་རྒྱུད་དང་འབྲེལ་ཏེ་དམངས་གཞས་སྙན་མོ་ཞིག་ཚང་མར་ལེགས་སྐྱེས་སུ་ཕུལ་ཡོད།