དེ་རིང་གི་ལས་རིམ་འདི་ཚན་ཆུང་གཉིས་སུ་བཀར་ཡོད། ཚན་པ་དང་པོ༼སློབ་གསོ་མཁས་བརྒྱའི་དཔྱད་གླེང༽ནང་དུ་མཚོ་སྔོན་དགེ་ཐོན་སློབ་ཆེན་གྱི་སློབ་གཙོ་རྒན་རྒྱ་ཡེ་བཀྲ་བྷོ་ལགས་སྐུད་ལམ་དུ་གདན་ཞུ་བྱས་ནས། མཚོ་སྔོན་དགེ་ཐོན་སློབ་ཆེན་གྱི་ད་ལོའི་དགུན་གནང་སྐབས་སུ་སྤེལ་བའི་སྒྲ་སྙན་ཟབ་སྦྱོང་འཛིན་གྲྭའི་གནས་ཚུལ་དང་སྦྲགས་ཏེ༼སྒྲ་སྙན་རིག་གནས་ཀྱི་རིན་ཐང་དང་དེའི་དགེ་མཚན་སྐོར་གླེང་བ༽ཞེས་པའི་བརྗོད་གཞི་ཞིག་བཀོད་སྒྲིག་བྱས་ཡོད། ཚན་པ་གཉིས་པ༼ང་ཡི་ལང་ཚོའི་རྨི་ལམ༽ནང་དུ་མཚོ་སྔོན་སྒྱུ་རྩལ་སློབ་གླིང་ནས་སློབ་མཐར་ཕྱིན་ཞིང་མིག་སྔར་ཁ་བ་ཅན་གློག་བརྙན་ཀུང་ཟིའི་ནང་སྒྲ་ལེན་དང་སྒྲིག་བཟོའི་སྐོར་ནས་བྱ་བ་བྱེད་ཀྱིན་པའི་གསར་སྐྱེས་གླུ་བ་ཤེས་རབ་གཅོད་པ་ལགས་ཀྱིས༼ཨ་མ༽ཞེས་པའི་གཞས་ཡག་པོ་ཞིག་རྒྱ་ཆེའི་གསན་མཁན་རྣམ་པའི་སྙན་ལམ་དུ་ཕུལ་ཡོད།