ཐེངས་འདིའི་ལེ་ཚན་ནང་དུ༼ཕ་མ་ལྟ་བུའི་དགེ་རྒན་གྱི་བཀའ་དྲིན་དྲན་པ་དང་ཕ་ཁྱིམ་ལྟ་བུའི་སློབ་ར་གླེང་བ༽ཞེས་པའི་ཆེད་སྒྲིག་ལེ་ཚན་གྱི་ཁག་དང་པོ་བཀོད་སྒྲིག་བྱས་ཡོད་ལ། གདན་ཞུའི་ཡུལ་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་རྟ་བྲག་དྭ་ཕྲུག་སློབ་གྲྭ་དང་གདན་ཞུའི་སྐུ་མགྲོན་སློབ་གྲྭ་དེའི་དམའ་གསུམ་འཛིན་གྲྭའི་སློབ་གྲོགས་དཔལ་འཚོ་དང་པ་སངས་སྒྲོལ་མ། ཆོས་ཉིད་སྒྲོན་བཅས་ཡིན། ཆེད་སྒྲིག་ལེ་ཚན་དེ་ཚན་ཆུང་གསུམ་དུ་བཀར་ཡོད་ལ་ཚན་པ་དང་པོ་སློབ་རའི་གསར་འགྱུར་སྐུད་ལམ་གྱི་ནང་དུ་སློབ་གྲོགས་དཔལ་འཚོ་ཡིས་ཐོག་མར་རང་སློབ་གྲྭ་འཚམས་སྦྱོར་དང་རྗེས་སུ་དམའ་གསུམ་འཛིན་གྲྭའི་སློབ་གྲོགས་ཡོངས་ཀྱི་དགུན་གནང་སྐབས་ཀྱི་མཐོང་ཐོས་མྱོང་གསུམ་བཤད་ཡོད། ཚན་པ་གཉིས་པ་ང་ཡི་ལང་ཚོའི་རྨི་ལམ་གྱི་ནང་དུ་སློབ་གྲོགས་པ་སངས་སྒྲོལ་མས་རང་གི་འདས་སོང་གི་ལོ་ཟླ་ལ་ཕྱིར་མིག་དང་རང་ཉིད་དྭ་ཕྲུག་དུ་ལུས་པའི་སྐྱོ་སྡུག་གི་ལོ་ཟླ་དེ་ལས་བསྐྱེད་པའི་རང་གི་མ་འོངས་ཀྱི་ཕུགས་བསམ་གླེང་ཡོད། ཚན་པ་གསུམ་པ་ངག་འཕྲིན་གཞོན་ནུའི་སེམས་སྒྲ་ནང་དུ་སློབ་གྲོགས་ཆོས་ཉིད་སྒྲོན་གྱིས་དྭ་ཕྲུག་ཞིག་གི་ནང་སེམས་དང་ཕྱིའི་ཁོར་ཡུག་གི་དཀའ་སྡུག་དང་འཚོ་སྟངས་དེ་ལས་ཐར་བའི་རང་ཉིད་ཀྱི་སེམས་བྱུང་དེས་བསྐྱེད་པའི་བློ་སྤོབས་དང་ཡིད་ཆེས་གླེང་ཡོད།