ཐེངས་འདིའི་ལེ་ཚན་ནང་དུ་སློབ་རའི་འགྱུར་ཁུགས་ཀྱི་ཚན་པ་གཉིས་བཀོད་སྒྲིག་བྱས་ཡོད་ལ། ཚན་པ་དང་པོ་སློབ་གསོ་མཁས་བརྒྱའི་དཔྱད་གླེང་གི་ནང་དུ་ཀླུ་ཚང་དགོན་པ་ནས་འཆད་རྩོད་རྩོམ་པའི་ལས་ལ་འབད་ཅིང་ད་ལྟ་མཚོ་ལྷོ་བོད་རིགས་རང་སྐྱོང་ཁུལ་ཐུན་ཏེ་རྫོང་མི་རིགས་སློབ་འབྲིང་དང་པོ་དང་གཉིས་པ་ན་ཚད་མ་རིག་པའི་དཔེ་ཁྲིད་གནང་བཞིན་པའི་དགེ་རྒན་ཐབས་མཁས་སྐུད་ལམ་དུ་གདན་ཞུ་བྱས་ཏེ་དགོན་སྡེའི་སློབ་གསོ་དང་སློབ་རའི་སློབ་གསོ་གཉིས་ཀྱི་ཀུན་སྤྱོད་སློབ་གསོ་ཞིབ་བསྡུར་སྒོས་འཆད་ཁྲིད་གནང་ཡོད། ཚན་པ་གཉིས་པ་ང་ཡི་ལང་ཚོའི་རྨི་ལམ་གྱི་ནང་དུ་ཉན་མཁན་རྣམ་པའི་ཁ་པར་སྣེ་ལེན་བྱས་ཡོད།

     གདན་ཞུའི་སྐུ་མགྲོན་ཏེ་དགེ་རྒན་ཐབས་མཁས་ནི་རབ་བྱུང་བཅུ་བདུན་པའི་མེ་ཕོ་འབྲུག་ལོ་ལ་བོད་ཀྱི་རུས་ཆེན་དམུ་ཚ་སྒའི་རིགས་རྒྱུད་ལས་མཆེད་པའི་བདུད་ཤུལ་ཀླུ་ཚང་རུ་མང་སྡེ་བར་སྐུ་འཁྲུངས་ཤིང་། ཆུང་དུས་སུ་རུ་མང་སློབ་གྲྭ་དང་ཀོས་ནན་རྫ