ཐེངས་འདིའི་ལས་རིམ་ཚན་པ་གསུམ་དུ་བཀར་ཡོད།  དེ་རིང་གཟའ་མཇུག་ཡིན་པས་ཆེད་དུ༼སློབ་རའི་གསར་འགྱུར་སྐུད་ལམ༽ཚན་པ་དང་པོར་བཀོད་སྒྲིག་བྱས་ཡོད།  ཚན་པ་གཉིས་པ༼ངག་འཕྲིན་གཞོན་ནུའི་སེམས་སྒྲའི༽ནང་དུ་མཚོ་སྔོན་མཐོ་རིམ་ལག་རྩལ་སློབ་གླིང་ན་སློབ་གཉེར་བྱེད་བཞིན་པའི་སློབ་གྲོགས་བསོད་ནམས་རྡོ་རྗེ་ལགས་ནས་གྲོ་ཚང་ས་ཆའི་གནས་བབ་ལ་དམིགས་ནས་བོད་ཀྱི་སྲོལ་རྒྱུན་སྔོག་འདོན་དང་འབྲེལ་བའི་སྙིང་གཏམ་ཁ་ཤོས་གླེང་ཡོད།  ཚན་པ་གསུམ་པ༼ང་ཡི་ལང་ཚོའི་རྨི་ལམ༽ནང་དུ་ཐེན་ཅིན་གློག་བརྡ་འཕྲིན་ལས་རིགས་ལག་རྩལ་སློབ་གླིང་གི་སློབ་རའི་གླུ་བ་ཚེ་རིང་རྡོ་རྗེ་ལགས་རྨི་ལམ་དང་འབྲེལ་ནས་ཁ་བརྡ་བྱས་ཡོད་པར་མ་ཟད། ལྷན་སྐྱེས་ཀྱི་སྐད་ངག་ལ་བརྒྱུས་པའི་གཞས་སྙན་མོ་འགའ་རྒྱ་ཆེའི་གསན་མཁན་ལྷན་རྒྱས་ཀྱི་སྙན་ལམ་དུ་ཕུལ་ཡོད།