ཐེངས་འདིའི་གཟའ་མཇུག་གི་སློབ་རའི་འགྱུར་ཁུགས་ཀྱི་ཚན་པ་དང་པོ་སློབ་རའི་གསར་འགྱུར་སྐུད་ཀྱི་ནང་དུ་མཚོ་སྔོན་དགེ་ཐོན་སློབ་ཆེན་གྱི་སློབ་རའི་གསར་འགོད་པ་ཡུམ་ཆུང་སྒྲོལ་མ་དང་ནུབ་བྱང་མི་རིགས་སློབ་ཆེན་གྱི་སློབ་རའི་གསར་འགོད་པ་སྒྲོལ་དཀར་སྐྱིད་གཉིས་སྐུད་ལམ་དུ་ཞུགས་ནས་གཟའ་འཁོར་གཅིག་རིང་གི་རང་སློབ་གྲྭའི་གསར་འགྱུར་ཐད་བཤད་བྱས་ཡོད་ལ།  གཞན་ཚན་པ་གཉིས་པ་ང་ཡི་ལང་ཚོའི་རྨི་ལམ་གྱི་ནང་དུ༼ངའི་བྱིས་དུས་ཀྱི་འཚོ་བ༽ཞེས་པའི་གླེང་གཞི་བཀོད་སྒྲིག་བྱས་ཏེ་ནུབ་བྱང་མི་རིགས་སློབ་ཆེན་གྱི་སློབ་གྲོགས་ཁ་སྒང་དབང་ཕྱུག་དང་མཚོ་སྔོན་མི་རིགས་སློབ་ཆེན་གྱི་སློབ་གྲོགས་གནམ་ལྷ་བཀྲ་ཤིས་གཉིས་ཀྱིས་ལེ་ཚན་ཐད་གཏོང་ཁང་གི་སྐུད་ལམ་དུ་གདན་ཞུ་བྱས་ཡོད།

སློབ་རའི་གསར་འགྱུར་སྐུད་ལམ་དང་འབྲེལ་ཡོད་པར།

ཐེངས་འདིའི་གཟའ་འཁོར་ནང་དུ་ནུབ་བྱང་མི་རིགས་སློབ་ཆེན་དུ༼རང་མོས་གླེང་རྟགས༽ཤིག་སྤེལ་བ་མ་ཟད།    དགེ་རྒན་མཁའ་འབུམ་རྒྱལ་ལགས་གདན་ཞུ་བྱས་ཏེ༼འཆད་ཁྲིད༽གནང་།