བཙུན་ཐར་རྒྱལ་ནི་རེབ་གོང་ཐོ་ཀྱཱ་གྲོང་རྡལ་སྟག་ཡན་སྡེ་བའི་ཞིང་བ་དཀྱུས་མ་ཞིག་ཡིན་པ་དང་། ཆུང་དུས་སློབ་གྲྭར་ལོ་འགར་ཞུགས་ཀྱང་། སྐབས་དེ་ནི་ལོ་བཅུའི་གོད་ཆག་ལ་འཁེལ་བས་ཕྱིར་ཁྱིམ་དུ་ལོག་ནས་སྡེ་དམངས་མཉམ་ལས་ཀྱི་ཞིང་རྨོའི་ལས་ཀར་ཞུགས་ནས་རིག་གནས་སློབ་པའི་སྐལ་བ་ཡོངས་སུ་ཤོར།

དུས་རབས་སྔོན་མའི་ལོ་རབས་བརྒྱད་ཅུ་བའི་དུས་མཇུག་ནས། ཁོས་རྒྱ་རིགས་གྲོགས་པོ་སྐོར་ཞིག་དང་འགྲོགས་ནས་ཕྱི་ལ་ཞོར་ལས་སུ་སོང་སྟེ་ཡོང་སྒོ་མི་ཉུང་བ་ཞིག་བཙལ་བས་ཁྱིམ་ཚང་གི་འཚོ་བའི་ཆུ་ཚད་ཅུང་ཙམ་ཇེ་བཟང་དུ་སོང་བ་དང་། དེ་དུས་སྡེ་བའི་ནང་ཕྱི་ལ་ཞོར་ལས་སུ་འགྲོ་བའི་སྲོལ་མེད་ནའང་། ཁོས་ཁྱིམ་ཚང་གི་འཚོ་བ་ཇེ་ལེགས་སུ་བཏང་ཞིང་ཁང་རྙིང་གསར་དུ་ལས་ཐུབ་པ་བྱུང་བས། སྡེ་མི་སྐོར་ཞིག་ཁོས་རྗེས་དེད་ནས་ཞོར་ལས་སུ་འགྲོ་མཁན་བྱུང་མོད། སྐབས་དེར་ཞོར་ལས་བྱེད་ས་མང་པོ་མེད་པའི་ཁར་ཉམས་མྱོང་མེད་ན་ལས་ཀ་ཞིག་བཙལ་རྒྱུ་ནི་ཧ་ཅང་དཀའ་མོ་རེད།

ཁོས་དུས་རྒྱུན་རྒྱ་རིགས་གྲོགས་པོ་འགའ་དང་མཉམ་དུ་ལས་ཀའི་འགན་གཙང་ལེན་བྱེད་པའི་སྐོར་གྱི་ཉམས་མྱོང་ལ་རྒྱུས་ལོན་ལེགས་པོ་བྱས་ཏེ། རང་གི་འཛུགས་སྐྲུན་རུ་ཁག་བཙུགས་ནས་སྡེ་བའི་ནང་གི་གསར་བུ་མང་པོ་ཕྱི་ལ་ཞོར་ལས་སུ་ཁྲིད་པ་དང་། 1994ལོ་ནས་བཟུང་། སྔ་ཕྱིར་ལོ་བཅུ་