སྔོ་ཚོད་ཀྱི་རིགས་དང་ཤིང་ཏོག་ལ་ཚི་སྣའི་རྒྱུ་ཕུན་སུམ་ཚོགས་པས་མི་ལུས་ལ་ངེས་པར་དུ་མཁོ་བའི་བཟའ་བཅའ་ཡིན། ལུགས་མཐུན་ཚད་ཡོད་སྒོས་བསྟེན་ན་ལུས་ཕུང་བདེ་ཐང་ལ་ཕན་ཐོགས་ཆེ། ཚི་སྣའི་རྒྱུ་འཇུ་ལམ་བརྒྱུད་སྐབས་ཆུ་བསྡུ་ལེན་བྱས་པས་གཏོས་ཆེ་རུ་གྱུར་ཏེ་ཕོ་རྒྱུ་སྒུལ་ཅིང་། ཕོ་རྒྱུ་འགུལ་བ་ཡིས་འཚོ་བཅུད་བསྡུ་ལེན་དང་འཇུ་བ། དེ་བཞིན་སྙིགས་མ་ཕྱི་འདོན་བཅས་ཀྱི་ནུས་པ་ཆེ་རུ་གཏོང་ཐུབ་པས་བཟང་ངོ། གཞན་ཡང་ཚི་སྣའི་རྒྱུ་ཡིས་བཟའ་བཅའི་ནང་གི་འཇུ་མི་ཐུབ་པའི་གྲུབ་ཆ་ཁ་ཤས་དང་། འཇུ་ལམ་ནང་གི་ཟགས་དངོས། རྒྱུ་མའི་འབུ་ཕྲ། ལུས་ཕུང་དུ་རྙིང་དོར་བྱས་པའི་ལུས་གནོད་སྙིགས་རོ་དག་ཕྱོགས་གཅིག་ཏུ་བསྡུས་ཏེ་བཤང་གཅི་རུ་བསྒྱུར་ནས་ཕྱིར་འབུད་བྱེད་པས་ཚི་སྣའི་རྒྱུ་ནི་མིའི་རྒྱུ་མའི་ནང་གི་གཙང་སྦྲ་མཁན་ལྟ་བུ་ཡིན།
བཤང་འགག་ནི་རྒྱུན་མཐོང་གི་ནད་གཞི་ཞིག་སྟེ། རྒྱུན་བསྟེན་བཟའ་བཅའི་ནང་ཚི་སྣའི་རྒྱུ་ཉུང་བའམ་དཀོན་པ་ནི་བཤང་འགག་འབྱུང་བའི་རྒྱུ་རྐྱེན་གཙོ་ཤོས་ཤིག་ཡིན། འབྲས་དང་གྲོ་ཕྱེ། ཤའི་རིགས། ལྕགས་ཀྲིན་སོགས་ཞིབ་བཟོ་བྱས་པའི་ཟས་རྒྱུན་སྤྱོད་བྱེད་པའི་མི་དང་། སོའི་ནུས་པ་ཉམས་པའི་མི་རྒན་པ་དག་ལ་ནད་འདི་ཕོག་སླ། བཤང་འགག་ཕོག་པའི་ནད་པ་ཡིས་ཚི་སྣའི་རྒྱུ་ཅུང་མང་བའི་ཤིང་ཏོི
