རང་ཞིང་གི་ནད་པའི་གནས་ཚུལ་དང་འཆི་རྐྱེན་ལ་རྟོག་དཔྱོད་བྱས་པའི་གནས་ཚུལ་ལྟར་ན། དབུགས་ལམ་མ་ལག་གི་ནད་ཀྱི་སྤྱིའི་འབྱུང་ཚད་བརྒྱ་ཆའི་བཅུ་དྲུག་ལྷག་ཡིན་པ་དང་ནད་རིགས་འབྱུང་ཚད་ཀྱི་ཨང་དང་པོ་རེད། ནད་རིགས་སྤྱིའི་འཆི་ཚད་ཀྱི་ཨང་གཉིས་པ་ཡིན་ལ། ནང་ལོགས་ས་ཁུལ་ལས་ལྡབ་འགྱུར་གྱིས་མཐོ། འདི་ལས་དབུགས་ལམ་མ་ལག་གི་ནད་རིགས་ཀྱིས་མཐོ་སྒང་མི་རྣམས་ལ་གནོད་འཚེ་སྐྱེལ་བ་ཉིན་རེ་ལས་ཉིན་རེར་ཚབས་ཆེན་དུ་འགྲོ་བཞིན་པ་གསལ་བོར་མཚོན་ཐུབ།
ནད་ཐོག་མངོན་ཚུལ།
གཅིག མྱུར་ལངས་རང་བཞིན་གྱི་དབུགས་ལམ་གོང་མའི་གཉན་ཚད། མྱུར་ལངས་རང་བཞིན་གྱི་དབུགས་ལམ་གོང་མའི་གཉན་ཚད་ཀྱི་ནད་རྟགས་གཙོ་བོ་ནི་ཚ་རྒྱས་པ་དང་མིད་པ་སྐམ་པ། ཟ་འཕྲུག་ལངས་བ། སྣ་འཚུབ་པ། སྣ་ཆུ་བཞུར་བ། ལུ་བ། སྐད་འགག་པ། ཕོ་བ་འཁྱག་པ། རྩ་འགག་པ་བཅས་ཡིན།
གཉིས། དལ་ལངས་རང་བཞིན་གྱི་གློ་ཡུའི་ཡན་ལག་གཉན་ཚད། རྒྱུན་མཐོང་གི་ནད་རྟགས་ནི་ལུ་བ་དང་ལུད་པ་མང་པ། དབུགས་འཚང་བ། གཉན་ཚད་རྒྱས་པ་ཡིན། དུས་ཡུན་རིང་བོར་འཕར་བ་དང་ལུ་བ་ནི་ནད་རྟགས་ཆེས་གཙོ་བོ་ཡིན།
གསུམ། དལ་ལངས་རང་བཞིན་གྱི་གློ་བའི་རླུང་སྐྲངས། དེ་ནི་གློ་ཡུའི་གཉན་ཚད་འཕར་བ་ལས་འབྱུང་བ་དང་། གློ་ཡུའི་ཡན་ལག་དབུགས་འཚང
