ད་ལོར་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་གྱིས་གློ་བུར་རང་བཞིན་གྱི་སྤྱི་པའི་འཕྲོད་བསྟེན་དོན་རྐྱེན་ལ་བབ་བསྟུན་བཀོད་འདོམས་ནང་རྐྱེན་བཙུགས་ཏེ། གྲོན་དངུལ་གཏོང་ཚད་ཇེ་མང་དུ་བཏང་བ་དང་། འཕྲིན་གསར་དྲ་རྒྱའི་མ་ལག་འཛུགས་སྐྲུན་འཐུས་ཚང་དུ་བཏང་ཏེ། གློ་བུར་རང་བཞིན་གྱི་སྤྱི་པའི་འཕྲོད་བསྟེན་དོན་རྐྱེན་དུས་ཐོག་ཏུ་ཡར་ཞུ་བྱས་ཚད་དང་། ཐག་གཅོད་བྱས་ཚད་སོགས་བརྒྱ་ཆའི་བརྒྱ་ལ་བསླེབས། འགོས་ནད་འགོག་བཅོས་དྲ་རྒྱའི་ཕྱོགས་བསྡུས་དངོས་སྦྱོང་བྱས་ཏེ། མང་ཚོགས་ཀྱི་བདེ་ཐང་ལ་གནོད་པ་ཡོད་པའི་འགོས་ནད་རིགས་ལྔ་ལ་ཕྱོགས་བསྡུས་འགོག་བཅོས་བྱས་ཤིང་། ནད་རིགས་ཆེད་དུ་འགོག་བཅོས་བྱེད་པའི་ཐབས་ཇུས་ལག་བསྟར་བྱས་ཚད་བརྒྱ་ཆའི་བརྒྱ་ལ་བསླེབས། ཁུལ་དེས་ད་དུང་རྒྱལ་ཁབ་ཀྱི་རིམས་འགོག་འཆར་གཞི་ཁྱོན་ཡོངས་ནས་ལག་བསྟར་བྱས་ཏེ། ལོ་ཚད་ལོངས་བའི་བྱིས་པར་རིམས་འགོག་སྨན་ཁབ་བརྒྱབ་ཚད་བརྒྱ་ཆའི་དགུ་ཅུ་ལ་བསླེབས། དུས་མཚུངས་སུ་རྒྱལ་གཅེས་འཕྲོད་བསྟེན་ལས་འགུལ་གཏིང་ཟབ་ཏུ་སྤེལ་ཏེ། ཧུར་ཐག་གིས“འཕྲོད་བསྟེན་རྫོང་མཁར”དང“འཕྲོད་བསྟེན་ཞང་གྲོང” “འཕྲོད་བསྟེན་སྡེ་བ”“འཕྲོད་བསྟེན་སློབ་གྲྭ”“དུ་འཐེན་མེད་པའི་ལས་ཁུངས”བཅས་གསར་འཛུག
