“4.14”ཡུས་ཧྲུའུ་ས་འགུལ་གྱི་གནོད་འཚེ་རྗེས་སུ། ཡུས་ཧྲུའུ་བོད་རིགས་རང་སྐྱོང་ཁུལ་འཕྲོད་བསྟེན་ཅུའུ་ཡིས་དུས་ཐོག་ཏུ་གནོད་སེལ་རིམས་འགོག་དང་སྨན་བཅོས་རོགས་སྐྱོར་ཇུས་གཞི་ལག་བསྟར་བྱས་ཏེ། ཁུལ་ཡོངས་ཀྱི་འཕྲོད་བསྟེན་ཁོངས་གཏོགས་ཀྱིས་སྟོབས་ཤུགས་ཡོད་དགུས་གནད་འགོག་གནོད་སེལ་བྱ་བ་སྤེལ་མགོ་བརྩམས། ཞིང་ཆེན་ཕྱི་ནང་གི་འཕྲོད་བསྟེན་ཁོངས་གཏོགས་དང་རྒྱལ་ཁབ་ཀྱི་སྨན་བཅོས་རོགས་སྐྱོར་ཀྱི་ཆེད་མཁས་པའི་དཔུང་སྡེ་དང་སྨན་བཅོས་ཡོ་བྱད་ཀྱི་རོགས་སྐྱོར་ཐོབ་པའི་དུས་མཚུངས་སུ། ཁུལ་ཡོངས་ཀྱི་ཆེད་ལས་མི་སྣ་ལྔ་བརྒྱ་ལྷག་རྩ་འཛུགས་བྱས་ཏེ་སྨན་བཅོས་སྲོག་སྐྱོབ་ཡན་ལག་རུ་ཁག་ཆུང་བ་འགའ་བཙུགས་ནས། ཞིང་ཆེན་ཕྱི་ནང་གི་འཕྲོད་བསྟེན་རོགས་སྐྱོར་རུ་ཁག་དང་མཉམ་དུ་ཧུར་ཐག་གིས་སྨན་བཅོས་རོགས་སྐྱོར་བྱ་བ་སྤེལ་ཏེ། གནོད་འགོག་གནོད་སེལ་གྱི་སྨན་བཅོས་མྱུར་སྐྱོབ་བྱ་བར་བྱས་རྗེས་ཆེན་པོ་བཞག
མིག་སྔའི་བར་དུ་ཁུལ་སྤྱི་པའི་འཕྲོད་བསྟེན་ཞབས་ཞུ་ལྟེ་གནས་དང་ཁུལ་བོད་སྨན་ཁང་གཉིས་ཀྱི་བཟོ་སྐྲུན་གཙོ་བོ་ལས་འགྲུབ་བྱུང་བ་དང་། གནོད་ཤུལ་རྗེས་ཀྱི་བསྐྱར་འཛུགས་ལས་གཞི་གཞན་པ་རྣམས་བདེ་བླག་ངང་སྤེལ་བཞིན་ཡོད།
ལོ་ཙཱ་བ། སྒྲོལ་མ་སྐྱིད།