ཟླ་ལྔ་བའི་ཚེས་དགུའི་ཉིན་གྱི་ཕྱི་དྲོར། ཞང་གང་གི“བདེ་ཐང་མགྱོགས་བཞུད་སྨན་བཅོས་རུ་ཁག”རང་ཞིང་གི་ལོ་ཏུའུ་རྫོང་དུ་བདེ་བླགས་ངང་ཐོན། འཆར་གཞི་ལྟར་ན་ཁོ་ཚོས་དུས་ཡུན་ཟླ་ངོ་གསུམ་གྱི་རིང་ལ། མིག་ནད་སྐྱ་འགྲིབ་བྱུང་ཡོད་པའི་ནད་པ་སྟོང་གཅིག་ཙམ་ལ་གཤགས་བཅོས་བྱེད་རྒྱུ་རེད།
“བདེ་ཐང་མགྱོགས་བཞུད་སྨན་བཅོས་རུ་ཁག”ནི་མིག་ནད་སྐྱ་འགྲིབ་བྱུང་ཡོད་པའི་ནད་པར་རིན་མི་ལེན་པར་གཤགས་བཅོས་བྱེད་པར་ཆེད་དུ་ཇུས་འགོད་བྱས་ནས་བཟོ་སྐྲུན་བྱས་པའི་སྒྲིག་ཆས་ཆ་ཚང་བའི་མིག་ནད་ཚན་ཁག་གི་མགྱོགས་འཁོར་སྨན་ཁང་ཞིག་ཡིན། སྨན་བཅོས་རུ་ཁག་དེ 1999ལོ་ནས་བཟུང་སྔ་ཕྱིར་ཐེངས་ལྔར་རང་ཞིང་དུ་ཡོང་ནས་བསྡོམས་པས་མིག་ནད་སྐྱ་འགྲིབ་བྱུང་ཡོད་པའི་ནད་པ 5278 ཙམ་ལ་གཤགས་བཅོས་བྱས་ནས་ཡང་བསྐྱར་འོད་སྣང་མཐོང་དུ་བཅུག་པ་རེད། ད་ལོར་ཡང་རང་ཞིང་གིས་གདན་དྲངས་པ་ལྟར། ཞང་གང་གི“བདེ་ཐང་མགྱོགས་བཞུད་སྨན་བཅོས་རུ་ཁག”རང་ཞིང་དུ་ཡོང་ནས་ཟླ་ལྔ་བའི་ཚེས་ཉི་ཤུའི་ཉིན་ནས་བཟུང་མིག་ནད་སྐྱ་འགྲིབ་བྱུང་ཡོད་པའི་ནད་པ་རྣམས་ལ་རིན་མི་ལེན་པར་གཤགས་བཅོས་བྱེད་རྒྱུ་རེད། གཤགས་བཅོས་བྱེད་ཡུལ་ནི་ལྔ་སྐྱོང་ཁྱིམ་ཚང་དང་མཁར་གྲོང་གི་འཚོ་བའི་འགན་སྲུང་ཆེས་དམའ་བའི་ཁྱིམ་ཚང་ངམ་ཆེས་དབ