གསོ་རིག་གཞུང་ལུགས་ལྟར་ན། དབྱར་ཁ་ཚ་བ་ཆེ་དུས་མི་ལུས་ཀྱི་ནང་དྲོད་ཕྱི་ལ་བརྟོལ་ཡོད་པས་ཚལ་རིགས་དང་ཤིང་ཏོག་སོགས་དང་། སྲན་ལྗང་གི་ཁུ་བ། སྲན་དམར་འབྲས་དྭངས་སོགས་འཐུང་ན་བཟང་། དེང་རབས་གསོ་རིག་གི་ལྟ་བ་ལྟར་ན་ཡང་དབྱར་ཁ་ཚ་བ་ཆེ་བས་མི་རྣམས་ཀྱི་དབང་རྩ་དག་རྒྱུན་པར་དམ་པོར་གནས་ཤིང་། དབང་རྩ་ལ་བརྟེན་ནས་བཞུར་བའི་འཇུ་བྱེད་གཤེར་རྨེན་ཇེ་ཉུང་དུ་སོང་ཡོད་པ་མ་ཟད། ཚ་བ་ཆེན་པོས་ལུས་ཟུངས་རྙིང་བརྗེ་ཡི་མྱུར་ཚད་ཇེ་མཐོར་སོང་པས་རྙིང་ཚབ་གསར་བརྗེ་བྱེད་པར་ཞུགས་པའི་རྩི་རིགས་ཀྱི་རྫས་ཟད་པ་མང་། གཞན་ཡང་དབྱར་ཁ་ཆུ་མང་པོ་འཐུང་བས་ཕོ་བའི་སྐྱུར་ཁུ་ཇེ་ཉུང་དུ་སོང་བ་བཅས་ཀྱིས་དང་ག་འབྱེད་པར་གནོད་སྐྱེལ་འགྲོ་བ། དེའི་ཕྱིར་དབྱར་ཁར་གོང་དུ་བརྗོད་པའི་བཟའ་བཏུང་དེ་དག་བསྟེན་ན་ཚ་བའི་ནད་སྔོན་འགོག་བྱེད་པར་ཕན་ཐོགས་ངེས་ཡིན།
དེ་ཡང་གོང་གི་བཟའ་བཏུང་དེ་དག་བརྗོད་པ་ཙམ་གྱིས་དབྱར་ཁ་དཀར་ཟས་ཁོ་ན་ཟ་དགོས་ཞེས་པའང་མིན་ལ། ཁྱིམ་ཚང་ལ་ལས་དབྱར་ཁར་ཤའི་རིགས་མི་ཟ་བ་དེ་ནི་ནོར་འཁྲུལ་ཞིག་སྟེ། དབྱར་གཞུང་ལ་ཤའི་རིགས་ཅི་ཡང་མ་ཟོས་ན་ལུས་ཟུངས་སུ་དགོས་ངེས་ཀྱི་འཚོ་བཅུད་སྤྲི་དཀར་ཞེས་པའི་ཡོང་ཁུངས་འགག་པས་རང་ལུས་ལ་མི་ཕན་པས། སྐབས་རེར་ཤ་ཡང་ཉུང་ཙམ་ཟ་དགོས།
དབྱར་ཁ
