ཉེ་ལམ། ཞིང་ཆེན་ཏང་ཨུས་རྒྱུན་ལས་ཨུ་ཡོན་གྲོས་ཚོགས་བསྡུས་ཏེ། སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་བྱ་བ་སྔར་ལས་གཏིང་ཟབ་ཏུ་སྤེལ་བའི་སྐོར་གྱི་ཡར་ཞུར་ཉན་པ་དང་། «མཚོ་སྔོན་ཞིང་ཆེན་གྱི་སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་གཏིང་ཟབ་ཏུ་སྤེལ་བའི་ལག་བསྟར་བསམ་འཆར།»གྱི་མ་ཡིག་དང་དེའི་ཡིག་ཆའི་མ་ཡིག་ཆ་ཚང་ལ་གྲོས་བསྡུར་བྱས། ཞིང་ཆེན་ཏང་ཨུའི་ཧྲུའུ་ཅི་ཆང་ཝེ་ཡིས་གྲོས་ཚོགས་ལ་མགོ་འཛིན་བྱས།
གྲོས་ཚོགས་ནས་བསྟན་དོན། སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་ནི་བཅོས་བསྒྱུར་གལ་ཆེན་ཞིག་ཡིན་ལ། སྨན་རྫས་འཕྲོད་བསྟེན་སྒྲིག་སྲོལ་ནང་རྐྱེན་གྱི་ལེགས་སྒྲིག་ཆེན་པོ་ཐེངས་ཤིག་ཀྱང་ཡིན་པས། མི་དམངས་མང་ཚོགས་ཀྱི་རྩ་བའི་ཁེ་ཕན་ལ་འབྲེལ་བ་ཡོད། ཉེ་བའི་ལོ་འདི་འགར། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཀྲུང་དབྱང་དང་རྒྱལ་ཁབ་ཀྱི་ཐབས་ཇུས་བཀོད་སྒྲིག་ནན་ཏན་སྒོས་ལག་བསྟར་བྱས་ཏེ། སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་ལ་སྐུལ་འདེད་གཏོང་བའི་ཕྱོགས་སུ་ཧུར་ཐག་གིས་འཚོལ་ཞིབ་དང་ལག་ལེན་བྱས་ནས། གྲུབ་འབྲས་ངེས་ཅན་བླངས། ད་ལོ་ནི་སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་གྱི་མཁྲེགས་གཏོར་འཆར་གཞི་ལག་ལེན་ཏུ་བསྟར་བའི་ལོ་ཡི