ཟས་རིགས་སྣ་ཚོགས་ལ་རང་རང་གི་ཉར་འཇོག་བྱེད་སྟངས་ཀྱང་སྣ་ཚོགས་རེ་ཡོད་པས། ཞོལ་ནས་རྒྱུན་སྤྱོད་ཀྱི་ཟས་རིགས་འགའི་ཉར་འཇོག་བྱེད་ཐབས་སྐོར་ངོ་སྤྲོད་ཅིག་བྱེད།
མཚོ་ཐོན་ཟས་རིགས།
མཚོ་ཐོན་ཟས་རིགས་ཀྱང་རིགས་མི་གཅིག་པ་ལྟར་དུ་ཉར་འཇོག་བྱེད་སྟངས་ཀྱང་མི་གཅིག་སྟེ། དེའི་ནང་གི་ཉའི་རིགས་ལྟ་བུ་ལ་མཚོན་ན། ཉ་ཁྲབ་མི་བཤུས་པར་ཁོག་གི་རྒྱུ་ཉོག་བླངས་ནས་གཙང་མར་བཀྲུས་རྗེས་ཆུ་འཛར་དུ་འཇུག་དགོས་པ་དང་། དེ་ནས་ཤོག་བུ་གཙང་མས་བཏུམས་ནས་འཁྱག་སྒམ་ནང་དུ་བཞག་ཆོག
སྔོ་ཚོད་ཀྱི་རིགས།
སྔོ་ཚོད་ཀྱི་རིགས་ཉོས་ནས་ཁྱིམ་དུ་ཐོན་རྗེས་དེའི་སྟེང་གི་མི་གཙང་བ་དང་སྙིགས་མ་རྣམས་དོར་རྗེས། ཆུ་ཤོག་དང་ཡང་ན་ཤོག་ཁུག་ནང་དུ་བཅུག་ནས་འཁྱག་སྒམ་གྱི་ཅུང་འཁྱགས་པའི་གནས་ཏེ་བསིལ་སྒམ་ནང་དུ་ཉར་འཇོག་བྱེད་དགོས་ལ། འཇོག་ཡུན་ཉིན་གཉིས་ནས་གསུམ་ཡས་མས་མ་གཏོགས་འགོར་མི་རུང་།
སྔོ་ཚོད་དེ་བསིལ་སྒམ་ནང་དུ་འཇོག་སྐབས་ཀྱང་མཉམ་འཇོག་བྱེད་དགོས་ས་འགའ་ཡོད་དེ། ཐོག་མར་སྔོ་ཚོད་དེ་ཧ་ཅང་རློན་དྲགས་པའམ་ཡང་ན་སྐམ་དྲགས་མི་རུང་བར་མ་ཟད། ད་དུང་ཆུ་ཤོག་དང་ཤོག་ཁུག་ནང་དུ་འཇུག་སྐབས་ཁ་དམ་པོར་མི་གཅོད་པར་སེར་བུ་རྒྱུ་རུ་འཇུག་དགོས། དེ་ལས་གཞན་ཉར་འཇོག་བྱས་ཡོད་པའི་སྔོ་ཚོད་དེ་བསིལ་སྒམ་ལ
