ཅི་ཞིག་ལ་གནས་སྐབས་ཀྱི་སྤྱོད་ལམ་ཟེར་ཞེ་ན། ལུས་ལ་གནས་སྐབས་སམ་སྐབས་སྐབས་སུ་ཐུག་འཕྲད་འབྱུང་བའི་སྤྱོད་ལམ་དག་སྟེ། དཔེར་ན་བཀྲེས་སྐོམ་དངསྐྱུགས་པ། གཡལ་བ་དང་སྦྲིད་པ་ལ་སོགས་པ་ལྟ་བུ་ཡིན་ལ་གནས་སྐབས་ཀྱི་སྤྱོད་ལམ་ལ་བོད་ལུགས་གསོ་རིག་གི་གཞུང་ན་ཤུགས་བཀག་བཅུ་གསུམ་ཞེས་སྣ་ཁ་བཅུ་གསུམ་གྱི་སྒོ་ནས་བཤད་ཡོད་དེ། རེ་རེ་བཞིན་བགྲང་ན་གོང་ནས་བཤད་པའི་བཀྲེས་པ་དང་སྐོམ་པ། སྐྱུགས་པ་དང་གཡལ་བ། སྦྲིད་པ་བཅས་ཀྱི་སྟེང་དབུགས་ལེན་པ། གཉིད་དང་ལུད་པ། མཆི་མ། བཤང་བ། འཕྱེན། གཅིན། ཁུ་བ་བཅས་ཤུགས་ཀྱིས་བཀག་པ་ཡིན་ལ་དེ་རྣམས་འབྱུང་བའི་སྐབས་སུ་རང་དགར་གཏང་བ་ལས་ཤུགས་ཀྱིས་བཀག་ན་ལུས་ཕུང་ལ་ནད་འབྱུང་བར་འགྱུར་བ་ཡིན་མོད། མི་མང་པོ་ཞིག་གིས་དེ་དག་ལ་རྒྱུན་དུ་མཐོང་ཆེན་མི་བྱེད་པས་དེའི་སྐོར་ལ་གཟབ་དགོས་ཚུལ་ཅུང་ཙམ་བཤད་རྒྱུ་ཡིན།
༡. མི་སུ་ཡིན་ཡང་བཀྲེས་པའི་དུས་སུ་ཟས་བཟའ་བ་དང་སྐོམ་པའི་དུས་སུ་སྐོམ་ཆུ་བཏུང་བ་ནི་སུ་ལའང་བཤད་མི་དགོས་པའི་གནས་ལུགས་ཤིག་ཡིན་ཀྱང་བྱ་བ་སྣ་ཚོགས་ཀྱི་དབང་གིས་ཟ་མ་དུས་སུ་མི་ཟ་བའི་གནས་ཚུལ་ཧ་ཅང་མང་། གནས་སྐབས་ཀྱི་སྤྱོད་ལམ་འདི་ལ་རྒྱུན་དུ་དོ་སྣང་མ་བྱས་པའི་རྐྱེན་གྱིས
