གསར་འགོད་པས་མཚོ་སྔོན་ཞིང་ཆེན་སྲིད་གཞུང་ནས་རྒྱུས་ལོན་བྱུང་བ་ལྟར་ན། གཞི་རིམ་སྨན་བཅོས་འཕྲོད་བསྟེན་སྒྲིག་གཞིའི་ཕྱོགས་བསྡུས་བཅོས་སྒྱུར་སྔར་ལས་གཏིང་ཟབ་ཏུ་གཏོང་ཆེད། མཚོ་སྔོན་ཞིང་ཆེན་གྱིས2011ལོ་ནས་བཟུང་ཞིང་ཆེན་ཡོངས་ཀྱི་སྡེ་བའི་སྨན་པའི་ཁ་གསབ་རོགས་དངུལ་དེ་ལོ་རེར་སྡེ་བ་རེའི་འཕྲོད་བསྟེན་ཁང་གི་ཁ་གསབ་སྒོར་མོ་སྟོང་ལྔ་ནས་སྟོང་དྲུག་དེ་མི་རེར་ལོ་རེར་སྒོར་མོ་སྟོང་བརྒྱད་ལ་ཇེ་མཐོར་གཏོང་བའི་དུས་མཚུངས་སུ་སྡེ་བ་རེའི་འཕྲོད་བསྟེན་ཁང་གི་སྒོར་མོ་སྟོང་གཅིག་གི་ཚད་གཞི་ལྟར་དུ་ཆུ་དང་གློག དྲོད་རླངས་བཅས་ཀྱི་ཁ་གསབ་རོགས་དངུལ་སྟེར་རྒྱུ་དང་། ལས་གཉེར་ཆོག་པའི་སྨན་པ་དཀའ་བཅུ་བའི་ཐོབ་ཐང་ངམ་ཡང་ན་འབྲིང་རིམ་ཡན་གྱི་སློབ་སྦྱོང་གི་ལོ་རྒྱུས་ཡོད་པའི་སྡེ་བའི་སྨན་པར་ཡང་བསྐྱར་སྒོར་མོ་སྟོང་གཅིག་གི་ཁ་གསབ་བྱེད་རྒྱུ་ཐག་བཅད།
ཉེ་ལམ་འགྲེམ་སྤེལ་བྱས་པའི«མཚོ་སྔོན་ཞིང་ཆེན་གྱི་གཞི་རིམ་སྨན་བཅོས་འཕྲོད་བསྟེན་སྒྲིག་གཞིའི་ཕྱོགས་བསྡུས་བཅོས་སྒྱུར་བྱ་བའི་ཇུས་གཞི»ལྟར། མཚོ་སྔོན་གྱིས་2011ལོའི་ལོ་མཇུག་གི་བར་ཞིང་ཆེན་ཡོངས་ཀྱི་སྲིད་འཛིན་སྡེ་བའི་འཕྲོད་བསྟེན་ཁང་དེ་ཚད་གཞི་ཅན་དུ་འཛུགས་སྐྲུན་བྱེད་ཚད་བརྒྱ་ཆའི་བརྒྱ་ལ་བསླེབས་པར་བྱེད་རྒྱུའི་འཆར་གཞི་བཀོ
