ཅི་ཞིག་ལ་སྐྱེ་དངོས་ཀྱི་གྲུབ་རྫས་ཟེར།
སྐྱེ་དངོས་ཕྲ་རབ་དང་སྐྱེ་དངོས་ཕྲ་རབ་ཀྱི་ཚབ་རྫས། སྲོག་ཆགས་ཀྱི་དུག་རྫས། མིའམ་སྲོག་ཆགས་ཀྱི་ཁྲག་དང་གྲུབ་ཆ་སོགས་སྐྱེ་དངོས་རྫས་སྦྱོར་བྱེད་ཐབས་ལ་བརྟེན་ནས་གྲུབ་རྗེས། རིམས་ནད་ངེས་ཅན་ཞིག་སྔོན་འགོག་དང་སྨན་བཅོས། བརྟག་དཔྱད་བཅས་ཕྱོགས་སུ་བཀོལ་བའམ་ཡང་ན་དེ་དང་འབྲེལ་ཡོད་ཀྱི་ནད་ལ་བཀོལ་བའི་སྨན་རྫས་དེར་སྐྱེ་དངོས་ཀྱི་གྲུབ་རྫས་ཟེར།
འགོག་སྨན་གྱིས་སྔོན་འགོག་བྱེད་ཐུབ་པའི་ནད་ནི་སིབ་ནད་དང་བྱིས་པའི་སྦྲིད་ནད། ཉིན་བརྒྱའི་ལུ་ནད། གེག་ནད། རྨ་ངན་དུག་མཆེད། གློ་གཅོང་ནད། མཆིན་ཚད་ཁ་པ། འགྲམ་པའི་གཤེར་རྨེན་གཉན་ཚད། ཀླད་སྐྱིའི་གཉན་ཚད། ཀླད་སྐྱིའི་གཉན་ཚད་ཁ་པ་སོགས་ཡིན།
འགོག་སྨན་བརྒྱབ་ནས་རིམས་ནད་འགོག་སྐབས་དོ་སྣང་བྱེད་དགོས་ས་གང་དག་ཡོད།
གཅིག འགོག་སྨན་གྱི་རྒྱུ་སྤུས་ནི་ནད་འགོག་ཐུབ་མིན་གྱི་གཞི་རྩའི་ཆ་རྐྱེན་ཡིན་པས། ངེས་པར་དུ་དོ་སྣང་བྱེད་དགོས། འོད་ལ་འཛེམ་པ་དང་། དྲོད་ཚད་མཐོ་དྲགས་པ་དང་ཡང་ན་དྲོད་ཚད་དམའ་དྲགས་པའི་རྐྱེན་གྱིས་སྨན་གྱི་ནུས་བ་ཤོར་བར་གཟབ་དགོས། མིའི་ལུས་ལ་འགོག་སྨན་རྒྱབ་པ་ཇི་ལྟར་སྔ་ན་དེ་ལྟར་བཟང་།
གཉིས། འགོག་སྨན་རྒྱག་སྐབས་མི་རྣམས་ལྷན་ཅིག་ཏུ་འདུས་སའི་འོད་གསལ་བ
