ཉེ་ལམ། མཚོ་སྔོན་ཞིང་ཆེན་སྲིད་གཞུང་གིས་ཞིང་ཆེན་ཡོངས་ཀྱི་སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་བྱ་བའི་སྐུལ་འདེད་ཚོགས་འདུ་བསྡུས། གྲོས་ཚོགས་ནས་ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལེའོ་ཧོས་ཉིན་གྱིས་ཞིང་ཆེན་ཡོངས་ཀྱི་སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་བྱ་བ་གཏིང་ཟབ་ཏུ་སྤེལ་བའི་ཡར་ཞུའི་ཚོགས་འདུའི་སྟེང་གི་གཏམ་བཤད་ཀྱི་དགོངས་དོན་ལག་ལེན་དངོས་འབེབས་བྱས་པ་དང་། ཞིང་ཆེན་ཡོངས་ཀྱི་སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་གྱི་གོམ་རིམ་རྗེས་མའི་བྱ་བར་བཀོད་སྒྲིག་བྱས། ཧྲིན་ཀྲང་གཞོན་པ་མ་ཧྲོན་ཆིན་གྲོས་ཚོགས་སུ་ཞུགས་པ་མ་ཟད་གཏམ་བཤད།
མ་ཧྲོན་ཆིན་གྱིས་བཤད་རྒྱུར། ད་ལོའི་ཟླ་བདུན་པའི་ཟླ་མཇུག་གི་བར། རང་ཞིང་གིས་རྒྱལ་སྲིད་སྤྱི་ཁྱབ་ཁང་དང་མཉམ་དུ་མིང་རྟགས་བཀོད་པའི་སྨན་རྫས་འཕྲོད་བསྟེན་སྒྲིག་སྲོལ་བཅོས་སྒྱུར་དམིགས་འབེན་ལས་འགན་གྱི་བརྒྱ་ཆའི་ལྔ་བཅུ་ང་བཞི་ལྷག་ཡོངས་འགྲུབ་བྱས་ལ། དེའི་ནང་མཚོ་ནུབ་ཁུལ་དང་ཟི་ལིང་གྲོང་ཁྱེར་ས་ཁུལ་གཉིས་ཀྱི་སྤྱི་ཡོངས་ཀྱི་མྱུར་ཚད་བལྟོས་བཅས་ཀྱིས་ཅུང་མགྱོགས་པ་དང་། ཡོངས་འགྲུབ་བྱས་པའི་དམིགས་ཚད་ལ་བལྟས་ན། ལས་གཞི་ཉེར་གཉིས་སྔ་སྣུར་སྒོས་ཡོངས་འགྲུབ་བྱས། དེའི་ནང་རྣམ་པ་གསར་བའི་ཞིང་སྡེའི་མཉམ་ལས་