སྦྲུམ་མ་དང་སྦྲུམ་བུ་ལ་ཤུགས་རྐྱེན་ཡོད་པའི་གནོད་ལྡན་དངོས་རྫས་ནི་ཞ་དང་དངུལ་ཆུ། པིན་སོགས་བཟི་སྨན་རང་བཞིན་གྱི་རླངས་གཟུགས་དང་ཞིང་སྨན་སྣ་ཚོགས་ཡིན། དངོས་རྫས་འདི་དག་འདུས་ཡོད་པའི་དངོས་པོར་ང་ཚོས་དུས་རྒྱུན་དུ་རེག་ཐུག་བྱེད་བཞིན་ཡོད་དེ། དཔེར་ན་གློག་གཡིས་ལྟ་བུ་དང་འགྱིག་ཤོག་གི་ནང་དུའང་ཞ་འདུས་ཡོད་པ་རེད། འགྱིག་དང་ཚོན་རྩི། བཟོ་ལས་ཐད་བཀོལ་བའི་སྤྱིན། འབར་རྫས། ཀོ་བ་བཅས་ཀྱི་ནང་དུ་པིན་ཞེས་པའི་གནོད་ལྡན་རྫས་དེ་འདུས་ཤིང་། དྲོད་ཚད་འཇལ་ཆས་དང་ཁྲག་ཤེད་དཔྱད་ཆས། ཉི་འོད་གློག་ཞུ་བཅས་ལའང་དངུལ་ཆུ་འདུས་ལ། རླངས་འཁོར་གྱི་དུ་བའང་གནོད་ལྡན་དངོས་རྫས་ཡིན་པས་དེ་དག་ལ་སྦྲུམ་མས་འཛེམ་ན་བཟང་། དེ་ལས་གཞན་བཟོ་ལས་ཐོན་སྐྱེད་སོགས་ཀྱིས་བརྫད་སྐྱོན་ཐེབས་པའི་ཆུ་འཐུང་ནའང་སྦྲུམ་བུ་ལུས་སྐྱོན་ཅན་འབྱུང་བའི་ཉེན་ཁ་ཆེ་བ་ཡིན།
ཨ་མའི་རྒྱུ་རྐྱེན་གང་དག་གིས་བྱིས་པ་ལུས་སྐྱོན་ཅན་སྐྱེས་པ་ཡིན།
མངལ་སྦྲུམ་ཡོད་པའི་སྐབས་སུ་སྦྲུམ་མའི་ལུས་ཕུང་བདེ་ཐང་ཡིན་དགོས་པར་མ་ཟད། ཟས་ཟ་མའི་འཚོ་བཅུད་ལ་དོ་སྣང་བྱས་ན་སྦྲུམ་བུ་བདེ་ཐང་ངང་ལག་ཆགས་པར་ཕན། གལ་ཏེ་སྦྲུམ་མར་དུས་ཡུན་རིང་པོར་དབྱང་དབུགས་ཀྱིས་མི་འདང་བའམ་ཡང་ན་སྙིང་ནད་དམ་ཁྲག་ཤེད་ཞན་པ། ཕོ་བའི་འཇུ་སྟོབས་མི་བཟང་བ། འཚོ་བ
