སྦྲུམ་མས་ཉིན་རྒྱུན་ལོ་མའི་སྐྱུར་རྒྱུའི་སྨན་འཐུང་པ་དང་། ཡང་ན་ལོ་མའི་སྐྱུར་རྒྱུ་འདུས་པའི་འཚོ་བཅུད་བེ་ཧྲིན་སུའུ་རིགས་སྣ་ཚོགས་འཐུང་བ་ནི་ཕན་ནུས་ལྡན་པའི་བྱེད་ཐབས་ཆེས་ལེགས་ཤོས་ཤིག་ཡིན།
ལོ་མའི་སྐྱུར་རྒྱུ་འདུས་པའི་ཟས་རིགས་ནི་དཔེར་ན་ཕྱེ་དང་ལོ་ཏོག་རིགས་ཀྱིས་ལས་སྣོན་བྱས་པའི་ཟས་རིགས་ལྟ་བུ་རེད། ཨ་མེ་རི་ཁས་གོ་རེ་དང་འབྲས། ཐུག་པ་སོགས་ཕྱེ་དང་ལོ་ཏོག་རིགས་ཀྱིས་ལས་སྣོན་བྱས་པའི་ཟས་རིགས་ནང་དུ་ལོ་མའི་སྐྱུར་རྒྱུ་ངེས་ཅན་ཞིག་འདུས་དགོས་པའི་བླང་བྱ་བཏོན་ཡོད། དེང་སྐབས་རང་རྒྱལ་དུའང་ཕྱོགས་འདིར་ཞིབ་འཇུག་བྱེད་པའི་མགོ་བརྩམས་ཟིན།
ལོ་མའི་སྐྱུར་རྒྱུ་ཕུན་སུམ་ཚོགས་པའི་ཟས་རིགས་མང་དུ་ཟ་དགོས་ཏེ། དཔེར་ན། སྔོ་ཚོད་དང་། ཚ་ལུ་མའི་ཁུ་བ། སྟར་ཀ། བ་དམ། སྲོག་ཆགས་ཀྱི་མཆིན་པ་དང་མཁལ་མ། ད་དུང་སྒོ་ང་དང་སྲན་མའི་རིགས་སོགས་ཟ་དགོས།
ཟས་ཟ་མའི་སྡེབ་ཀ་ངེས་པར་དུ་དོ་མཉམ་ཡོང་དགོས་པ་དང་བཟའ་བཏུང་རོལ་སྟངས་ཐད་དུའང་གོམས་གཤིས་བཟང་པོ་ཞིག་ཆགས་པར་བྱེད་དགོས།
མངལ་སྦྲུམ་ནས་ཟླ་བ་ལྔ་ཙམ་འགོར་དུས་ད་གཟོད་ལོ་མའི་སྐྱུར་རྒྱུ་ཁ་གསབ་བྱས་ན་ཕན་ནུས་ཡོད་དམ་ཞེ་ན།
དུས་སྐབས་འདིར་ལོ་མའི་སྐྱུར་རྒྱུུ་ཁ་གསབ་བྱས་ན་སྦྲུམ་བུའི་དབང་རྩ་ཡ་མ་གཟུགས་སུ་
