མཚོ་སྔོན་ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་བསྒྲགས་པའི་གནས་ཚུལ་ལྟར་ན། སྔར་ལས་ལྷག་པའི་སྒོ་ནས་བོད་རིགས་འདུས་སྡོད་ས་ཁུལ་གྱི་མང་ཚོགས་ལ་སྨན་བཅོས་ཀྱི་ཞབས་ཞུ་འདོན་སྤྲོད་བྱེད་ཆེད། རྒྱལ་ཁབ་འབྲེལ་ཡོད་སྡེ་ཁག་གིས2011ལོར་བོད་རིགས་འདུས་སྡོད་ས་ཁུལ་གྱི་འཕྲོད་བསྟེན་ལས་གཞིའི་ཀྲུང་དབྱང་ནོར་སྲིད་ཀྱི་ཁྲོད་ནས་ཆེད་སྤྱོད་མ་དངུལ་སྒོར་མོ་དུང་ཕྱུར་གཅིག་བྱེ་བ་བདུན་ས་ཡ་དགུ་བཀོད་སྒྲིག་བྱས་ཏེ། མཚོ་སྔོན་བོད་རིགས་འདུས་སྡོད་ས་ཁུལ་གྱི་འཕྲོད་བསྟེན་གྱི་རྨང་གཞི་སྒྲིག་ཆས་ལེགས་བཅོས་བྱེད་པར་རྒྱབ་སྐྱོར་བྱས།
རྒྱུས་ལོན་བྱུང་བ་ལྟར་ན། མ་དངུལ་སྒོར་མོ་དུང་ཕྱུར་གཅིག་བྱེ་བ་བདུན་ས་ཡ་དགུ་དེ་གཙོ་བོ་ཟི་ལིང་གྲོང་ཁྱེར་དང་མི་རིགས་རང་སྐྱོང་ཁུལ་ཁག་གཅིག་གི་གཞུང་གཉེར་སྨན་ཁང་གི་སྨན་བཅོས་ཕྱོགས་བསྡུས་ཐོག་ཁང་དང་། མི་རིགས་རང་སྐྱོང་ཁུལ་ལྔའི་འཕྲོད་བསྟེན་ལྟ་སྐུལ་ཁང་དང་མི་རིགས་རང་སྐྱོང་ཁུལ་དང་རྫོང་རིམ་པའི་མི་དམངས་སྨན་ཁང་ཉེར་བརྒྱད་ཀྱི་མཐོ་གནོན་དབྱང་དབུགས་བརྟག་བཅོས་ཁང་སོགས་འཛུགས་སྐྲུན་བྱེད་པའི་ཐད་བཀོལ་རྒྱུ་ཡིན་ཞིང་། བྱེ་བྲག་གི་འཛུགས་སྐྲུན་ལས་གཞིའི་ནང་མཚོ་སྔོན་རྒྱ་གྲམ་དམར་པོ་སྨན་ཁང་གི་མྱུར་སྐྱོབ་སྒོ་བསྟེན་ཕྱོགས་བསྡུས་ཐོག་ཁང་དང་། མཚོ་ས