མཚོ་སྔོན་རྒྱ་གྲམ་དམར་པོ་སྨན་ཁང་གི་ཡོན་ཀྲང་ཀྲང་ཅན་ཆིན་གྱིས་ལག་ལེན་དངོས་ཀྱི་ཁྲོད་ནས་སྨན་ཁང་གི་མགོ་ཁྲིད་པས་ཆོད་སེམས་བརྟན་པོར་འཛུགས་པ་དང་སྨན་ཁང་གི་ལས་བཟོ་བ་ཡོངས་ལ་སྣེ་ཁྲིད་དེ་སྨན་བཅོས་རྒྱུ་སྤུས་མུ་མཐུད་དུ་ཇེ་མཐོར་བཏང་ནས་ནད་པའི་བདེ་སྲུང་ལ་ཁག་ཐེག་བྱེད་ཆེད། ཉེ་ཆར«ནད་པའི་བདེ་སྲུང་ལག་དེབ»ཅིག་དངོས་སུ་བྲིས་ནས་ཁོ་ཚོ་སྨན་ཁང་གི་ནད་པ་རྣམས་ཀྱི་ལག་ཏུ་བཀྲམས་པས་ནད་པའི་བདེ་སྲུང་ལ་ཁག་ཐེག་ངེས་ཅན་ཞིག་ཐོབ་ཡོད་པ་རེད། དེ་བས་གཤམ་དུ་ང་ཚོས«ནད་པའི་བདེ་སྲུང་ལག་དེབ»དེ་ལས“ནད་པའི་བདེ་སྲུང་ལ་ཐུགས་ཁུར་དང་ཚེ་སྲོག་གི་ཁུར་བོ་ལྕི་མོ་ཐེག་པ”ཞེས་པའི་ཡོན་ཀྲང་གི་འབོད་སྐུལ་ཅིག་ཁ་ཚང་དུ་འགོད་རྒྱུ།
ཐོག་མར། གོ་སྐབས་འདི་དང་བསྟུན་ནས་ཁྱེད་ཀྱིས་མཚོ་སྔོན་རྒྱ་གྲམ་དམར་པོ་སྨན་ཁང་ལ་ཡིད་ཆེས་དང་རྒྱབ་སྐྱོར་གནང་བར་ང་ཚོས་སྙིང་ཐག་པ་ནས་ཐུགས་རྗེ་ཆེ་ཞུ་བ་ཡིན་ལ། ཁྱེད་རྣམས་ང་ཚོ་སྨན་ཁང་དུ་ནད་བརྟག་སྨན་བཅོས་བྱེད་དུ་ཕེབས་པ་ནི་ང་ཚོའི་བྱ་བར་གདེང་འཇོག་དང་སྐུལ་མ་བྱེད་པ་ཡིན་པས། ང་ཚོས་ནུས་ཤུགས་ཡོད་རྒུས་ཁྱེད་དང་ཁྱེད་ཀྱི་གཉེན་ཉེ་གྲོགས་པོ་ཚོའི་ནད་གཞི་ཇེ་ཡང་དུ་གཏོང་བ་དང་མྱུར་དུ་ནད་ཀྱི་སྡུག་བསྔལ་ལས་སེལ་ཐབས་བྱེད་ངེས་ཡིན།
