ཇི་ལྟར་བྱས་ན་ཁྲག་ཤེད་དེ་ཉིན་ཧྲིལ་བོར་བཏང་སྙོམས་ཡོང་བར་བྱེད་ཐུབ་ཟེར་ན། ཁྲག་ཤེད་ཉིན་ཧྲིལ་བོར་བཏང་སྙོམས་ཡོང་བར་བྱེད་རྒྱུ་དེ་ཁྲག་ཤེད་མཐོ་བའི་ནད་པ་རྣམས་ཀྱིས་དོ་སྣང་ཆེན་པོ་བྱེད་བཞིན་པའི་གནད་དོན་ཞིག་རེད། ང་ཚོས་ཤེས་གསལ་ལྟར་ན། ཁྲག་ཤེད་མཐོ་བའི་ནད་ཀྱི་གནོད་པ་དང་དེའི་མཉམ་བྱུང་ནད་ཀྱིས་སྙིང་དང་ཀླད་པ། མཁལ་མ་སོགས་ལ་གནོད་པ་གཏོང་སྲིད། ཁྲག་ཤེད་ཇི་ལྟར་མཐོ་ན་མཉམ་བྱུང་ནད་འབྱུང་ཚད་ཀྱང་དེ་ལྟར་མཐོ་བ་ཡིན། ནམ་རྒྱུན་ནད་པ་ལ་ལས་གཟབ་ནན་སྒོས་སྨན་འཐུང་གི་ཡོད་ནའང་ཀླད་ཁྲག་ཤོར་བ་སོགས་འབྱུང་གི་ཡོད། དེའི་རྒྱུ་མཚན་ནི་ཁོ་ཚོས་གཅིག་ནས་ཕན་ནུས་དལ་བའི་སྨན་འཐུང་བ་དང་། གཉིས་ནས་ཁྲག་ཤེད་མཐོ་དུས་སྨན་འཐུང་བ་དང་ཁྲག་ཤེད་དམའ་དུས་སྨན་མི་འཐུང་བ་རེད། ཕན་ནུས་དུས་ཡུན་ཐུང་བའི་སྨན་འཐུང་ན་ཁྲག་ཤེད་དུས་ཚོད་འགའ་ལ་མ་གཏོགས་ཚོད་འཛིན་བྱེད་མི་ཐུབ་པ་དང་། ཉིན་གཉིས་པར་ཐོན་ཚེ་སྨན་ནུས་ཅུང་ཙམ་ཡང་མེད་ལ། དེའི་ཁར་དུས་ཐོག་ཏུ་སྨན་མ་འཐུང་ཚེ་ཁྲག་ཤེད་མཐོ་བ་ཚོད་འཛིན་བྱེད་མི་ཐུབ་པ་རེད། ཉིན་ཧྲིལ་བོར་ཁྲག་ཤེད་དེ་བཏང་སྙོམས་ཡོང་བ་བྱེད་དགོས་ན། ངེས་པར་དུ་ཁྲག་རྒྱུ་བའི་ཆོས་ཉིད་དང་ཁྲག་ཤེད་གཅོག་པའི་སྨན་རྫས་ཀྱི་ནུས་བ་ལྟར་ལུགས་མཐུན་སྒོས་སྨན་འཐུང་དགོས། དགོང་མོར་ཁྲག་ཤེད་མཐོ་བའི་ནད་
